ഹൈദരാബാദിൽ നടക്കുന്ന IPL 2024 മത്സരത്തിൽ ചെന്നൈ സൂപ്പർ കിംഗ്‌സ് സൺറൈസേഴ്‌സ് ഹൈദരാബാദിനെ നേരിടുമ്പോൾ എംഎസ് ധോണി വീണ്ടും കളിക്കളത്തിലേക്ക് മടങ്ങിയെത്തും. ഐപിഎല്ലിൽ ചെന്നൈ സൂപ്പർ കിംഗ്സിനായി 5,000 റൺസ് തികയ്ക്കുന്ന രണ്ടാമത്തെ താരമാകാൻ വെറും ആറ് റൺസ് കൂടി എംഎസ് ധോണിക്ക് മതി.
തൻ്റെ ഐപിഎൽ കരിയറിൽ ഇതുവരെ, 247 ഐപിഎൽ മത്സരങ്ങളിൽ (215 ഇന്നിംഗ്‌സ്) 23 അർധസെഞ്ചുറികളും 138.22 സ്‌ട്രൈക്ക് റേറ്റും 39.01 ശരാശരിയും സഹിതം 4994 റൺസ് എംഎസ് ധോണി നേടിയിട്ടുണ്ട്.മുൻ സിഎസ്‌കെ താരം സുരേഷ് റെയ്‌ന 2008 മുതൽ 2021 വരെ ഫ്രാഞ്ചൈസിക്കായി 33.1 ശരാശരിയിൽ രണ്ട് ടണ്ണും 38 അർധസെഞ്ചുറികളും സഹിതം 5,529 റൺസ് നേടി.ഐപിഎല്ലിൽ സിഎസ്‌കെയ്ക്ക് വേണ്ടി ഏറ്റവും കൂടുതൽ റൺസ്: സുരേഷ് റെയ്‌ന (5529 റൺസ്), എംഎസ് ധോണി (4494 റൺസ്), ഫാഫ് ഡു പ്ലെസിസ് (2932 റൺസ്), മൈക്ക് ഹസി (2213 റൺസ്), മുരളി വിജയ് (2205 റൺസ്).
ചെന്നൈ സൂപ്പർ കിംഗ്‌സിനെ (സിഎസ്‌കെ) അഞ്ച് ഐപിഎൽ ട്രോഫികളിലേക്ക് നയിച്ച എംഎസ് ധോണി, ഐപിഎൽ ചരിത്രത്തിലെ ഏറ്റവും മികച്ച ക്യാപ്റ്റനാണ്.ഡൽഹിക്കെതിരായ മത്സരത്തിൽ, ടി20 ക്രിക്കറ്റ് ചരിത്രത്തിൽ 300 പുറത്താക്കലുകൾ പൂർത്തിയാക്കുന്ന ആദ്യ കളിക്കാരനായി എംഎസ് ധോണി മാറിയിരുന്നു.
ഐപിഎൽ 2024 ന് മുമ്പ് എംഎസ് ധോണി സിഎസ്‌കെ ക്യാപ്റ്റൻ സ്ഥാനം ഒഴിഞ്ഞു, പകരം റുതുരാജ് ഗെയ്‌ക്‌വാദിനെ നിയമിച്ചു. ഐപിഎൽ 2024ൽ സിഎസ്‌കെ ഇതുവരെ 2 ജയവും ഒരു മത്സരവും തോറ്റിട്ടുണ്ട്.