വിജയകരമായ ദക്ഷിണാഫ്രിക്കൻ പര്യടനത്തിന് ശേഷം ഇന്ത്യൻ ടീം മൂന്ന് മത്സര T20I പരമ്പരയിൽ അഫ്ഗാനിസ്ഥാനെ നേരിടും.രണ്ട് ഏഷ്യൻ ടീമുകൾ തമ്മിലുള്ള ഉഭയകക്ഷി പരമ്പര ജനുവരി 11 ന് മൊഹാലിയിൽ ആരംഭിക്കും. രണ്ടാം മത്സരം ജനുവരി 14ന് ഇൻഡോറിലും അവസാന മത്സരം ജനുവരി 17ന് ബെംഗളൂരുവിലും നടക്കും.
അഫ്ഗാനിസ്ഥാനെതിരായ ഹോം പരമ്പരയ്ക്കുള്ള ഇന്ത്യൻ സെലക്ടർമാർ വെള്ളിയാഴ്ച (ജനുവരി 5) ടീമിനെ പ്രഖ്യാപിക്കും, ടീം പ്രഖ്യാപനത്തിന് മുന്നോടിയായി, ബാറ്റിംഗ് സൂപ്പർ താരങ്ങളായ വിരാട് കോഹ്‌ലിയും രോഹിത് ശർമ്മയും ഇന്ത്യയ്‌ക്കായി വീണ്ടും ടി20 കളിക്കാൻ ആഗ്രഹിക്കുന്നുവെന്ന് റിപ്പോർട്ടുകൾ ഉണ്ട്.2022 നവംബർ 10-ന് അഡ്‌ലെയ്ഡിൽ ഇംഗ്ലണ്ടിനെതിരെ നടന്ന T20 ലോകകപ്പ് 2022-ന്റെ രണ്ടാം സെമി ഫൈനലിൽ 10 വിക്കറ്റിന്റെ നാണംകെട്ട 10 വിക്കറ്റിന്റെ തോൽവിക്ക് ശേഷം ഇരുവരും ഇന്ത്യക്കായി ഒരു ടി20 ഐ പോലും കളിച്ചിട്ടില്ല.
എന്നാൽ 2024ലെ ടി20 ലോകകപ്പ് കണക്കിലെടുത്ത് ഇരുവരും ഇപ്പോൾ തിരിച്ചുവരവിന് ഒരുങ്ങുകയാണ്. ഇന്ത്യൻ എക്‌സ്പ്രസിലെ ഒരു റിപ്പോർട്ട് അനുസരിച്ച്, രോഹിതും കോഹ്‌ലിയും ടി 20 യിൽ സെലക്ഷനിൽ ലഭ്യമാണെന്ന് ബിസിസിഐയെ അറിയിച്ചു.ഈ വർഷം ജൂണിൽ വെസ്റ്റ് ഇൻഡീസിലും യുഎസ്എയിലും നടക്കാനിരിക്കുന്ന ടി20 ലോകകപ്പിന് മുമ്പുള്ള ഇന്ത്യയുടെ അവസാന ഉഭയകക്ഷി ടി20 ഐ പരമ്പരയാണ് അഫ്ഗാനിസ്ഥാനെതിരായ ഹോം പരമ്പര.
Rohit Sharma & Virat Kohli have informed the BCCI that they are available for selection in the T20I format. [Express Sports] pic.twitter.com/BPXaNovBuL
— Johns. (@CricCrazyJohns) January 5, 2024
അഫ്ഗാനിസ്ഥാനെതിരായ ടി20യിൽ ഫാസ്റ്റ് ബൗളർമാരായ ജസ്പ്രീത് ബുംറയ്ക്കും മുഹമ്മദ് സിറാജിനും ഇന്ത്യ വിശ്രമം അനുവദിച്ചേക്കുമെന്നും റിപ്പോർട്ടുണ്ട്. കേപ്ടൗണിൽ ദക്ഷിണാഫ്രിക്കയ്‌ക്കെതിരായ രണ്ടാം ടെസ്റ്റിൽ ബുംറയും സിറാജും മികച്ച പ്രകടനം നടത്തിയിരുന്നു. ആദ്യ ഇന്നിഗ്‌സിൽ സിറാജ് ആറും രണ്ടാം ഇന്നിഗ്‌സിൽ ബുംറ ആറും വിക്കറ്റ് നേടിയിരുന്നു.ജനുവരി 25-ന് ഹൈദരാബാദിൽ ആരംഭിക്കുന്ന ഇംഗ്ലണ്ടിനെതിരായ അഞ്ച് മത്സര ടെസ്റ്റ് പരമ്പരയിൽ ഇരുവരും ഇന്ത്യൻ ടീമിലേക്ക് മടങ്ങിവരും.