❝ഈ ജഴ്‌സിക്കും ബാഡ്ജിനും വേണ്ടി ഞങ്ങൾ എല്ലാം നൽകും❞: കേരള ബ്ലാസ്റ്റേഴ്‌സ് കോച്ച് ഇവാൻ വുകോമാനോവിച്ച്

ഐ‌എസ്‌എൽ 2022-23 സീസൺ ആരംഭിക്കാൻ ഒരാഴ്ച മാത്രം ശേഷിക്കെ കേരള ബ്ലാസ്റ്റേഴ്‌സ് തയ്യാറെടുപ്പുകൾ ശക്തമാക്കിയിരിക്കുകയാണ്.രണ്ട്സി വർഷ കാലം അടച്ചിട്ട സ്റ്റേഡിയത്തിനുള്ളിൽ ശേഷം ശേഷം കേരള ബ്ലാസ്റ്റേഴ്സ് അവരുടെ പ്രശസ്തമായ ആരാധകരുടെ സാന്നിധ്യം അനുഭവിക്കാൻ തയ്യാറെടുക്കുകയാണ്.

കഴിഞ്ഞ സീസണിൽ ശ്രദ്ധേയമായ പ്രകടനം നടത്തിയെങ്കിലും അത് ഫൈനലിൽ ഹൃദയഭേദകമായ തോൽവിയിൽ അവസാനിച്ചു. എട്ടു സീസണിലെ ഐഎസ്എൽ ഫൈനലിലെ മൂന്നാമത്തെ ഫൈനലിലെ തോൽവി ആയിരുന്നു.ഈ സീസണിൽ ആരാധകരുടെ ഏറ്റവും കൂടുതൽ പിന്തുണയുള്ള ക്ലബ് അതിന്റെ കന്നി ഐഎസ്എൽ കിരീടം സ്വന്തമാക്കുമോ? എന്ന ചോദ്യം ഉയർന്നു വന്നിരിക്കുകയാണ്. വരാനിരിക്കുന്ന സീസണെക്കുറിച്ച് ബ്ലാസ്റ്റേഴ്‌സ് ഹെഡ് കോച്ച് ഇവാൻ വുകോമാനോവിച്ച് പ്രതീക്ഷകൾ പങ്കു വെച്ചു.

“ഇത് വലിയ മാറ്റമുണ്ടാക്കും. കഴിഞ്ഞ രണ്ട് സീസണുകളിലും ആരാധകരില്ലാതെയാണ് ടീമുകൾ കളിക്കുന്നത്. ആരാധകരില്ലാത്ത അത്തരം അന്തരീക്ഷത്തിൽ കളിക്കുന്നത് ഭയങ്കരമായിരുന്നു. അത് നല്ലതായിരുന്നില്ല; ആറ് മാസത്തോളം ഒരിടത്ത് പൂട്ടിയിട്ട് ആ അവസ്ഥകളിൽ ജീവിക്കുന്നു. തികച്ചും ഒരു ജീവിതാനുഭവമായിരുന്നു അത്.ആരാധകരെ തിരികെ ലഭിക്കുന്നത് ഒരു മികച്ച കാര്യമാണ്. കാരണം ഞങ്ങൾ ഫുട്ബോൾ കളിക്കുന്നത് ആരാധകർക്ക് വേണ്ടിയാണ്.പ്രത്യേകിച്ചുംനിങ്ങൾക്ക് ഇത്തരത്തിലുള്ള പിന്തുണ ഉള്ളപ്പോൾ.ഞങ്ങൾ ആരാധകർക്ക് വേണ്ടി കളിക്കാൻ ആഗ്രഹിക്കുന്നു.തിങ്ങിനിറഞ്ഞ സ്റ്റേഡിയത്തിൽ പോയി ആ ​​ആരാധകർക്ക് എല്ലാം നൽകണം, കാരണം അവർ അത് അർഹിക്കുന്നു.” സ്റ്റേഡിയത്തിലേക്കുള്ള ആരാധകരുടെ തിരിച്ചു വരവിനെക്കുറിച്ച് ഇവാൻ പറഞ്ഞു.

“ഞങ്ങൾ ഒപ്പിട്ട കളിക്കാരിൽ ഞങ്ങൾ വളരെ സന്തുഷ്ടരാണ്. ഞങ്ങൾക്ക് നല്ല ടീമുണ്ട്, നല്ല അന്തരീക്ഷമുണ്ട്. പക്ഷെ ഒന്നിനും ഒരു ഉറപ്പും നല്കാൻ സാധിക്കില്ല.ഫുട്ബോളിൽ ചിലപ്പോൾ ജയിക്കും ,തോൽക്കും അല്ലെങ്കിൽ സമനിലയാവാം എന്തും സംഭവിക്കാം. പക്ഷേ, ഞങ്ങൾ ശുഭാപ്തിവിശ്വാസികളാണ്. ഞങ്ങൾക്ക് നല്ലൊരു കൂട്ടം ആളുകളുണ്ട്.ട്രാൻസ്ഫർ വിൻഡോയിൽ ഞങ്ങൾ ചില നീക്കങ്ങൾ നടത്തുകയും ചെയ്തു” ഇത്തവണ ടീമിൽ വന്ന മാറ്റങ്ങളെക്കുറിച്ച് ഇവാൻ പറഞ്ഞു.

ആരാധകരോട് എനിക്ക് പറയാനുള്ളത് കഴിഞ്ഞ വർഷം ഈ ജേഴ്സിക്കും ഈ ബാഡ്ജിനുമായി ഞങ്ങൾ എല്ലാം നൽകി. ഈ വർഷവും ഞങ്ങൾ അത് ചെയ്യും. ഓരോ ഗെയിമും, എന്ത് സംഭവിച്ചാലും, ഞങ്ങൾ അത് തന്നെ ചെയ്യും, അതിനാൽ ഗെയിമിന് ശേഷം ഞങ്ങൾക്ക് ഖേദമില്ല. അവർക്കായി ഞങ്ങൾ എല്ലാം നൽകും.പരിശീലകൻ ഇവാന്റെ സാന്നിധ്യം തന്നെയാണ് ബ്ലാസ്റ്റേഴ്സ് ആരാധകരുടെ ഏറ്റവും വലിയ പ്രതീക്ഷ. തന്റെ കളിക്കാരിൽ നിന്ന് ഏറ്റവും മികച്ച പ്രകടനം പുറത്തുകൊണ്ടുവരാനും, അതിവിദ​ഗ്ദമായി ടീമിനെ ഒന്നിച്ചുകൊണ്ടുപോകാനും കഴിയുമെന്ന് ഇവാൻ തെളിയിച്ചുകഴിഞ്ഞു. എല്ലാം കൂടി ചേരുമ്പോൾ കടലാസിൽ ശക്തമായ സംഘം തന്നെയാണ് ബ്ലാസ്റ്റേഴ്സിന്റേത്.

Rate this post