ഓസ്‌ട്രേലിയയിൽ നടന്ന അഞ്ച് ടെസ്റ്റുകളുള്ള ബോർഡർ ഗവാസ്‌കർ ട്രോഫി (ബിജിടി) പരമ്പരയിലെ മികച്ച പ്രകടനത്തിനും ‘പ്ലെയർ ഓഫ് ദി സീരീസ്’ അവാർഡിനും ശേഷം, ഇന്ത്യയുടെ ഫാസ്റ്റ് ബൗളിംഗ് താരം ജസ്പ്രീത് ബുംറ അന്താരാഷ്ട്ര ക്രിക്കറ്റ് കൗൺസിലിന്റെ (ഐസിസി) ബൗളർമാരുടെ ടെസ്റ്റ് റാങ്കിംഗിൽ ഒന്നാം സ്ഥാനം നിലനിർത്തി.
ബിജിടിയിലെ 32 വിക്കറ്റുകൾ 907 പോയിന്റുമായി ബുംറയ്ക്ക് ഐസിസി റാങ്കിംഗിൽ എക്കാലത്തെയും ഉയർന്ന റേറ്റിംഗ് നൽകി, ഏറ്റവും പുതിയ അപ്‌ഡേറ്റിൽ ഇത് ഒരു പോയിന്റ് ഉയർന്ന് 908 ആയി.രണ്ടാം സ്ഥാനത്ത് ഓസ്‌ട്രേലിയൻ പേസർ പാറ്റ് കമ്മിൻസ് (841), മൂന്നാം സ്ഥാനത്ത് ദക്ഷിണാഫ്രിക്കൻ പേസർ കാഗിസോ റബാഡ (837) എന്നിവരാണ്.മുൾട്ടാനിൽ വെസ്റ്റ് ഇൻഡീസിനെതിരായ ആദ്യ ടെസ്റ്റിൽ ആറ് വിക്കറ്റ് വീഴ്ത്തിയ മികച്ച പ്രകടനത്തിന് പിന്നാലെ പാകിസ്ഥാൻ ബൗളർ നോമൻ അലി (761) ടോപ്-10ൽ ഇടം നേടി.
ടെസ്റ്റ് ഓൾറൗണ്ടർമാരുടെ പട്ടികയിൽ മാറ്റമൊന്നുമില്ല, രവീന്ദ്ര ജഡേജ (400 റേറ്റിംഗ് പോയിന്റുകൾ) ഒന്നാം സ്ഥാനം നിലനിർത്തി, തൊട്ടുപിന്നാലെ ദക്ഷിണാഫ്രിക്കയുടെ മാർക്കോ ജാൻസെൻ (294), ബംഗ്ലാദേശിന്റെ മെഹിഡി ഹസൻ (263) എന്നിവർ യഥാക്രമം രണ്ടും മൂന്നും സ്ഥാനങ്ങളിൽ. ബാറ്സ്മാന്മാരിൽ 895 പോയിന്റുമായാണ് റൂട്ട് ഒന്നാം സ്ഥാനത്ത് തുടരുന്നത്.
ബാറ്റര്‍മാരുടെ പട്ടികയില്‍ ഹാരി ബ്രൂക്കും കെയ്ന്‍ വില്യംസണുമാണ് രണ്ടും മൂന്നും സ്ഥാനങ്ങളില്‍ ഇന്ത്യന്‍ താരം യശസ്വി ജയ്‌സ് വാള്‍ നാലാമതും ഋഷഭ് പന്ത് പത്താമനായും പട്ടികയില്‍ ഇടം പിടിച്ചു.