വെസ്റ്റ് ഇൻഡീസ് പരമ്പരയ്ക്കുള്ള ഏകദിന ടീമിനെ പ്രഖ്യാപിച്ചപ്പോൾ സഞ്ജു സാംസണിന്റെ തിരിച്ചുവരവായിരുന്നു പ്രധാന ചർച്ചാവിഷയങ്ങളിലൊന്ന്. 2022 നവംബർ മുതൽ ഒരു ഏകദിനം കളിച്ചിട്ടില്ലാത്തതിന് ശേഷം വിക്കറ്റ് കീപ്പർ-ബാറ്ററുടെ സ്ലോട്ടിനായി മത്സരിച്ച സാംസൺ ടീമിൽ തിരിച്ചെത്തി.
50 ഓവർ ഫോർമാറ്റിൽ 2022ൽ മികച്ച പ്രകടനം കാഴ്ച്ച വെച്ച താരത്തിന് 2 ഫിഫ്റ്റി പ്ലസ് സ്കോറുകളും 30ൽ അധികം സ്കോറുകളും നേടി. കഴിഞ്ഞ വർഷം ഫോർമാറ്റിൽ ശരാശരി 71 ആയിരുന്നു. എന്നിരുന്നാലും കാൽമുട്ടിനേറ്റ പരിക്ക് അദ്ദേഹത്തെ 2023 ലെ ഇന്ത്യയുടെ ശ്രീലങ്കയ്‌ക്കെതിരായ 3 മത്സരങ്ങളുടെ പരമ്പരയിൽ നിന്നും ഒഴിവാക്കി.തുടർന്ന് നടന്ന ന്യൂസിലൻഡിനെതിരായ പരമ്പരയ്ക്കുള്ള ടീമിൽ അദ്ദേഹത്തിന് ഇടം ലഭിച്ചില്ല.സാംസണിന്റെ ലോകകപ്പ് സാധ്യതകൾ മങ്ങുന്നതായി തോന്നുമ്പോഴായിരുന്നു വെസ്റ്റ് ഇൻഡീസിൽ വീണ്ടും രാജസ്ഥാൻ റോയൽസ് ക്യാപ്റ്റൻ തിരിച്ചെത്തിയത്.
സാംസണും ഇഷാൻ കിഷനും തമ്മിലുള്ള വിക്കറ്റ് കീപ്പർ സ്ലോട്ടിനായുള്ള പോരാട്ടമാണ് കാണാൻ കഴിഞ്ഞത്.എന്നാൽ ജൂലൈ 27 ന് ബാർബഡോസിൽ നടന്ന പരമ്പരയിൽ ആദ്യ മത്സരത്തിൽ ഇന്ത്യ ഇടങ്കയ്യനുമായി മുന്നോട്ട് പോയി. കെൻസിംഗ്ടൺ ഓവലിൽ ബാറ്റ് ചെയ്യാൻ എളുപ്പമല്ലാത്ത ഒരു പിച്ചിൽ ടോപ് ഓർഡറിൽ ബാറ്റ് ചെയ്ത ഇഷാൻ ഫിഫ്റ്റി അടിച്ചു കിട്ടിയ അവസരം മുതലാക്കി.2022 ഡിസംബറിൽ, ഇഷാൻ കിഷൻ ഏകദിനത്തിലെ ഏറ്റവും വേഗമേറിയ ഡബിൾ സെഞ്ച്വറി നേടി.ഏകദിനത്തിൽ അദ്ദേഹത്തെ ഉറപ്പിക്കുന്ന ഇന്നിംഗ്‌സായിരുന്നു അത്.2022 ഏകദിനത്തിൽ ഇഷാനെ സംബന്ധിച്ചിടത്തോളം തകർപ്പൻ വർഷമായിരുന്നു. 2 അർധസെഞ്ചുറികളും ഡബിൾ സെഞ്ച്വറിയും നേടി.
