‘വ്യത്യസ്ത ആളുകൾക്ക് വ്യത്യസ്ത നിയമങ്ങൾ’ : മികച്ച ഫോമിലുള്ള കരുൺ നായരെ ടീമിൽ ഉൾപ്പെടുത്താത്ത ബിസിസിഐയുടെ ഇരട്ടത്താപ്പിനെ വിമർശിച്ച് ഹർഭജൻ സിംഗ് | Karun Nair

ബിസിസിഐക്കെതിരെ രൂക്ഷ വിമർശനവുമായി രംഗത്തെത്തിയിരിക്കുകയാണ് മുൻ ഇന്ത്യൻ താരം ഹർഭജൻ സിംഗ്.മികച്ച ഫോമിലുള്ള കരുൺ നായരെ ടീമിൽ ഉൾപ്പെടുത്താത്തതിലൂടെ ബിസിസിഐയുടെ ഇരട്ടത്താപ്പിനെ അദ്ദേഹം ഇത്തവണ വിമർശിച്ചു. 2017 ൽ ഇന്ത്യയ്ക്കുവേണ്ടി അവസാനമായി കളിച്ച നായർ ആഭ്യന്തര ക്രിക്കറ്റിൽ മികച്ച ഫോമിലാണ്.

വിജയ് ഹസാരെ ട്രോഫിയിൽ, കഴിഞ്ഞ 7 ഇന്നിംഗ്സുകളിൽ നിന്ന് 752 റൺസ് അദ്ദേഹം നേടിയിട്ടുണ്ട്. പക്ഷേ അതൊന്നും അദ്ദേഹത്തെ സെലക്ടർമാരുടെ ശ്രദ്ധയിൽപ്പെടുത്താൻ പര്യാപ്തമായിരുന്നില്ല.കരുണ് നായർ വീണ്ടും ഇന്ത്യൻ ക്രിക്കറ്റ് ടീമിൽ കളിക്കാനുള്ള പോരാട്ടത്തിലാണ് . 2016ലെ ചെന്നൈ ടെസ്റ്റിൽ ഇംഗ്ലണ്ടിനെതിരെ റെക്കോർഡ് ട്രിപ്പിൾ സെഞ്ച്വറി നേടിയ അദ്ദേഹം 6 മത്സരങ്ങൾ മാത്രമാണ് ഇന്ത്യൻ ജേഴ്സിയിൽ കളിച്ചത്.നായർ ടാറ്റൂ ചെയ്തിട്ടില്ലാത്തതിനാലോ ഫാൻസി വസ്ത്രങ്ങൾ ധരിച്ചിട്ടില്ലാത്തതിനാലോ മാത്രമാണ് അദ്ദേഹത്തെ ടീമിൽ ഉൾപ്പെടുതാത്തതെന്ന് 44 കാരനായ മുൻ സ്പിന്നർ തന്റെ യൂട്യൂബ് ചാനലിൽ പറഞ്ഞു.

വ്യത്യസ്ത ആളുകൾക്ക് വ്യത്യസ്ത നിയമങ്ങളാണുള്ളതെന്ന് അദ്ദേഹം പരാമർശിച്ചു. വിരാട് കോഹ്‌ലിയും രോഹിത് ശർമ്മയും ഫോമിൽ ഇല്ലാത്തതിനാൽ, നായരെ ടീമിലേക്ക് തിരികെ കൊണ്ടുവരാൻ ഇത് നല്ല സമയമാണെന്ന് ഹർഭജൻ കരുതുന്നു.”പലരെയും രണ്ട് മത്സരങ്ങളുടെ അടിസ്ഥാനത്തിലാണ് തിരഞ്ഞെടുക്കുന്നത്, ചിലരെ ഐപിഎല്ലിന്റെ അടിസ്ഥാനത്തിലാണ് തിരഞ്ഞെടുക്കുന്നത്. അപ്പോൾ, എന്തുകൊണ്ടാണ് അദ്ദേഹത്തിന് നിയമങ്ങൾ വ്യത്യസ്തമായിരിക്കുന്നത്? ആളുകൾ പറയുന്നത് രോഹിതും വിരാടും ഫോമില്ലെന്ന്, നിങ്ങൾ അവരെ രഞ്ജിയിലേക്ക് അയയ്ക്കുന്നു. പക്ഷേ രഞ്ജി കളിച്ച് റൺസ് നേടുന്നവർ… നിങ്ങൾ എന്തിനാണ് അവരെ അവഗണിക്കുന്നത്? ഇവർ എപ്പോഴാണ് കളിക്കുക? അവർ ഇവിടെ റൺസ് നേടുന്നു,” അദ്ദേഹം പറഞ്ഞു.

