മുംബൈ ഇന്ത്യൻസിനെതിരെ അടിച്ചൊതുക്കിയ യശസ്വി ജയ്‌സ്വാൾ |Yashasvi Jaiswal
വാങ്കഡെ സ്റ്റേഡിയത്തിൽ മുംബൈ ഇന്ത്യൻസിനെതിരെ രാജസ്ഥാൻ റോയൽസ് ഓപ്പണർ യശസ്വി ജയ്‌സ്വാൾ ഇന്ത്യൻ പ്രീമിയർ ലീഗിൽ തന്റെ ആദ്യ സെഞ്ച്വറി നേടി. 21 വർഷവും 123 ദിവസവും മാത്രമുള്ള താരം ഐപിഎല്ലിൽ സെഞ്ച്വറി നേടുന്ന ഏറ്റവും പ്രായം കുറഞ്ഞ നാലാമത്തെ കളിക്കാരനായി.
മനീഷ് പാണ്ഡെ (19 വർഷം, 253 ദിവസം) ഐപിഎല്ലിലെ ഏറ്റവും പ്രായം കുറഞ്ഞ സെഞ്ചൂറിയൻ, ഋഷഭ് പന്ത് (20 വർഷം, 218 ദിവസം), ദേവദത്ത് പടിക്കൽ (20 വർഷം, 289 ദിവസം) എന്നിവർക്ക് തൊട്ടു പിന്നിലാണ് ജയ്‌സ്വാളിന്റെ സ്ഥാനം. 62 പന്തിൽ 124 റൺസെടുത്ത ജയ്‌സ്വാൾ പുറത്തായതോടെ രാജസ്ഥാൻ റോയൽസിന്റെ ഏറ്റവും ഉയർന്ന സ്‌കോറെന്ന ജോസ് ബട്ട്‌ലറുടെ റെക്കോർഡിനൊപ്പമെത്തി. 2021ൽ ഡൽഹിയിൽ സൺറൈസേഴ്‌സ് ഹൈദരാബാദിനെതിരെ ബട്‌ലർ 64 പന്തിൽ 124 റൺസ് നേടിയിരുന്നു.
മുംബൈക്കെതിരെ യശസ്വി ജയ്‌സ്വാൾ 16 ബൗണ്ടറിയും 8 സിക്സുമടക്കം 124 റൺസാണ് എടുത്തത്. 53 പന്തിൽ നിന്നാണ് ജയ്‌സ്വാൾ ശതകം പൂർത്തിയാക്കിയത്. ആദ്യ ബാറ്റ് ചെയ്ത രാജസ്ഥാൻ റോയൽസ് 7 വിക്കറ്റ് നഷ്ടത്തിൽ 212 റൺസാണ് എടുത്തത്.ഓപ്പണിംഗ് വിക്കറ്റിൽ ജോസ് ബട്ട്‌ലറുമായി 72 റൺസിന്റെ കൂട്ടുകെട്ടാണ് ജയ്‌സ്വാൾ നേടിയത്.ഇപ്പോൾ RR-ന്റെ ഏറ്റവും പ്രായം കുറഞ്ഞ ഐപിഎൽ സെഞ്ചൂറിയനാണ് മുൻ താരംഐപിഎല്ലിൽ റോയൽസിനായി സെഞ്ച്വറി നേടുന്ന ഏഴാമത്തെ താരമാണ് ജയ്‌സ്വാൾ.ബട്‌ലർ (5), ഷെയ്ൻ വാട്‌സൺ (2), അജിങ്ക്യ രഹാനെ (2), സഞ്ജു സാംസൺ (2), ബെൻ സ്റ്റോക്‌സ് (1), യൂസഫ് പത്താൻ (1) എന്നിവരാണ് ഈ നേട്ടം കൈവരിച്ച മറ്റുള്ളവർ.
ക്യാപ്റ്റൻ സഞ്ജു സാംസൺ ബാറ്റിംഗ് തിരഞ്ഞെടുത്തതിന് ശേഷം RR ന് മികച്ച തുടക്കമായിരുന്നു. കഴിഞ്ഞ കളി പോലെ തന്നെ ജയ്‌സ്വാളും ജോസ് ബട്ട്‌ലറും മികച്ച തുടക്കമാണ് നൽകിയത്. എന്നാൽ പിന്നീട് വന്നവർക്ക് കാര്യമായി ഒന്നും ചെയ്യാനായില്ലെങ്കിലും ജയ്‌സ്വാൾ ഒരു വശത്ത് നിലയുറപ്പിച്ച് റോയലാൽസിനെ കൂറ്റൻ സ്കോറിലെത്തിച്ചു.ഐപിഎൽ 2023 ലെ പവർപ്ലേയിൽ ജയ്‌സ്വാൾ അസാമാന്യ പ്രകടനമാണ് കാഴ്ചവെച്ചത്.
165.69 സ്‌ട്രൈക്ക് റേറ്റിൽ 227 റൺസ് അടിച്ചുകൂട്ടിയിട്ടുണ്ട്.ഈ സീസണിൽ ഈ ഘട്ടത്തിൽ ഏറ്റവും കൂടുതൽ റൺസ് നേടിയ താരമാണ് ജയ്‌സ്വാൾ. പവർപ്ലേയിൽ 204 റൺസെടുത്ത ലഖ്‌നൗ സൂപ്പർ ജയന്റ്‌സിന്റെ കൈൽ മേയേഴ്‌സിനെ ജയ്‌സ്വാൾ പിന്നിലാക്കി.
