ന്യൂസിലന്‍ഡിനെതിരായ മൂന്നാം ടെസ്റ്റില്‍ ഇന്ത്യക്ക് 25 റൺസ് തോല്‍വി. 147 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ മൂന്നാം ദിനം ലഞ്ചിനുശേഷം 121 റണ്‍സിന് ഓൾ ഔട്ടായി. ഇന്ത്യയുടെ ടെസ്റ്റ് ചരിത്രത്തിലാദ്യമായാണ് നാട്ടില്‍ മൂന്ന് മത്സരങ്ങളടങ്ങിയ ടെസ്റ്റ് പരമ്പരയില്‍ സമ്പൂര്‍ണ തോല്‍വി വഴങ്ങുന്നത്. ഇന്ത്യൻ മണ്ണിൽ ഇന്ത്യൻ ടീമിനെ വൈറ്റ് വാഷ് ചെയ്തത് ആരാധകരെ ദുഃഖത്തിലാഴ്ത്തിയിരിക്കുകയാണ്.
ഇത് ഇന്ത്യൻ ടീമിനെതിരെ വിവിധ വിമർശനങ്ങൾക്കും കാരണമായിട്ടുണ്ട്.മൂന്ന് മത്സരങ്ങളുള്ള ഈ പരമ്പരയിൽ കളിച്ച ഇന്ത്യൻ ടീമിലെ മുതിർന്ന താരങ്ങൾ ബാറ്റിംഗിൽ ഇടർച്ച അനുഭവിച്ചതാണ് ഈ തോൽവിയുടെ ഏറ്റവും പ്രധാന കാരണം. ഈ സാഹചര്യത്തിൽ ഈ പരമ്പരയിലെ തോൽവിയുടെ ഉത്തരവാദിത്തം ഏറ്റെടുക്കുമെന്ന് ക്യാപ്റ്റൻ രോഹിത് ശർമ വാർത്താസമ്മേളനത്തിൽ തുറന്ന് പറഞ്ഞിരുന്നു.ഈ മൂന്നാം മത്സരത്തിൽ കളിച്ച ഇന്ത്യൻ ടീമിൻ്റെ താരമായ വിരാട് കോഹ്‌ലി ടെസ്റ്റ് ക്രിക്കറ്റിൽ ആദ്യമായി ഒരു മോശം റെക്കോർഡ് നേരിടുന്നു.
സ്വന്തം നാട്ടിൽ ടെസ്റ്റ് ക്രിക്കറ്റിൽ ആദ്യമായാണ് വിരാട് കോഹ്‌ലി ഒരു മത്സരത്തിൻ്റെ രണ്ടിന്നിംഗ്‌സിലും ഒറ്റ അക്ക റൺസിന് പുറത്താകുന്നത്.ഈ മൂന്നാം ടെസ്റ്റിൻ്റെ ആദ്യ ഇന്നിംഗ്‌സിൽ 4 റൺസ് മാത്രം നേടിയ വിരാട് കോഹ്‌ലിക്ക് രണ്ടാം ഇന്നിംഗ്‌സിലും ഒരു റൺസ് മാത്രമാണ് നേടാനായത്. ഇതോടെ ഇന്ത്യൻ മണ്ണിൽ ആദ്യമായി ഒരു ടെസ്റ്റ് മത്സരത്തിൻ്റെ രണ്ടിന്നിംഗ്‌സിലും ഒറ്റ അക്ക റൺസിന് പുറത്താകുന്ന ഏറ്റവും മോശം അവസ്ഥയാണ് വിരാട് കോഹ്‌ലി നേരിടുന്നത്.
വരാനിരിക്കുന്ന ഓസ്‌ട്രേലിയൻ പരമ്പരയ്ക്കുള്ള ഇന്ത്യൻ ടീമിൽ അദ്ദേഹത്തെ ഉൾപ്പെടുത്തി, പഴയ ഫോമിലേക്ക് മടങ്ങിയെത്തുമെന്ന് പ്രതീക്ഷിക്കുന്നു. കഴിഞ്ഞ കുറച്ച് സീരിയസുകളായി അദ്ദേഹത്തിനെതിരെ വിമർശനങ്ങൾ ഉയരുന്നുണ്ടെങ്കിലും അദ്ദേഹം ഫോമിലേക്ക് മടങ്ങി വരും എന്ന പ്രതീക്ഷയിലാണ് ആരാധകർ.വിരാട് കോഹ്‌ലി 2024-ൽ ആറ് ടെസ്റ്റുകൾ കളിച്ചു, 22.72 ശരാശരിയിൽ 250 റൺസ് നേടിയിട്ടുണ്ട്, അദ്ദേഹത്തിൻ്റെ കരിയർ ശരാശരിയായ 50-നേക്കാൾ വളരെ താഴെയാണ്. 2020 മുതൽ സ്പിന്നിനെതിരായ അദ്ദേഹത്തിൻ്റെ പോരാട്ടങ്ങൾ പ്രകടമായി. ഇന്ത്യയിൽ അദ്ദേഹത്തിൻ്റെ ശരാശരി 72.45 (2013-2019) ൽ നിന്ന് 32.86 ആയി കുറഞ്ഞു.