‘2000 ശതമാനം ഉറപ്പുണ്ട്’ : ഇത് ധോണിയുടെ അവസാന ഐപിഎൽ സീസണായിരിക്കും |MS Dhoni

മഹേന്ദ്ര സിങ് ധോണി ഈ സീസണോടെ ഐപിഎല്ലിൽ നിന്ന് വിരമിക്കുമെന്ന് മുൻ സഹതാരത്തിന്റെ വെളിപ്പെടുത്തൽ. ഇത് അദ്ദേഹത്തിന്റെ അവസാന ഐപിഎല്‍ സീസണായിരിക്കുമെന്ന് മുൻ ചെന്നൈ താരം കേദാർ ജാദവാണ് വെളിപ്പെടുത്തിയത്. 41 കാരനായ ധോണി ഐപിഎല്ലിൽ 238 മത്സരങ്ങളിൽ കളിച്ചിട്ടുണ്ട്.ബുധനാഴ്ച രാജസ്ഥാൻ റോയൽസിനെതിരായ മത്സരത്തിൽ ചെന്നൈ നായകനായി 200 മത്സരം പൂർത്തീകരിക്കുകയും ചെയ്തു.

ധോണിയുടെ വിരമിക്കലിനെ കുറിച്ചും ഐപിഎൽ 16-ാം പതിപ്പ് അദ്ദേഹത്തിന്റെ അവസാനത്തേതായിരിക്കുമെന്നതിനെ കുറിച്ചും ധാരാളം ഊഹാപോഹങ്ങൾ ഉണ്ടെങ്കിലും, നായകൻ ഇതുവരെ ഇക്കാര്യത്തിൽ ഔദ്യോഗിക സ്ഥിരീകരണം നൽകിയിട്ടില്ല. എന്നിരുന്നാലും സീസൺ അവസാനിച്ചതിന് ശേഷം ധോണിയുടെ വിരമിക്കലിനെ കുറിച്ച് തനിക്ക് 2000% ഉറപ്പുണ്ടെന്ന് മുൻ സഹതാരം കേദാർ ജാദവ് പറഞ്ഞു.

”ഐപിഎല്ലിൽ എംഎസ് ധോണിയുടെ അവസാന സീസണായിരിക്കും ഇതെന്ന് 2000 ശതമാനം ഉറപ്പോടെയാണ് ഞാൻ നിങ്ങളോട് പറയുന്നത്. ഈ ജൂലൈയിൽ ധോണിക്ക് 42 വയസ്സ് തികയും. ഇപ്പോഴും ഫിറ്റാണെങ്കിലും, ധോണിയും ഒരു മനുഷ്യനാണ്. അതിനാൽ, ഇത് അദ്ദേഹത്തിന്റെ അവസാന സീസണായിരിക്കുമെന്ന് ഞാൻ കരുതുന്നു. ആരാധകർ ധോണിയുടെ മത്സരങ്ങളൊന്നും നഷ്‌ടപ്പെടുത്തരുത്, ഫീൽഡിലുള്ള ഓരോ പന്തും അവർ കാണണം, ”ന്യൂസ് 18 ക്രിക്കറ്റ് നെക്‌സ്റ്റുമായുള്ള ആശയവിനിമയത്തിനിടെ കേദാർ പറഞ്ഞു.

“കഴിഞ്ഞ ദിവസം ധോണി ബാറ്റ് ചെയ്യുമ്പോൾ ഞങ്ങൾ ജിയോ സിനിമ റെക്കോർഡും തകർത്തു,” അടുത്തിടെ രാജസ്ഥാൻ റോയൽസിനെതിരെ എംഎസ്ഡി ബാറ്റ് ചെയ്യുമ്പോൾ 2.2 കോടി പ്രേക്ഷകർ ജിയോ സിനിമയിലൂടെ അത് കണ്ടതിനെ പരാമർശിച്ച് ജാദവ് പറഞ്ഞു.17 പന്തിൽ 32* റൺസ് നേടിയ ധോണി തന്റെ ടീമിനെ ഫിനിഷിംഗ് ലൈനിലെത്തിച്ചു എന്നത് ശ്രദ്ധേയമാണ്.

എന്നിരുന്നാലും, രാജസ്ഥാൻ റോയൽസ് സി‌എസ്‌കെയെ മൂന്ന് റൺസിന് മറികടന്ന് ഹൈ-ഒക്ടെയ്ൻ ത്രില്ലർ വിജയിച്ചു.ഈ സീസണിൽ തകർപ്പൻ ഫോമിലാണ് ധോണി. മൂന്ന് ഇന്നിംഗ്‌സുകളിലായി 27 പന്തുകൾ മാത്രമാണ് അദ്ദേഹം നേരിട്ടതെങ്കിലും അവയിൽ നിന്ന് രണ്ട് ഫോറും ആറ് സിക്‌സും ഉൾപ്പെടെ 58 റൺസാണ് അദ്ദേഹം അടിച്ചുകൂട്ടിയത്.