എന്നിരുന്നാലും ഇന്ത്യയുടെ അടുത്ത ഏകദിന അസൈൻമെന്റിനുള്ള ഇലവനിൽ ഇഷാൻ കിഷനെ തിരഞ്ഞെടുത്തില്ല. ന്യൂസിലൻഡിനെതിരായ പരമ്പരയിൽ ഇഷാൻ കിഷൻ നാലാം നമ്പറിൽ ബാറ്റ് ചെയ്തെങ്കിലും മികച്ച പ്രകടനം പുറത്തെടുക്കാനായില്ല. ഓസ്‌ട്രേലിയയ്‌ക്കെതിരായ അടുത്ത ഏകദിന പരമ്പരയിൽ, ഇഷാന് ഒരു അവസരം മാത്രമേ ലഭിച്ചുള്ളൂ.വെസ്റ്റ് ഇൻഡീസ് പര്യടനം ഇഷാൻ കിഷൻ നന്നായി ഉപയോഗിച്ചിരിക്കുകയാണ്. രണ്ടാം ടെസ്റ്റിലെ വേഗമേറിയ ഫിഫ്റ്റിയിലൂടെ രണ്ട് ടെസ്റ്റ് പരമ്പരയിലെ അവസരം പരമാവധി മുതലാക്കിയ ശേഷം, ആദ്യ ഏകദിനത്തിൽ ഫിഫ്റ്റി നേടാൻ ഇഷാൻ കിഷന് സാധിച്ചു.
പരിക്കിൽ നിന്ന് താരം സുഖം പ്രാപിച്ചാൽ ഏകദിന ലോകകപ്പിൽ കെഎൽ രാഹുലായിരിക്കും ഇന്ത്യയുടെ ഫസ്റ്റ് ചോയ്സ് വിക്കറ്റ് കീപ്പർ ബാറ്റർ എന്ന കാര്യത്തിൽ സംശയമില്ല. എന്നിരുന്നാലും, കഴിഞ്ഞ 2 വർഷമായി രാഹുൽ അനുഭവിച്ച പരിക്കിന്റെ ദുരിതങ്ങൾ കണക്കിലെടുത്ത് ഇന്ത്യ ശക്തമായ ബാക്കപ്പ് ഓപ്ഷൻ തേടും. ടോപ് ഓർഡറിൽ ഒരു ഇടങ്കയ്യൻ എന്ന ഓപ്ഷൻ ലഭിക്കാൻ ഇന്ത്യ ആഗ്രഹിക്കുന്നു. ശിഖർ ധവാന്റെ അഭാവത്തിൽ രവീന്ദ്ര ജഡേജ മാത്രമാണ് ആദ്യ ഏഴിൽ ഇടംകൈയ്യൻ.
ജൂലൈയിലെ കണക്കനുസരിച്ച് ഇഷാൻ കിഷൻ മത്സരത്തിൽ മുന്നിലാണെന്ന് തോന്നുമെങ്കിലും, സഞ്ജു സാംസണെ പുറത്താക്കുന്നത് അന്യായമാണ്.ശ്രേയസ് അയ്യരുടെ തിരിച്ചുവരവിന്റെ അനിശ്ചിതത്വവും ഏകദിനത്തിലെ സൂര്യകുമാർ യാദവിന്റെ മോശം ഫോമും ഉയർന്ന റേറ്റിംഗ് ഉള്ള കേരള ബാറ്ററിന്‌ ഒരു അവസരം ഒരുക്കിക്കൊടുക്കും.വെസ്റ്റ് ഇൻഡീസിൽ നടന്ന ഏകദിന പരമ്പരയിലെ ഉദ്ഘാടന മത്സരത്തിൽ ഇഷാൻ കളിച്ചതോടെ ഇന്ത്യയ്ക്ക് സാംസണിന് എത്ര അവസരങ്ങൾ നൽകാനാകുമെന്ന് കണ്ടറിയണം.