റായ്‌പൂരിൽ വെടിക്കെട്ട് ബാറ്റിംഗുമായി റിങ്കു സിങ്ങും ജിതേഷ് ശർമയും ,ഓസ്‌ട്രേലിയക്കെതിരെ നാലാം ടി20യില്‍ ഇന്ത്യക്ക് മികച്ച സ്‌കോര്‍

റായ്പൂരിൽ നടന്ന നാലാം ടി20യിൽ ഓസ്‌ട്രേലിയയ്‌ക്കെതിരെ ഇന്ത്യക്ക് മികച്ച സ്കോർ . 20 ഓവറിൽ നാല് വിക്കറ്റ് നഷ്ടത്തിൽ 179 റൺസാണ് ഇന്ത്യ നേടിയത്. റിങ്കു സിംഗിന്റെ (29 പന്തില്‍ 46) ഇന്നിംഗ്‌സാണ് ഇന്ത്യക്ക് മികച്ച സ്‌കോര്‍ സമ്മാനിച്ചത്. ജിതേഷ് ശര്‍മ (35), യശസ്വി ജയസ്വാള്‍ (37), റുതുരാജ് ഗെയ്കവാദ് (32) എന്നിവരും നിര്‍ണായക പ്രകടനം പുറത്തെടുത്തു.

അവസാന ഓവറുകളിൽ തുടരെ വിക്കറ്റുകൾ വീണത് ഇന്ത്യക്ക് തിരിച്ചടിയായി മാറി.യശസ്വി ജയ്‌സ്വാളും റുതുരാജ് ഗെയ്‌ക്‌വാദും പവർപ്ലേ ഓവറിൽ (1-6) 50 റൺസ് കൂട്ടിച്ചേർത്തതോടെ ഇന്ത്യ മികച്ച തുടക്കമാണ് നൽകിയത്.37 റൺസെടുത്ത ജയ്‌സ്വാളിനെ ആറോൺ ഹാർഡി പുറത്താക്കി.എട്ടാം ഓവറിൽ സ്പിന്നർ തൻവീർ സംഘ ശ്രേയസ് അയ്യരെ പുറത്താക്കി.ഒമ്പതാം ഓവറിലെ ആദ്യ പന്തിൽ അപകടകാരിയായ സൂര്യകുമാർ യാദവിനെ ബെൻ ദ്വാർഷൂസ് മടക്കി അയച്ചു.

സൂര്യകുമാറിന്റെ വിക്കറ്റിൽ ഇന്ത്യ 63/3 എന്ന നിലയിലായി. സൂര്യയുടെ വിക്കറ്റിന് ശേഷം ഗെയ്‌ക്‌വാദും റിങ്കുവും നാലാം വിക്കറ്റിൽ 48 റൺസിന്റെ നിർണായക കൂട്ടുകെട്ട് കൂട്ടിച്ചേർത്തു. 28 പന്തിൽ 32 റൺസെടുത്ത ഗെയ്‌ക്‌വാദ് 14-ാം ഓവറിൽ പുറത്തായി. ടി20യിൽ 4,000 റൺസ് തികച്ചതോടെ ഏറ്റവും വേഗമേറിയ ഇന്ത്യൻ താരമെന്ന നേട്ടവും അദ്ദേഹം സ്വന്തമാക്കി.ഗെയ്‌ക്‌വാദ് പുറത്താകുമ്പോൾ ഇന്ത്യ 115/4 എന്ന നിലയിലായിരുന്നു.ക്രിസ് ഗ്രീനിനെ 15-ാം ഓവറിൽ ജിതേഷ് ശർമ രണ്ട് സിക്സറുകൾ പറത്തി.

19 പന്തുകള്‍ മാത്രം നേരിട്ട താരം മൂന്ന് സിക്‌സും ഒരു ഫോറും നേടി 35 റണ്സെടുത്തു . ബെന്‍ ഡ്വാര്‍ഷിസ് ഓസീസിന് വേണ്ടി മൂന്ന് വിക്കറ്റെടുത്തു. തന്‍വീര്‍ സംഗ, ജേസണ്‍ ബെഹ്രന്‍ഡോര്‍ഫ് എന്നിവര്‍ക്ക് രണ്ട് വിക്കറ്റ് വീതമുണ്ട്. ജിതേഷ് പുറത്താകുമ്പോൾ ഇന്ത്യൻ സ്കോർ അഞ്ചിന് 167ൽ എത്തിയിരുന്നു. എന്നാൽ അഞ്ച് വിക്കറ്റിനി‌ടെ ഇന്ത്യയ്ക്ക് ഒമ്പത് റൺസ് മാത്രമാണ് ചേർക്കാനായത്.