റോയൽ ഏകദിന കപ്പിൽ സോമർസെറ്റിനെതിരായ മത്സരത്തിൽ തകർപ്പൻ ഡബിൾ സെഞ്ച്വറി നേടിക്കൊണ്ട് വാർത്തകളിൽ നിറഞ്ഞു നിൽക്കുകയാണ് പൃഥ്വി ഷാ.നോർത്താംപ്ടൺഷെയറിന് വേണ്ടി 23 കാരനായ താരം 244 റൺസ് നേടി.
അരങ്ങേറ്റം കുറിച്ചപ്പോൾ ഇന്ത്യൻ ക്രിക്കറ്റിലെ അടുത്ത വലിയ താരമായി അദ്ദേഹത്തെ കണ്ടിരുന്നു, എന്നാൽ ഫീൽഡിന് പുറത്തുള്ള വിവാദങ്ങളും ഫോമില്ലായ്മയും അദ്ദേഹത്തെ ഉയരങ്ങളിലെത്താൻ അനുവദിച്ചില്ല.”എനിക്ക് 12-14 വർഷം ഇന്ത്യക്കായി കളിച്ച് ലോകകപ്പ് നേടണം, ”ഷാ പറഞ്ഞു.“എന്തുകൊണ്ടാണ് എന്നെ ടീമിൽ നിന്ന് പുറത്താക്കിയതെന്ന് എനിക്കറിയില്ല. ആരോ പറഞ്ഞു, എന്റെ ഫിറ്റ്‌നസ് മാർക്കിന് അനുസരിച്ചല്ല.
പക്ഷേ ദേശീയ ക്രിക്കറ്റ് അക്കാദമിയിലെ എല്ലാ ടെസ്റ്റുകളും ഞാൻ വിജയിച്ചു. എന്നെ ടി20 ടീമിലേക്ക് തിരിച്ചുവിളിച്ചെങ്കിലും വെസ്റ്റ് ഇൻഡീസ് പരമ്പരയിൽ അവസരം ലഭിച്ചില്ല. എനിക്ക് ആരുമായും വഴക്കിടാൻ കഴിയാത്തതിനാൽ ഞാൻ മുന്നോട്ട് പോകണം ” പൃഥ്വി ഷാ പറഞ്ഞു.
ഇംഗ്ലണ്ടിലെ ആഭ്യന്തര ഏകദിന ചാമ്പ്യന്‍ഷിപ്പായ റോയല്‍ വണ്‍ഡേ കപ്പില്‍ നോര്‍ത്താംപ്റ്റണ്‍ഷെയറിനായി 244 റണ്‍സടിച്ചാണ് പൃഥ്വി റെക്കോര്‍ഡിട്ടത്. 154 പന്തില്‍ 28 ഫോറും 11 സിക്സും പറത്തിയാണ് പൃഥ്വി റെക്കോര്‍ഡ് സ്കോര്‍ അടിച്ചെടുത്തത്.2021 ജൂലൈയിലാണ് പൃഥ്വി ഷാ ഇന്ത്യക്കായി അവസാനം ഏകദിനങ്ങളില്‍ കളിച്ചത്.