2024 കോപ്പ അമേരിക്ക ഫൈനലിന് ശേഷം അർജൻ്റീന ദേശീയ ടീമിൽ നിന്ന് വിരമിക്കുന്നതിനെക്കുറിച്ച് ഏഞ്ചൽ ഡി മരിയ സംസാരിച്ചു.കോപ്പ അമേരിക്ക ഫൈനലിൽ എന്ത് തന്നെ സംഭവിച്ചാലും തനിക്ക് പടിയിറങ്ങാൻ സമയമായി എന്നാണ് ഡി മരിയ ഇപ്പോൾ വ്യക്തമാക്കിയിരിക്കുന്നത്.കോപ്പ അമേരിക്കയുടെ ഫൈനലിൽ ഞായറാഴ്ച അർജൻ്റീനക്കൊപ്പമുള്ള തൻ്റെ അവസാന മത്സരം കളിക്കും. അർജൻ്റീനയ്‌ക്കൊപ്പം ജയിക്കാനുള്ളതെല്ലാം നേടിയ 36 കാരൻ ഞായറാഴ്ച തൻ്റെ അവസാന മത്സരമാണെന്ന് ഒരിക്കൽ കൂടി സ്ഥിരീകരിച്ചു.കാനഡയ്‌ക്കെതിരായ അർജൻ്റീനയുടെ 2-0 വിജയത്തിന് ശേഷം മാധ്യമങ്ങളോട് സംസാരിക്കുകയായിരുന്നു ഡിമരിയ.
‘ഞാൻ എപ്പോഴും ഈ ജഴ്‌സിക്ക് വേണ്ടി എൻ്റെ ജീവൻ നൽകി. എന്നെ പിന്തുണച്ച എല്ലാവരോടും ഞാൻ നന്ദിയുള്ളവനാണ്. മുൻ തലമുറ എന്നെ പഠിപ്പിച്ചത് ത്യാഗത്തെക്കുറിച്ചും തളരാതെ ജീവിക്കാനുമാണ്. എനിക്ക് നഷ്ടപ്പെട്ടതെല്ലാം ഈ ജേഴ്‌സി എനിക്ക് തന്നു. എനിക്കറിയാം ഈ വിരമിക്കൽ വളരെ പ്രയാസപ്പെട്ടു ഒന്നാണെന്ന്. ആളുകൾ ഇത് പരിചിതമാണ്, പക്ഷേ ഇത് എന്നെ സംബന്ധിച്ചിടത്തോളം എളുപ്പമല്ല. ദേശീയ ടീമുമായുള്ള അവസാന മത്സരത്തിന് ഞാൻ തയ്യാറല്ല, പക്ഷേ സമയമായി എന്ന് തന്നെയാണ് എനിക്ക് തോന്നുന്നത്’, കാനഡയുമായുള്ള സെമി ഫൈനൽ മത്സരത്തിന് ശേഷം ഡി മരിയ പറഞ്ഞു.
2008 സെപ്റ്റംബറിൽ ഡി മരിയ അർജന്റീനയ്‌ക്കായി അരങ്ങേറ്റം കുറിച്ച ഡി മരിയ രണ്ട് വർഷത്തിന് ശേഷം അർജന്റീനയുടെ ലോകകപ്പ് കാമ്പെയ്‌നിന്റെ പ്രധാന ഭാഗമായി മാറി.അർജന്റീനക്കാരൻ ഇതിനകം 4 ഫിഫ ലോകകപ്പുകളിൽ പങ്കെടുത്തിട്ടുണ്ട്. അർജന്റീനയ്‌ക്കൊപ്പം അണ്ടർ 20 ലോകകപ്പും ഒളിമ്പിക് സ്വർണവും നേടിയിട്ടുണ്ട്. ലാ ആൽബിസെലെസ്റ്റെക്കായി 143 മത്സരങ്ങൾ കളിച്ച താരം 31 ഗോളുകളും 30 അസിസ്റ്റുകളും നേടി.
ഖത്തർ വേൾഡ് കപ്പ് കിരീടം അർജന്റീനക്ക് നേടി കൊടുക്കുന്നതിൽ തന്റേതായ പങ്ക് വഹിച്ചിട്ടുള്ള താരമാണ് ഡി മരിയ.പ്രത്യേകിച്ച് ഫ്രാൻസിനെതിരെ ഫൈനൽ മത്സരത്തിൽ തകർപ്പൻ പ്രകടനമാണ് താരം കാഴ്ച്ചവെച്ചിരുന്നത്. ഒരു ഗോളും ഡി മരിയ മത്സരത്തിൽ കരസ്ഥമാക്കിയിരുന്നു.2021-ലെ കോപ്പ അമേരിക്ക ഫൈനൽ വിജയത്തിൽ ബ്രസീലിനെതിരെയും 2022-ൽ ഇറ്റലിക്കെതിരായ ഫൈനൽസിമ വിജയത്തിലും ഡി മരിയ സ്കോർ ചെയ്തു.