തിങ്കളാഴ്ച ചെന്നൈയിലെ എംഎ ചിദംബരം സ്റ്റേഡിയത്തിൽ നടന്ന ലോകകപ്പ് മത്സരത്തിൽ പാകിസ്ഥാൻ അഫ്ഗാനിസ്ഥാനെതിരെ എട്ട് വിക്കറ്റിന് ഞെട്ടിക്കുന്ന തോൽവി ഏറ്റുവാങ്ങിയതിന് ശേഷം നിരാശനായ ബാബർ അസം അവരുടെ മോശം പ്രകടനത്തെ കുറ്റപെടുത്തി.തന്റെ ടീമിന്റെ ബൗളേഴ്‌സ് മികച്ച നിലവാരം പുലർത്തിയില്ലെന്ന് ക്യാപ്റ്റൻ ബാബർ അസം സമ്മതിച്ചു.
ഓപ്പണർമാരായ ഇബ്രാഹിം സദ്രാൻ (113 പന്തിൽ 87), റഹ്മാനുള്ള ഗുർബാസ് (53 പന്തിൽ 65) എന്നിവരുടെ മികവിലാണ് പാകിസ്ഥാൻ ഉയർത്തിയ 283 റൺസ് വിജയലക്ഷ്യം ആറു പന്തുകൾ ബാക്കി നിൽക്കെ അഫ്ഗാനിസ്ഥാൻ മറികടന്നത്.കൊൽക്കത്ത നൈറ്റ് റൈഡേഴ്സിന്റെ റഹ്മാനുള്ള ഗുർബാസ് 53 പന്തിൽ 65 റൺസ് നേടിയപ്പോൾ ഇബ്രാഹിം സദ്രാൻ 113 പന്തിൽ 87 റൺസുമായി വിജയത്തിലെത്തിച്ചു.പരിചയസമ്പന്നനായ റഹ്മത്ത് ഷാ 84 പന്തിൽ 77 റൺസുമായി പുറത്താകാതെ നിന്നു.
“അഫ്ഗാനിസ്ഥാനെതിരെ ഞങ്ങൾക്ക് തോൽവി നേരിട്ടു.അത് ഞങ്ങളെ വല്ലാതെ വേദനിപ്പിച്ചു. റണ്ണുകൾ ബോർഡിൽ ഉണ്ടായിരുന്നു. ഞങ്ങൾ വേണ്ടത്ര നന്നായി ബൗൾ ചെയ്തില്ലെന്ന് ഞാൻ കരുതുന്നു.ഞങ്ങൾ മാർക്കിൽ എത്തിയിട്ടില്ല. ലോകകപ്പിൽ, ഞങ്ങൾക്ക് മൂന്ന് ഡിപ്പാർട്ട്‌മെന്റുകളും ടിക്ക് ചെയ്യണം. ഏതെങ്കിലും ഒരു ഡിപ്പാർട്ട്‌മെന്റിൽ ഞങ്ങൾ പരാജയപ്പെട്ടാൽ തോൽക്കും,” മത്സരത്തിന് ശേഷമുള്ള അവതരണ ചടങ്ങിൽ ബാബർ അസം പറഞ്ഞു.
“എനിക്ക് തോന്നുന്നു. ബൗളിംഗ് സമയത്ത് ഞങ്ങൾ നന്നായി തുടങ്ങി, പക്ഷേ ഞങ്ങൾക്ക് വിക്കറ്റ് വീഴ്ത്താനായില്ല. എല്ലാ ക്രെഡിറ്റും അഫ്ഗാനിസ്ഥാനാണ്. അവർ 3 ഡിപ്പാർട്ട്‌മെന്റുകളിലും മികച്ച പ്രകടനം നടത്തി, അതിനാൽ അവർ വിജയിച്ചു. വരും മത്സരങ്ങളിൽ ഞങ്ങൾക്ക് മികച്ച പ്രകടനം നടത്തേണ്ടതുണ്ട്.എല്ലാ ഡിപ്പാർട്ട്‌മെന്റുകളിലും മികച്ച പ്രകടനം കാഴ്ച്ചവെക്കണം, അടുത്തത് എങ്ങനെയെന്ന് നമുക്ക് നോക്കാം”അസം കൂട്ടിച്ചേർത്തു.
“ഞങ്ങൾക്ക് മികച്ച ടോട്ടൽ ഉണ്ടായിരുന്നു, പക്ഷേ ബൗളിംഗിൽ ഞങ്ങൾ മികച്ച നിലവാരം പുലർത്തിയില്ല, കാരണം ഞങ്ങൾ മധ്യ ഓവറുകളിൽ വിക്കറ്റ് വീഴ്ത്തുന്നില്ല.ഞങ്ങൾ നല്ല ക്രിക്കറ്റ് കളിക്കുന്നില്ല, (പ്രത്യേകിച്ച്) ബൗളിംഗിലും ഫീൽഡിംഗിലും” ബാബർ കൂട്ടിച്ചേർത്തു.