അർജന്റീന ക്യാപ്റ്റൻ ലയണൽ മെസ്സി ഫുട്ബോൾ ചരിത്രത്തിൽ ഏറ്റവും കൂടുതൽ ഗോൾ നേടിയ മൂന്നാമത്തെ താരമാണ്. അർജന്റീനയ്ക്കും ബാഴ്‌സലോണയ്ക്കും പിഎസ്‌ജിക്കും വേണ്ടി 1006 മത്സരങ്ങളിൽ നിന്ന് 796 ഗോളുകളാണ് ലയണൽ മെസ്സി ഇതുവരെ നേടിയത്. ഡ്രിബ്ലിംഗിലൂടെ നേടിയ ഗോളുകൾ, ലോംഗ് റേഞ്ച് ഗോളുകൾ, ഹെഡർ ഗോളുകൾ, സെറ്റ് പീസ് ഗോളുകൾ എന്നിവയെല്ലാം ഉൾപ്പെടുന്നു. കാണികളെ വിസ്മയിപ്പിച്ച നിരവധി ഗോളുകളുടെ സൃഷ്ടാവ് ലയണൽ മെസ്സിയാണ്.
ഫ്രഞ്ച് ഇതിഹാസം തിയറി ഹെൻറി, ലയണൽ മെസ്സിക്കൊപ്പം ബാഴ്‌സലോണയിൽ മൂന്ന് സീസണുകൾ കളിച്ച താരമാണ്. ലയണൽ മെസ്സിയുടെ സുവർണ്ണ വർഷങ്ങളിൽ അദ്ദേഹത്തിന്റെ വളർച്ച അടുത്ത് നിരീക്ഷിച്ചവരിൽ ഒരാളാണ് തിയറി ഹെൻറി. ലയണൽ മെസ്സിയുടെ ഇഷ്ട ഗോള് ഏതെന്ന് ചോദിച്ചാൽ എല്ലാവരുടെയും ഉത്തരം വ്യത്യസ്തമായിരിക്കും. നേരത്തെ മാർക്കയ്ക്ക് നൽകിയ അഭിമുഖത്തിൽ, തിയറി ഹെൻറി തന്റെ പ്രിയപ്പെട്ട ലയണൽ മെസ്സി ഗോളിനെക്കുറിച്ച് സംസാരിച്ചു.
2009-ൽ ലാ ലിഗയിൽ മലാഗയ്‌ക്കെതിരെ മെസ്സി നേടിയ ഗോളാണ് തിയറി ഹെൻറിയുടെ പ്രിയപ്പെട്ട ലയണൽ മെസ്സി ഗോൾ. ക്യാമ്പ് നൗവിൽ മലാഗയ്‌ക്കെതിരെ ബാഴ്‌സലോണ 6-0 ന് ജയിച്ചു. അന്ന് സാവി ബാഴ്‌സലോണയുടെ ഗോൾ വേട്ട ആരംഭിച്ചു. ലയണൽ മെസ്സി രണ്ടാം ഗോൾ നേടി. എതിർ ഡിഫൻഡർമാരെ ഡ്രിബിൾ ചെയ്ത് മെസ്സി മനോഹരമായി ഫിനിഷ് ചെയ്തു. തിയറി ഹെൻറിയും അന്ന് സ്കോർ ഷീറ്റിൽ ഇടം നേടി. സാമുവൽ എറ്റോയും ഡാനി ആൽവസുമാണ് മറ്റ് ഗോൾ സ്‌കോറർമാർ.
Thierry Henry talking about his favourite Messi goal is the best thing you will see today.pic.twitter.com/z0VDQfuAYu
— Nolo (@NoloFCB) January 16, 2023
