❝നിങ്ങൾ ഓറഞ്ച് ക്യാപ്പ് ധരിക്കുന്നു, എനിക്കാണെങ്കിൽ റൺസ് സ്‌കോർ ചെയ്യാൻ കഴിയുന്നില്ല❞- ജോസ് ബട്ട്‌ലറോട് ചോദ്യവുമായി വിരാട് കോഹ്‌ലി

വിരാട് കോഹ്‌ലിയുടെ ദയനീയ ഫോം ഐപിഎൽ 2022-ലെ ചർച്ചാവിഷയമായിരുന്നു . മുൻ ആർസിബി ക്യാപ്റ്റൻ ജിടിക്കെതിരായ തന്റെ മികച്ച പ്രകടനത്തിന് മുമ്പ് 20-ന് താഴെ ശരാശരിയിൽ 236 റൺസ് മാത്രമാണ് നേടിയിരുന്നത്.ശരാശരിയുടെ കാര്യത്തിൽ, 2008 ന് ശേഷമുള്ള കോഹ്‌ലിയുടെ ഏറ്റവും മോശം സീസണാണിത്.

ഇതുവരെ 14 മത്സരങ്ങളിൽ നിന്ന് 23.77 ശരാശരിയാണ് കോഹ്‌ലിക്കുള്ളത്.മൂന്ന് ഗോൾഡൻ ഡക്കുകളും നേടിയ അദ്ദേഹം അർദ്ധ സെഞ്ച്വറി മാത്രമാണ് നേടിയത്. എന്നാൽ രാജസ്ഥാൻ ഓപ്പണർ ജോസ് ബട്ട്‌ലർ ഒരു ചോദ്യവുമായി സമീപിച്ചതിനെക്കുറിച്ച് വിരാട് കോലി വിശദീകരിച്ചു.കോഹ്‌ലി ഏറ്റവും മോശം ഫോമിലൂടെ കടന്നു പോവുമ്പോൾ ഒരു മത്സരം ബാക്കിനിൽക്കെ 3 സെഞ്ചുറികളും 3 അർധസെഞ്ചുറികളും ഉൾപ്പെടെ 627 റൺസുമായി ബട്ട്‌ലർ ഓറഞ്ച് ക്യാപ് ഹോൾഡറാണ്.ഒരു ഐപിഎൽ സീസണിൽ കോഹ്‌ലിയുടെ നാല് സെഞ്ചുറികളുടെ റെക്കോർഡിനൊപ്പമെത്താനുള്ള മത്സരത്തിലാണ് ഇംഗ്ലീഷ് താരം.

സ്റ്റാർ സ്‌പോർട്‌സിന് വേണ്ടി ഹർഭജൻ സിങ്ങുമായി നടത്തിയ സംഭാഷണത്തിൽ വിരാട് കോഹ്‌ലി പറഞ്ഞു, “രാജസ്ഥാൻ റോയൽസ് മത്സരത്തിന് ശേഷം ജോസ് ബട്ട്‌ലർ എന്റെ അടുത്ത് വന്നു, എനിക്ക് നിങ്ങളോട് ഒരു കാര്യം ചോദിക്കണമെന്ന് പറഞ്ഞു.ഞാൻ അവനോട് പറഞ്ഞു, നിങ്ങൾ ഓറഞ്ച് തൊപ്പിയാണ് ധരിച്ചിരിക്കുന്നത്, നിങ്ങൾക്ക് എന്നോട് എന്താണ് ചോദിക്കേണ്ടത്, എനിക്ക് റൺസ് എടുക്കാൻ കഴിയുന്നില്ല – ഞങ്ങൾ അതിനെക്കുറിച്ച് പറഞ്ഞ് ചിരിച്ചു.ഏപ്രിൽ 26 ന് പൂനെയിൽ നടന്ന RR vs RCB മത്സരത്തെ കുറിച്ച് സംസാരിക്കുകയായിരുന്നു വിരാട് കോഹ്‌ലി. 8 വിക്കറ്റിന് 144 റൺസ് നേടിയ ശേഷം റോയൽസ് 29 റൺസിന് വിജയിച്ചു. ബട്‌ലർ 9 പന്തിൽ 8 റൺസെടുത്ത് പുറത്തായപ്പോൾ കോലി 10 പന്തിൽ 9 റൺസെടുത്തു.

പുതിയ ടീമുകളായ ഗുജറാത്ത് ടൈറ്റൻസും ലഖ്‌നൗ സൂപ്പർ ജയന്റ്‌സും പ്ലേ ഓഫിലേക്ക് കുതിച്ച ഐപിഎൽ സീസണിലെ ഏറ്റവും വലിയ ചർച്ചാ പോയിന്റുകളിൽ ഒന്നാണ് വിരാട് കോഹ്‌ലിയുടെ മോശം ഫോം.ആർ‌സി‌ബി ഇൻ‌സൈഡറിന് നൽകിയ അഭിമുഖത്തിൽ, വിരാട് കോലി തന്റെ മൂന്ന് ആദ്യ പന്തിലെ ഡക്കുകളെ കുറിച്ച് തമാശ പറയുകയും ഐ‌പി‌എൽ 2022 ൽ രണ്ടാം തവണ പൂജ്യത്തിന് പുറത്തായതിന് ശേഷം താൻ പുഞ്ചിരിച്ചത് എന്തുകൊണ്ടാണെന്ന് വെളിപ്പെടുത്തുകയും ചെയ്തു.” മൂന്നു മത്സരങ്ങളിൽ ഡക്കായി തീർത്തും നിസ്സഹായനായിരിക്കുമ്പോൾ എന്താണ് തോന്നുന്നതെന്ന് എനിക്ക് മനസ്സിലായി. എന്റെ കരിയറിൽ ഇത് ഒരിക്കലും സംഭവിച്ചിട്ടില്ല. ഇപ്പോൾ എല്ലാം കണ്ടു, ഈ കളിയിൽ ഞാൻ എല്ലാം കണ്ടു,” കോലി പറഞ്ഞു.