ഇത് ചിലപ്പോൾ തന്റെ അവസാനത്തെ ലോകകപ്പ് ആയിരിക്കുമെന്നാണ് ഖത്തർ ലോകകപ്പിന് മുൻപ് ബ്രസീലിയൻ താരം നെയ്മർ പറഞ്ഞത്. 2026ൽ നടക്കുന്ന അടുത്ത ലോകകപ്പ് വരെ ഫുട്ബോളിൽ തുടരാനും മികച്ച പ്രകടനം നടത്താനും തനിക്ക് കഴിയുമോയെന്ന കാര്യത്തിൽ യാതൊരു ഉറപ്പും ഇല്ലാത്തതു കൊണ്ടാണ് നെയ്മർ അങ്ങിനെയൊരു അഭിപ്രായം പ്രകടിപ്പിച്ചത്.
ഖത്തർ ലോകകപ്പിൽ ബ്രസീൽ മികച്ച പ്രകടനത്തോടെയാണ് തുടങ്ങിയതെങ്കിലും ക്വാർട്ടർ ഫൈനലിൽ തോറ്റു പുറത്താവുകയായിരുന്നു. കിരീടം നേടുമെന്നു പ്രതീക്ഷിച്ച ടീമായിരുന്നു ബ്രസീലിന്റേത്. ആ പുറത്താകൽ കളിക്കാർക്കും ആരാധകർക്കും വലിയ ആഘാതമാണ് ഏൽപ്പിച്ചത്. 2022 ലോകകപ്പിൽ ബ്രസീലിന്റെ പുറത്തായതിന് ശേഷം താൻ അഞ്ച് ദിവസം തുടർച്ചയായി കരഞ്ഞുവെന്ന് നെയ്മർ പറഞ്ഞു.
ക്രൊയേഷ്യയോട് ക്വാർട്ടർ ഫൈനൽ തോൽവിക്ക് ശേഷം അന്താരാഷ്ട്ര വിരമിക്കലിനെ കുറിച്ച് താൻ ആലോചിച്ചുവെന്നും അദ്ദേഹം കൂട്ടിച്ചേർത്തു.31-കാരനായ പാരീസ് സെന്റ് ജെർമെയ്ൻ ഫോർവേഡ് ഡിസംബർ 9-ന് ക്രോയേഷ്യക്കെതിരെ പെനാൽറ്റി ഷൂട്ടൗട്ട് തോറ്റതിന് ശേഷം തന്റെ രാജ്യത്തിനായി കളിച്ചിട്ടില്ല. ആ മത്സരത്തിൽ എക്‌സ്‌ട്രാ ടൈമിൽ വിജയ ഗോൾ പോലെ തോന്നിച്ച ബ്രസീലിനെ നെയ്മർ മുന്നിലെത്തിച്ചു. എന്നാൽ മത്സരം തീരാൻ മൂന്ന് മിനിറ്റ് ശേഷിക്കെ ക്രോയേഷ്യ സമനില പിടിക്കുകയും ഷൂട്ടൗട്ട് ജയിച്ച് സെമിഫൈനലിലേക്ക് മുന്നേറി.
🎙️Neymar Jr:
— Brasil Football 🇧🇷 (@BrasilEdition) July 20, 2023
“I cried for 5 days in a row. It hurts a lot. I would have rather not scored the goal. It was the worst moment of my life.” pic.twitter.com/1vQMnLe4Wb
“എന്റെ തലയിൽ എന്താണ് സംഭവിച്ചതെന്ന് എനിക്ക് പറയാൻ കഴിയില്ല, ഇത് എന്റെ കരിയറിലെ ഏറ്റവും വേദനാജനകമായ തോൽവിയായിരുന്നു.ഞാൻ തുടർച്ചയായി അഞ്ച് ദിവസം കരഞ്ഞു. എന്റെ സ്വപ്നം ഒന്നുമായില്ല എന്നത് എന്നെ വല്ലാതെ വേദനിപ്പിച്ചു” നെയ്മർ പറഞ്ഞു.”ഇത് എന്റെ ജീവിതത്തിലെ ഏറ്റവും മോശം നിമിഷമായിരുന്നു. ഇത് ഒരു ശവസംസ്കാരമായി തോന്നി, നിങ്ങളുടെ ഒരു വശത്ത് ആരോ കരയുന്നു, മറുവശത്ത് മറ്റാരോ കരയുന്നു. ഇത് ഭയങ്കരമായിരുന്നു, അത് വീണ്ടും അനുഭവിക്കാൻ ഞാൻ ആഗ്രഹിക്കുന്നില്ല” നെയ്മർ പറഞ്ഞു.
Neymar admitted that he considered retiring from Brazil after the World Cup, but he now guarantees that he will work towards playing at the 2026 World Cup. pic.twitter.com/cyI4A0Rw6A
— Brasil Football 🇧🇷 (@BrasilEdition) July 19, 2023
2014, 2018, 2022 എന്നീ മൂന്ന് ലോകകപ്പുകളിൽ നെയ്മർ ബ്രസീലിനായി കളിച്ചിട്ടുണ്ട്. ലോകകപ്പിലെ തോൽവിക്ക് ശേഷം ശേഷം അന്താരാഷ്ട്ര വിരമിക്കലിനെ കുറിച്ച് ആലോചിച്ചിരുന്നെന്നും എന്നാൽ 2026ൽ വീണ്ടും പോകാൻ തയ്യാറാണെന്നും നെയ്മർ നൽകിയ പറഞ്ഞു. ” 2022 ലോകകപ്പിന് ശേഷം ബ്രസീൽ ദേശീയ ടീമിലേക്ക് മടങ്ങാൻ ഞാൻ സത്യസന്ധമായി ആഗ്രഹിച്ചില്ല.എന്നാൽ ഞാൻ എന്റെ മനസ്സ് മാറ്റി” നെയ്മർ പറഞ്ഞു.മുൻ ബാഴ്‌സലോണ മാനേജർ ലൂയിസ് എൻറിക്വെ പരിശീലിപ്പിക്കുന്ന പിഎസ്‌ജിയുമായി പ്രീസീസൺ പരിശീലനത്തിലാണ് നെയ്മർ.