❝എന്താണ് സഞ്ജുവിനില്ലാത്ത യോഗ്യത, എന്തുകൊണ്ട് ഈ അവഗണന!!കാരണം തിരഞ്ഞ് മലയാളികൾ❞|Sanju Samson

അയർലണ്ടിനെതിരെയുള്ള ആദ്യ ടി 20 യിൽ സഞ്ജു സാംസൺ പ്ലെയിംഗ് ഇലവനിൽ ഇല്ലെന്ന വാർത്ത കാട്ടുതീ പോലെയാണ് സോഷ്യൽ മീഡിയയിൽ പരന്നത്. ബിസിസിഐയെയും , ഇന്ത്യൻ ടീമിനെയും വിമർശിച്ച് ആരാധകർ രംഗത്തെത്തുകയും ചെയ്തു.സാംസണെ ഒഴിവാക്കിയതിൽ ആശ്ചര്യവും രോഷവും കാരണം ആരാധകർക്ക് അടങ്ങിയിരിക്കാൻ സാധിച്ചില്ല. കാരണം ഇന്നലെ സഞ്ജു ഇന്ത്യൻ ജേഴ്സിയിൽ കളിക്കണം എന്ന് എല്ലാവരും ഒരുപോലെ ആഗ്രഹിച്ചിരുന്നു.

സാംസണിന്റെ ഇന്ത്യൻ ടീമിലെ സ്ഥാനം പലപ്പോഴും ചർച്ചയായിട്ടുണ്ട്.സഞ്ജു സാംസണെ ആദ്യ പതിനൊന്നിൽ ഉൾപ്പെടുത്താൻ പോകുന്നില്ലെങ്കിൽ എന്തിനാണ് ടീമിലേക്ക് തിരഞ്ഞെടുത്തത്? എന്നാണ് പലരും മുന്നോട്ട് വെക്കുന്ന ചോദ്യം.രാഹുൽ ദ്രാവിഡ് തന്റെ തിരഞ്ഞെടുപ്പിൽ ഒരു പ്രത്യേക പാറ്റേൺ പിന്തുടരുന്നു. ടീം കോമ്പിനേഷനുകളിൽ അദ്ദേഹം കൂടുതൽ ശ്രദ്ധ നൽകുന്നില്ല.ഗെയ്‌ക്‌വാദിനും ഇഷാനും ലോംഗ് റോപ്പ് ലഭിച്ചതിനാൽ, സാംസൺ ഇന്ത്യക്കായി മൂന്നാം നമ്പറിൽ ഇറങ്ങുമെന്ന് പ്രതീക്ഷിച്ചിരുന്നു.എന്നാൽ ദീപക് ഹൂഡയ്ക്കാണ് ആ സ്ഥാനം ലഭിച്ചത്. ഹൂഡ ഒരു മികച്ച ഓൾറൗണ്ടറാണ്.

എന്നാൽ രോഹിതും രാഹുലും കോഹ്‌ലിയും അടക്കം മൂന്ന് സീനിയർ ബാറ്റ്‌സ്മാൻമാർ ആദ്യ മൂന്ന് സ്ഥാനങ്ങൾ ഏറ്റെടുക്കുമെന്നതിനാൽ ലോകകപ്പിന് മുന്നോടിയായി ഹൂഡയെ അദ്ദേഹത്തെ ഉൾപ്പെടുത്തുന്നതിൽ അർത്ഥമില്ല.ഈ യുക്തിയനുസരിച്ച്, സാംസണിനെ മൂന്നാം നമ്പറിൽ ഉൾപ്പെടുത്തേണ്ടതായിരുന്നു പക്ഷെ മലയാളി താരം ടീമിൽ ഇടം പിടിച്ചില്ല. ഇന്ത്യൻ ക്രിക്കറ്റ് മാനേജ്‌മെന്റിന്റെ അഭിപ്രായത്തിൽ സാംസൺ യഥാർത്ഥത്തിൽ അവസരങ്ങൾ ഉപയോഗപെടുത്തിയിട്ടില്ല എന്നാണ്. കഴിഞ്ഞ ഐപിഎൽ സീസണിൽ പോലും സഞ്ജു മികച്ച പ്രകടനം പുറത്തെടുത്തെങ്കിലും 20-കളിലും 30-കളിലും ഒതുങ്ങി നില്കുനന്നതായിരുന്നു അദ്ദേഹത്തിന്റെ ഇന്നിങ്‌സുകൾ.20കളിലും 30കളിലും സ്ഥിരമായി പുറത്തായത് സഞ്ജുവിന്റെ സ്ഥിരതയെ ചോദ്യം ചെയ്യപ്പെടുന്ന ഒന്നായി മാറുകയും ചെയ്തു.

2015 ഇൽ ഇന്ത്യക്ക് വേണ്ടി T20 യിൽ അരങ്ങേറ്റം നടത്തിയ ഈ കാലയളവിൽ സഞ്ജുവിന് അവസരം കൊടുത്തു എന്ന് പറയപ്പെടുന്ന 12 ഇണ്ണിങ്സ്കൾ എങ്ങനെ എന്ന് നോക്കുക. ഒരു പരമ്പരയിൽ തുടർച്ചയായി ഒരിക്കലും സഞ്ജുവിനെ അവർ പരിഗണിച്ചിട്ടില്ല. ബെഞ്ചിൽ ഇരുത്തി മടുപ്പിച്ച ശേഷം ഇടക്ക് ഇടക്ക് എങ്ങാനും കൊടുക്കുന്ന അവസരം ആണ് ഇതിൽ 13 കളികളും ഒരു കളിക്കാരന്റ ആത്മവിശ്യാസം മുഴുവൻ തകർക്കുന്ന രീതിയിൽ ആണ് ഒന്നോ രണ്ടോ കളിയിൽ ഇറക്കി പിന്നെ കുറെ കാലത്തേക്ക് ടീമിലെ ബെഞ്ചിൽ പോലും കാണില്ല.പരാജയം ആയിരുന്നിട്ടും തുടച്ചയായി 9 മത്സരത്തിൽ ആണ് ഗെയ്ക്ന് അവസരം കൊടുത്തത്.

ടീം മാനേജ്‌മെന്റ് ഇഷാൻ കിഷനെയും ഋഷഭ് പന്തിനെയും അല്ലെങ്കിൽ റുതുരാജ് ഗെയ്‌ക്‌വാദിനെയും പിന്തുണച്ചതുപോലെ സാംസണെ ശരിക്കും പിന്തുണച്ചിട്ടില്ല എന്നത് നിഷേധിക്കാനാവാത്ത സത്യമാണ്. അയർലണ്ടിനെ നേരിടാൻ നിശ്ചയിച്ചിരിക്കുന്ന ചെറുപ്പക്കാരുടെ ടീമിൽ സാംസണെ ടീമിൽ ഉൾപ്പെടുത്തുമെന്ന് ആരാധകർക്ക് ഉറപ്പായിരുന്നു.വെളിപ്പെടുത്താത്ത പരിക്കുകളോ ഫിറ്റ്നസ് പ്രശ്‌നങ്ങളോ അടിസ്ഥാനമാക്കിയല്ലെങ്കിൽ ഒഴിവാക്കൽ എല്ലാവരും അംഗീരികരിക്കും.