“വ്യത്യസ്ത ആളുകൾക്ക് വ്യത്യസ്ത നിയമങ്ങൾ… അങ്ങനെയാകരുത്. അവർ റൺസ് നേടുമ്പോൾ, നിങ്ങൾ അവനെ കളിപ്പിക്കണം, അല്ലേ? അവൻ ടാറ്റൂ ചെയ്തിട്ടില്ല, ആഡംബര വസ്ത്രങ്ങൾ ധരിക്കുന്നില്ല, അതുകൊണ്ടാണോ നിങ്ങൾ അവനെ തിരഞ്ഞെടുക്കാത്തത്? അവൻ കഠിനാധ്വാനം ചെയ്യുന്നില്ലേ?” അദ്ദേഹം കൂട്ടിച്ചേർത്തു.”അവൻ്റെ സ്ഥിതിവിവരക്കണക്കുകൾ നോക്കു ,2024/25 ൽ 6 ഇന്നിംഗ്‌സുകളിൽ നിന്ന് 5 തവണ പുറത്താകാതെ 664 റൺസ് അദ്ദേഹം നേടിയിട്ടുണ്ട്. 664 ആണ് അദ്ദേഹത്തിൻ്റെ ശരാശരി. 120 ആണ് സ്ട്രൈക്ക് റേറ്റ്. നിങ്ങൾ അവനെ അങ്ങനെ എടുക്കാതിരിക്കുന്നത് അന്യായമായിരിക്കും” ഹർഭജൻ പറഞ്ഞു.

“അദ്ദേഹത്തെ പോലൊരു കളിക്കാരനെ കുറിച്ച് ആരും സംസാരിക്കാത്തത് എന്നെ വേദനിപ്പിക്കുന്നു. ഇന്ത്യൻ ടീമിനൊപ്പം ഇംഗ്ലണ്ടിലേക്ക് പോയെങ്കിലും അവസരം ലഭിച്ചില്ല. അഞ്ചാം മത്സരത്തിൽ കളിക്കാൻ ചില താരങ്ങൾ ഇന്ത്യയിൽ നിന്ന് യാത്രതിരിച്ചു. പ്രത്യേകിച്ച് കരുണ് നായർക്ക് പകരം ഹനുമ വിഘാരി കളിച്ചു. ഇതിൻ്റെ കാരണം പറയൂ.“അണ്ടർഡോഗുകൾ വീണ്ടും സ്കോർ ചെയ്യുമ്പോൾ നമ്മൾ അവർക്ക് അവസരം നൽകേണ്ടതല്ലേ? ” ഹർഭജൻ പറഞ്ഞു.

നായർക്ക് കഴിഞ്ഞ മാസം 33 വയസ്സ് തികഞ്ഞു, അതിനാൽ സമയം തീർച്ചയായും അദ്ദേഹത്തിന്റെ ഭാഗത്തല്ല. ചാമ്പ്യൻസ് ട്രോഫിയിലേക്ക് അദ്ദേഹത്തെ തിരഞ്ഞെടുക്കാനുള്ള സാധ്യത കുറവാണ്. ജൂണിൽ നടക്കുന്ന ഇംഗ്ലണ്ട് പര്യടനത്തിലേക്ക് അദ്ദേഹത്തെ തിരഞ്ഞെടുക്കുമോ ഇല്ലയോ എന്നത് കണ്ടറിയണം.അന്താരാഷ്ട്ര തിരിച്ചുവരവ് നടത്താൻ അദ്ദേഹത്തിന് കഴിഞ്ഞാൽ, ടീമിൽ തന്റെ സ്ഥാനം നിലനിർത്താൻ അദ്ദേഹത്തിന് മികച്ച പ്രകടനങ്ങൾ ആവശ്യമാണ്. പ്രായവും ഒരു ഘടകമാണ്, കാരണം രോഹിത്, കോഹ്‌ലി എന്നിവരെപ്പോലുള്ളവർക്ക് പകരക്കാരനായി 30 വയസ്സുള്ള ഒരാളെ ടീമിലേക്ക് കൊണ്ടുവരാൻ സെലക്ടർമാർ താൽപ്പര്യപ്പെട്ടേക്കില്ല.