ടി20 ക്രിക്കറ്റിൻ്റെ ചരിത്രത്തിലെ ഏറ്റവും വലിയ നേട്ടമാണ് ഇന്ത്യൻ ടീം കഴിഞ്ഞ ദിവസം കൈവരിച്ചത്. ടി 20 ക്രിക്കറ്റിൽ 150 ഗെയിമുകൾ വിജയിക്കുന്ന ആദ്യ ടീമായി ഇന്ത്യ മാറിയിരിക്കുകയാണ്.അഞ്ച് മത്സരങ്ങളുള്ള ടി20 ഐ പരമ്പരയിലെ മൂന്നാം മത്സരത്തിൽ സിംബാബ്‌വെയെ പരാജയപ്പെടുത്തിയതിന് ശേഷമാണ് മെൻ ഇൻ ബ്ലൂ ചരിത്രം രചിച്ചത്.
ഹരാരേ സ്‌പോർട്‌സ് ക്ലബ്ബിൽ നടന്ന മത്സരത്തിൽ 23 റൺസിന്റെ വിജയമാണ് ഇന്ത്യ നേടിയത്. വിജയത്തോടെ പരമ്പരയിലും ഇന്ത്യ ഇപ്പോൾ 2-1ന് മുന്നിലെത്തി.2006-ൽ ടി20 ക്രിക്കറ്റിൻ്റെ യാത്ര തുടങ്ങിയ ഇന്ത്യക്ക് ഇപ്പോൾ ഫോർമാറ്റിൽ 150 വിജയങ്ങൾ നേടി, ഈ നാഴികക്കല്ല് നേടുന്ന ആദ്യ ടീമായി മാറി. 142 വിജയങ്ങളുമായി പാകിസ്ഥാൻ രണ്ടാം സ്ഥാനത്താണ്, ന്യൂസിലൻഡ് 111 വിജയങ്ങളുമായി മൂന്നാം സ്ഥാനത്താണ്.230 ടി20 മത്സരങ്ങൾ കളിച്ച ഇന്ത്യ ഇപ്പോൾ 150 വിജയങ്ങൾ നേടിയിട്ടുണ്ട്.
ഇന്ത്യൻ ടീം 69 മത്സരങ്ങൾ തോറ്റപ്പോൾ 6 മത്സരങ്ങൾ ഫലമില്ലാതെ അവസാനിച്ചു. 5 മത്സരങ്ങൾ ടൈയിൽ അവസാനിച്ചു.ടി20 ഫോർമാറ്റിൽ 18 ടീമുകൾക്കെതിരെയാണ് ഇന്ത്യൻ ടീം കളിച്ചത്. 2006-ൽ ദക്ഷിണാഫ്രിക്കയ്‌ക്കെതിരെയായിരുന്നു ആദ്യ മത്സരം.ഐസിസി അംഗങ്ങളുടെ കൂട്ടത്തിൽ അസോസിയേറ്റ് നേഷൻസിനെതിരെ 100 ശതമാനം വിജയ റെക്കോർഡുള്ള ഏക ടീം കൂടിയാണ് ഇന്ത്യ.
ടി20യിൽ ഏറ്റവും കൂടുതൽ വിജയങ്ങൾ നേടിയ ടീമുകൾ
ഇന്ത്യ – 150
പാകിസ്ഥാൻ – 142
ന്യൂസിലൻഡ് – 111
ഓസ്ട്രേലിയ – 105
ദക്ഷിണാഫ്രിക്ക – 104