❝പിഎസ്ജി യുമായി കരാറൊപ്പിടാൻ ഖത്തറിലേക്ക് പറന്ന് സിദാൻ❞ |Zinedine Zidane

അടുത്ത സീസണിൽ പാരീസ് സെന്റ് ജെർമെയ്ൻ പരിശീലകനായി മൗറീഷ്യോ പോച്ചെറ്റിനോയ്ക്ക് പകരം സിനദീൻ സിദാൻ എത്തുമെന്ന് ഫ്രഞ്ച് റേഡിയോ സ്റ്റേഷൻ യൂറോപ്പ് 1 റിപ്പോർട്ട് ചെയ്തു.അടുത്ത സീസണിൽ ഫ്രഞ്ച് ക്ലബ്ബിനെ ഏറ്റെടുക്കാൻ സിദാൻ സമ്മതം അറിയിച്ചു കഴിഞ്ഞിട്ടുണ്ട്.

18 മാസം മുമ്പ് പിഎസ്ജി പരിശീലകനായി നിയമിതനായ പോച്ചെറ്റിനോക്ക് ഫ്രഞ്ച് ലീഗ് കിരീടം നേടിക്കൊടുക്കാൻ കഴിഞ്ഞെങ്കിലും ചാമ്പ്യൻസ് ലീഗിലും ഫ്രഞ്ച് കപ്പിലും ടീം നേരത്തെ പുറത്തായത് ആരാധകരിൽ കടുത്ത അതൃപ്‌തി സൃഷ്‌ടിച്ചിരുന്നു. 2020-21 സീസണിന്റെ അവസാനത്തിൽ റയൽ മാഡ്രിഡ് വിട്ടതിനുശേഷം 49 കാരനായ സിദാൻ ക്ലബ് ഇല്ലായിരുന്നു. മാഞ്ചസ്റ്റർ യുണൈറ്റഡ് അടക്കമുള്ള നിരവധി പ്രമുഖ ക്ലബ്ബുകൾ സിദാന് വേണ്ടി ഓഫറുകൾ വെച്ചിരുന്നു .

ആർഎംസിയുടെ ഡാനിയൽ റിയോലോ പറയുന്നതനുസരിച്ച് ഫ്രഞ്ച് ക്ലബ്ബിൽ മൗറീഷ്യോ പോച്ചെറ്റിനോയുടെ സ്ഥാനം സിദാൻ നേടുമെന്നാണ്.ഈ സീസണിൽ ലിയോ മെസ്സി ആദ്യമായി പിഎസ്ജിയിലേക്ക് പോകുന്ന വാർത്ത പുറത്തുവിട്ട പത്രപ്രവർത്തകനായിരുന്നു റിയോലോ.ഈ വിവരം ശരിയാണെങ്കിൽ, മെസിയെയും നെയ്മറെയും എംബാപ്പയെയും പരിശീലിപ്പിക്കാൻ സിദാൻ അടുത്ത വേനൽക്കാലത്തിന്റെ തുടക്കത്തിൽ പാരീസിലെത്തും.

ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പോലും സിദാൻ ഒരു ഫ്രഞ്ച് ക്ലബ്ബിൽ പ്രവർത്തിക്കുന്നത് കാണാനുള്ള തന്റെ ആഗ്രഹം പരസ്യമായി പ്രകടിപ്പിച്ചു, മുമ്പ് അദ്ദേഹം കൈലിയൻ എംബാപ്പെയെ കരാർ പുതുക്കാൻ നിദേശിച്ചിരുന്നു.സിദാന്റെ പിഎസ്ജിയിലേക്കുള്ള വരവിന് എംബാപ്പെയുടെ പുതുക്കലുമായി യാതൊരു ബന്ധവുമില്ല.സാമ്പത്തിക ഓഫറും അദ്ദേഹത്തിന് നിയന്ത്രണം വാഗ്ദാനം ചെയ്യുന്ന ഒരു പ്രോജക്റ്റ് ഏറ്റെടുക്കാനുള്ള സാധ്യതയുമാണ് മൂന്ന് തവണ ചാമ്പ്യൻസ് ലീഗ് ജേതാവിനെ പിഎസ്ജിയിലേക്ക് ആകർഷിക്കുന്ന ഘടകങ്ങൾ.മാഴ്സെയുടെയും റയൽ മാഡ്രിഡിന്റെയും ഭൂതകാലമാണ് പിഎസ്ജിയിൽ ചേരുന്നതിൽ നിന്ന് അദ്ദേഹത്തെ തടഞ്ഞിരുന്നത് . എന്നാൽ ഇപ്പോൾ ലോസ് ബ്ലാങ്കോസുമായുള്ള അദ്ദേഹത്തിന്റെ ബന്ധം ഇപ്പോൾ വഷളായിരിക്കുകയാണ്.

49 കാരനായ സിദാൻ 2016 മുതൽ 2018 വരെ തുടർച്ചയായി മൂന്ന് ചാമ്പ്യൻസ് ലീഗ് കിരീടങ്ങൾ റയൽ മാഡ്രിഡിനൊപ്പം ഉയർത്തിയിട്ടുണ്ട്. രണ്ടു ല ലീഗ കിരീടവും നേടിയിട്ടുണ്ട്.ഫ്രാൻസിലെ ഏറ്റവും വലിയ ക്ലബ്ബിന്റെ മാനേജരായി ഒരു ഫ്രഞ്ച് ഐക്കണിനെ നിയമിക്കുന്നത് PSG-യെ സംബന്ധിച്ചിടത്തോളം അർത്ഥവത്താണ്.