❝ ബാങ്ക് വിളിച്ചു 🌙📣 മത്സരം നിർത്തി ഇരു
ടീമുകളും ഗ്രൗണ്ടിൽ 💕🤝 ഒരുമിച്ചുള്ള
ഇഫ്താർ ❞

ലോകമെമ്പാടുമുള്ള ഇസ്​ലാംമത വിശ്വാസികൾ റമദാൻ നോമ്പിന്‍റെ പുണ്യത്തിലാണ്​. കളിയും വിശ്വാസവും സമന്വയിപ്പിച്ച്​ കൊണ്ടുപോകുന്ന കായിക താരങ്ങൾ ഫുട്​ബാളിലും ക്രിക്കറ്റലുമെല്ലാമുണ്ട്​.കളിക്കിടെ ഗ്രൗണ്ടിൽ വെച്ച്​ നോമ്പ്​ തുറക്കുന്ന ഫുട്​ബാൾ താരങ്ങളുടെ വിഡിയോ വൈറലാകുകയാണ്​. തുർക്കിഷ്​ ഫുട്​ബാൾ ലീഗിനെയാണ്​ സംഭവം. മത്സരം 10 മിനിറ്റ്​ പിന്നിട്ട സമയത്ത്​ ​ ബാങ്ക്​ വിളിച്ചപ്പോൾ താരങ്ങൾ സൈഡ്​ ലൈനിലെത്തി നോമ്പ്​ തുറക്കുകയായിരുന്നു. ഗോൾ കീപ്പർ പോസ്റ്റ്​ ബാറിന്​ താഴെയിരുന്ന്​ പാനീയം കുടിക്കുന്നതും വിഡിയോയിൽ ദൃശ്യമാണ്​.

തുർക്കിയിലെ രണ്ടാമത്തെ ഡിവിഷൻ ഫുട്ബോൾ മത്സരത്തിനിടെയാണ് സംഭവം നടന്നത്.ചൊവ്വാഴ്ച, ടി‌എഫ്‌എഫ് രണ്ടാം ലീഗിലെ മാച്ച് ഡേ 30 ന് അങ്കാറ കെസിയോറെൻ‌ഗുക്കു ഗിരെസുൻ‌സ്പോറിനെതിരെയുള്ള മത്സരത്തിനിടെ 11-ാം മിനിറ്റിൽ ഒരു കളിക്കാരന് പരിക്കേറ്റതു കൊണ്ട് ലഭിച്ച സമയത്താണ് അങ്കാറ കെസിയോറെൻഗുക്യു കളിക്കാർ നോമ്പ് തുറന്നത്. എതിർ ടീമംഗവും ഇവരോടൊപ്പം നോമ്പ് തുറക്കാൻ കൂടുകയും ചെയ്തു .മത്സരത്തിൽ അങ്കാറ പരാജയപ്പെട്ടെങ്കിലും അവരുടെ കളിക്കിടയിലുള്ള നോമ്പ് തുറ ഫൂട്ടേജ് സോഷ്യൽ മീഡിയയിൽ വൈറലായി. 2018 ൽ ലോകകപ്പിന് മുന്നോടിയായുള്ള സൗഹൃദ മത്സരത്തിൽ ടുണീഷ്യ ടീമും കളിക്കിടയിൽ നോമ്പ് തുറന്നിട്ടുണ്ട്. 2019 ലെ ചാമ്പ്യൻസ് ലീഗ് സെമി-ഫൈനൽ രണ്ടാം പാദമത്സരത്തിൽ അയാക്സ് താരങ്ങളായ ഹക്കിം സീയെച്,നൊഉഷൈര് മസ്റൂഇയും നോമ്പ് തുറന്നിട്ടുണ്ട്.


മാൻ യുണൈറ്റഡിന്റെ പോൾ പോഗ്ബ, ഇന്റർസ് അക്രഫ് ഹക്കിമി, ഫെനെർബാഷെയുടെ മെസുത് ഓസിൽ, ലിവർപൂൾ ജോഡികളായ സാഡിയോ മാനെ, മോ സലാ തുടങ്ങിയവർ ലോകമെമ്പാടുമുള്ള ആരാധകർക്ക് സോഷ്യൽ മീഡിയയിൽ എത്തി റമദാൻ കരീം ആശംസകൾ അയച്ചു.