ആദ്യ ടി20യിലെ 13 റൺസിൻ്റെ ഞെട്ടിക്കുന്ന തോൽവിക്ക് ശേഷം ഞായറാഴ്ച നടന്ന രണ്ടാം ടി20യിൽ ശുഭ്മാൻ ഗില്ലിൻ്റെ നേതൃത്വത്തിലുള്ള ടീം ശക്തമായ തിരിച്ചുവരവ് നടത്തി സിംബാബ്‌വെയെ 100 റൺസിന് തകർത്ത് അഞ്ചു മത്സരങ്ങളുടെ പരമ്പര 1-1 ന് സമനിലയിലാക്കി. ബുധൻ (ജൂലൈ 10), ശനി (ജൂലൈ 13), ഞായർ (ജൂലൈ 14) എന്നീ ദിവസങ്ങളിൽ ഹരാരെ സ്‌പോർട്‌സ് ക്ലബിൽ നടക്കുന്ന പരമ്പരയിലെ അവസാന മൂന്ന് മത്സരങ്ങൾക്ക് മുന്നോടിയായി ടീമിലേക്ക് മൂന്നു ലോകകപ്പ് ജേതാക്കളും കൂടി എത്തിയിരിക്കുകയാണ്.
ലോക ചാമ്പ്യൻമാരായതിന് ശേഷമുള്ള അവരുടെ ആദ്യ പരമ്പര വിജയിക്കുക എന്ന ലക്ഷ്യത്തോടെയാണ് ഇന്ത്യ ഇറങ്ങുന്നത്.സ്റ്റാർ ഓപ്പണർ യശസ്വി ജയ്സ്വാൾ, വിക്കറ്റ് കീപ്പർ സഞ്ജു സാംസൺ, സ്റ്റാർ ഓൾറൗണ്ടർ ശിവം ദുബെ എന്നിവരാണ് ടീമിനൊപ്പം ചേർന്നവർ.2024 ലെ ടി20 ലോകകപ്പ് ടീമിൽ നിന്ന് സിംബാബ്‌വെ പര്യടനത്തിനായി തിരഞ്ഞെടുത്ത ഇന്ത്യൻ ടീമിലെ മൂന്ന് കളിക്കാർ ഈ മൂവരും മാത്രമായിരുന്നു. എന്നിരുന്നാലും, ബെറിൽ ചുഴലിക്കാറ്റ് കാരണം ടീം ഇന്ത്യ ബാർബഡോസിൽ നിന്ന് പുറപ്പെടാൻ വൈകിയതിനാൽ അവസാന നിമിഷം ടീമിൽ ചില മാറ്റങ്ങൾ വരുത്താൻ ഇന്ത്യ നിർബന്ധിതരായി.
ദുബെയും സാംസണും ജയ്‌സ്വാളും വ്യാഴാഴ്ച (ജൂലൈ 4) ഡൽഹിയിൽ ഇന്ത്യൻ ടീമിനൊപ്പം വന്നിറങ്ങി, അവിടെ അവർ പ്രധാനമന്ത്രി നരേന്ദ്ര മോദിയെ കാണുകയും പിന്നീട് മറൈൻ ഡ്രൈവിൽ മഹത്തായ വിജയ പരേഡിനും വാങ്കഡെ സ്റ്റേഡിയത്തിൽ ഒരു അനുമോദന പരിപാടിക്കുമായി മുംബൈയിലേക്ക് പറന്നു.ടി20 ലോകകപ്പ് ജേതാക്കളായ ടീമിലെ അംഗങ്ങൾക്ക് ആദ്യ രണ്ട് മത്സരങ്ങൾ കളിക്കാനാകില്ലെന്ന് കണ്ടെത്തിയതിന് പിന്നാലെ സിംബാബ്‌വെയിലേക്ക് പറന്നത് ഹർഷിത് റാണ, സായ് സുദർശൻ, ജിതേഷ് ശർമ്മ എന്നിവരാണ്.രണ്ടാം ടി20യിൽ സുദർശൻ പ്ലെയിങ് ഇലവൻ്റെ ഭാഗമായിരുന്നു, റാണയും ജിതേഷും കളിച്ചിരുന്നില്ല.
സഞ്ജു വരുമ്പോള്‍ എവിടെ കലിപ്പിക്കുമെന്നാണ് ടീം മാനേജ്‌മെന്റിന്റെ പ്രധാന ആശങ്ക. മൂന്നാം നമ്പറില്‍ കളിച്ച റുതുരാജ് ഗെയ്കവാദ് 47 പന്തില്‍ 77 റണ്‍സെടുത്ത് ഗെയ്കവാദ് മികച്ച പ്രകടനം പുറത്തെടുക്കുകയും ചെയ്തു. നാലാം നമ്പറിലെത്തിയ റിങ്കു സിംഗും (22 പന്തില്‍ 48) അവസരം നന്നായി മുതലാക്കി. മികച്ച ഫോമില്‍ കളിക്കുന്ന ഇരുവരേയും മാറ്റുക ബുദ്ധിമുട്ടുള്ള കാര്യമായിരിക്കും. ഓപ്പണറായി കളിച്ച അഭിഷേക് ശര്‍മയാവട്ടെ സെഞ്ചുറിയുമായി കരുത്ത് കാണിച്ചു. ക്യാപ്റ്റന്‍ ശുഭ്മാന്‍ ഗില്‍ രണ്ട് ടി20യിലും നിരാശപ്പെടുത്തിയെങ്കിലും സ്ഥാനത്തിന് ഇളക്കം സംഭവിക്കില്ല.
ബുധനാഴ്‌ചയാണ് ഇന്ത്യ സിംബാബ്‌വെ പരമ്പരയിലെ മൂന്നാം മത്സരം. ഈ മത്സരത്തില്‍ സഞ്ജുവിന് അവസരം ലഭിക്കുമോ എന്ന് കണ്ടറിയേണ്ടതുണ്ട്. സഞ്ജുവിന് മുന്നിലുള്ള സാധ്യത അഞ്ചാം നമ്പറാണ്. അവിടെ ശിവം ദുബെ ഒരുപക്ഷെ താരത്തിന് വെല്ലുവിളിയായേക്കും. വിക്കറ്റ് കീപ്പറായാണ് സഞ്ജു പ്ലേയിങ് ഇലവനിലേക്ക് എത്തുന്നതെങ്കില്‍ ധ്രുവ് ജുറെലിന് സ്ഥാനം നഷ്‌ടമായേക്കും.
സിംബാബ്‌വെയ്‌ക്കെതിരായ അവസാന മൂന്ന് ടി20 മത്സരങ്ങൾക്കുള്ള ഇന്ത്യൻ ടീം: ശുഭ്മാൻ ഗിൽ (ക്യാപ്റ്റൻ), യശസ്വി ജയ്സ്വാൾ, റുതുരാജ് ഗെയ്‌ക്‌വാദ്, അഭിഷേക് ശർമ, റിങ്കു സിംഗ്, സഞ്ജു സാംസൺ (ഡബ്ല്യുകെ), ധ്രുവ് ജുറെൽ (ഡബ്ല്യുകെ), ശിവം ദുബെ, റിയാൻ പരാഗ്, വാഷിംഗ്‌ടൺ സുനൈ , അവേഷ് ഖാൻ, ഖലീൽ അഹമ്മദ്, മുകേഷ് കുമാർ, തുഷാർ ദേശ്പാണ്ഡെ