ടി20 ലോകകപ്പ് 2024 എടുത്തിരിക്കുകയാണ് , എന്നാൽ ഇന്ത്യൻ ക്രിക്കറ്റ് ടീമിൻ്റെ വിക്കറ്റ് കീപ്പർ തിരഞ്ഞെടുപ്പിനെക്കുറിച്ചുള്ള ചോദ്യങ്ങൾ ഇപ്പോഴും അവശേഷിക്കുന്നു. 15 അംഗ സ്ക്വാഡിൽ കെഎൽ രാഹുൽ ഇടം കണ്ടെത്തുമെന്ന് ഏറെക്കുറെ ഉറപ്പാണെങ്കിലും, റോളിലേക്കുള്ള രണ്ടാമത്തെ തിരഞ്ഞെടുപ്പിലേക്ക് വരുമ്പോൾ നിരവധി ഓപ്ഷനുകൾ ഉണ്ട്.
ഋഷഭ് പന്ത്, സഞ്ജു സാംസൺ, ഇഷാൻ കിഷൻ എന്നിവരെല്ലാം ടീം മാനേജ്‌മെൻ്റിൻ്റെ പ്രധാന ഓപ്ഷനുകളാണ്.യുവതാരം ജിതേഷ് ശർമ്മ കഴിഞ്ഞ വർഷം ശ്രദ്ധേയമായ പ്രകടനമാണ് പുറത്തെടുത്തത്. എന്നാൽ ടി20 ലോകകപ്പ് ടീമിനെ തിരഞ്ഞെടുക്കുമ്പോൾ സെലക്ടർമാർക്ക് വ്യക്തമായ ഒരു ചോയ്‌സ് ഉണ്ടെന്ന് ഇതിഹാസ ഓസ്‌ട്രേലിയൻ ക്രിക്കറ്റ് താരം ആദം ഗിൽക്രിസ്റ്റ് വിശ്വസിക്കുന്നു.”ഋഷഭ് പന്ത് തീർച്ചയായും അവിടെ ഉണ്ടാകുമെന്നാണ് ഞാൻ പ്രതീക്ഷിക്കുന്നത്. ഞാൻ സഞ്ജു സാംസണെയും എടുക്കും. ഇഷാൻ കിഷൻ മികച്ച ഓപ്‌ഷനാണ് അതിൽ സംശയമില്ല. പക്ഷെ റിഷഭ് പന്ത് ടീമിലുണ്ടെങ്കിൽ ഇഷാന് സ്ഥാനം ഉണ്ടാവില്ല”ഗിൽക്രിസ്റ്റ് Cricbuzz-ൽ പറഞ്ഞു.
ലഖ്‌നൗ സൂപ്പർ ജയൻ്റ്‌സിനെതിരായ വിജയത്തിൽ ഡൽഹി ക്യാപിറ്റൽസിനായി 24 പന്തിൽ 41 റൺസ് നേടി പന്ത് മികച്ച ഫോമിലാണ് കളിച്ചു കൊണ്ടിരിക്കുന്നത്.2022-ൽ നടന്ന അപകടത്തിന് ശേഷം പന്ത് കളിച്ച ആദ്യ ടൂർണമെൻ്റാണ് ഐപിഎൽ 2024.പന്ത് ഇതുവരെ ആറ് മത്സരങ്ങളിൽ നിന്ന് 194 റൺസ് നേടിയിട്ടുണ്ട്.നിലവിൽ മുംബൈ ഇന്ത്യൻസിന് വേണ്ടി ഏറ്റവും കൂടുതൽ റൺസ് നേടിയ താരം ഇഷാൻ കിഷനാണ്, രാജസ്ഥാൻ റോയൽസിനായി സഞ്ജു സാംസൺ മികച്ച ഫോമിലാണ്.
സഞ്ജു ഇതിനകം 6 മത്സരങ്ങളിൽ നിന്ന് 3 അർധസെഞ്ചുറികളോടെ 246 റൺസ് നേടിയപ്പോൾ കിഷൻ 182.95 സ്ട്രൈക്ക് റേറ്റിൽ 161 റൺസ് നേടിയിട്ടുണ്ട്.ബാറ്റിംഗ് കഴിവുകൾ പ്രകടിപ്പിക്കാൻ ജിതേഷിന് കാര്യമായ അവസരം ലഭിച്ചിട്ടില്ല.അഞ്ച് മത്സരങ്ങളിൽ നിന്ന് 77 റൺസ് മാത്രമാണ് ഈ വലംകൈയ്യൻ നേടിയത്, അദ്ദേഹത്തിൻ്റെ സ്ട്രൈക്ക് റേറ്റ് 135.08 ആണ്.