രോഹിത് ശർമയ്ക്ക് ഫോമിലേക്ക് തിരിച്ചെത്തണം, T20 ലോകകപ്പിന് മുമ്പുള്ള അവസാന മത്സരത്തിൽ പരീക്ഷണത്തിനൊരുങ്ങി ഇന്ത്യ | IND vs AFG 3rd T20I

ബെംഗളൂരുവിലെ എം. ചിന്നസ്വാമി സ്റ്റേഡിയത്തിൽ അഫ്ഗാനിസ്ഥാനെതിരായ മൂന്നാമത്തെയും അവസാനത്തെയും ടി20 ഇന്റർനാഷണലിനായി ഇന്ത്യ നാളെ ഇറങ്ങും. പരമ്പര ഉറപ്പിച്ചതിനാൽ നാളത്തെ മത്സരത്തിൽ ഇന്ത്യൻ ടീമിൽ വലിയ മാറ്റങ്ങൾ ഉണ്ടാവാൻ സാധ്യതയുണ്ട്. T20 ലോകകപ്പ് ചക്രവാളത്തിൽ ആയിരിക്കെ ഇന്ത്യൻ ടീമിന് അവരുടെ ടീമിനെയും തന്ത്രങ്ങളെയും മികച്ചതാക്കാനുള്ള ഒരു പ്രധാന അവസരമാണിത്.

പരമ്പരയിലെ ആദ്യ രണ്ട് മത്സരങ്ങളിലെ സമഗ്ര വിജയങ്ങളോടെ ഇന്ത്യ മികച്ച പ്രകടനമാണ് പുറത്തെടുത്തത്. ഇന്ത്യൻ ടീം ആക്രമണാത്മക സമീപനം പ്രകടിപ്പിക്കുകയും രണ്ടു മത്സരങ്ങളിലും പിന്തുടർന്ന് വിജയം നേടുകയും ചെയ്തു. കഴിഞ്ഞ മത്സരങ്ങളിൽ യഥാക്രമം 17.4, 15.4 ഓവറിൽ 159, 173 റൺസ് ലക്‌ഷ്യം ഇന്ത്യ വിജയകരമായി പിൻതുടർന്നു. നിരവധി പോസിറ്റീവുകൾ ഉണ്ടായിരുന്നിട്ടും ക്യാപ്റ്റൻ രോഹിത് ശർമയുടെ മോശം ഫോം ഒരു ചെറിയ ആശങ്കയാണ്.ആദ്യ മത്സരത്തിൽ ഷുബ്മാൻ ഗില്ലുമായുള്ള ആശയകുഴപ്പത്തെ തുടർന്ന് റൺ ഔട്ടായി. രണ്ടാം മത്സരത്തിൽ ഫസൽഹഖ് ഫാറൂഖിയുടെ പന്തിൽ ക്‌ളീൻ ബൗൾഡ് ആയി. രണ്ട് മത്സരങ്ങളിളിലും ഇന്ത്യൻ ക്യാപ്റ്റൻ റൺസ് ഒന്നും നേടാതെ പുറത്തായി.

എന്നാൽ മൂന്നാം മത്സരത്തിൽ രോഹിത് ഫോമിലേക്ക് ഉയരും എന്ന പ്രതീക്ഷയിലാണ് ടീം മാനേജ്മെന്റ്. കഴിഞ്ഞ മത്സരത്തിൽ 200 ടി20 വിക്കറ്റുകൾ എന്ന നാഴികകല്ലും മാൻ ഓഫ് ദി മാച്ച് പുരസ്‌കാരം നേടിയ അക്‌സർ പട്ടേൽ തന്റെ ഫോം തുടരാൻ നോക്കും. അദ്ദേഹത്തിന്റെ ഓൾറൗണ്ട് കഴിവുകൾ ഇന്ത്യക്ക് ഒരു അനുഗ്രഹമാണ്, അത് ടീമിന് ബാലൻസ് നൽകുന്നു. ബാറ്റിംഗ് നിരയിൽ ഇന്ത്യ കാര്യമായ മാറ്റങ്ങൾ വരുത്തിയേക്കില്ല, പക്ഷേ കുൽദീപ് യാദവിനും ആവേശ് ഖാനും നാളത്തെ മത്സരത്തിൽ കളിക്കാൻ സാധ്യതയുണ്ട്. രവി ബിഷ്‌ണോയിയോ വാഷിംഗ്ടൺ സുന്ദറിനോ പകരക്കാരനായി കുൽദീപ് എത്തിയേക്കും, സഹ പേസർ മുകേഷ് കുമാറിന്റെ സ്ഥാനത്ത് ആവേശ് എത്തിയേക്കും.

കഴിഞ്ഞ വർഷം ഓസ്‌ട്രേലിയയ്‌ക്കെതിരായ നാലാം ടി20 ഐ മുതൽ വിക്കറ്റ് കീപ്പർ-ബാറ്ററാണ് ജിതേഷ് ശർമ്മ. കഴിഞ്ഞ മത്സരത്തിൽ തിളങ്ങാൻ സാധിക്കാതിരുന്ന ജിതേഷിന് പകരം സഞ്ജു സാംസൺ ടീമിലെത്താൻ സാധ്യതയുണ്ട്. വിരാട് കോഹ്‌ലി ടീമിലേക്ക് മടങ്ങിയെത്തുകയും ശിവം ദുബെ, യശസ്വി ജയ്‌സ്വാൾ തുടങ്ങിയ കളിക്കാർ തങ്ങളുടെ മികവ് പ്രകടിപ്പിക്കുകയും ചെയ്യുന്നതോടെ ഇന്ത്യയുടെ ബാറ്റിംഗ് നിര ശക്തമാണ്.ബാറ്റിംഗിന് അനുകൂലമായ പിച്ചിനും ചെറിയ ബൗണ്ടറികൾക്കും പേരുകേട്ട ചിന്നസ്വാമി സ്റ്റേഡിയത്തിൽ ഉയർന്ന സ്കോർ പിറക്കും എന്നുറപ്പാണ്.

ചരിത്രപരമായി, വേദി ബാറ്റ്സ്മാൻമാർക്ക് അനുകൂലമാണ്, ശരാശരി ഒന്നാം ഇന്നിംഗ്സ് സ്കോർ 154 റൺസിന് അടുത്താണ്. ഇവിടെ കളിച്ച എട്ട് ടി 20 ഐകളിൽ അഞ്ചെണ്ണം ചേസിംഗ് ചെയ്യുന്ന ടീമുകൾ വിജയിച്ചു, ടോസ് നേടി ആദ്യം ബൗളിംഗ് തിരഞ്ഞെടുക്കുന്നതാണ് ക്യാപ്റ്റൻമാരുടെ ഇഷ്ടപ്പെട്ട ചോയ്‌സ് ആയിരിക്കും.