മുൻ വെസ്റ്റ് ഇൻഡീസ് നായകൻ കീറോൺ പൊള്ളാർഡ് വീണ്ടും ക്രിക്കറ്റ് ലോകത്ത് വാർത്തകളിൽ ഇടം നേടിയിരിക്കുകയാണ്. ഇത്തവണ കരീബിയൻ പ്രീമിയർ ലീഗിൽ (സിപിഎൽ)യുവ അഫ്ഗാൻ സ്പിന്നർ ഇസ്ഹാറുൽഹഖ് നവീദിനെതിരെയുള്ള തകർപ്പൻ പ്രകടനത്തിനാണ്.
സെന്റ് കിറ്റ്‌സ് ആൻഡ് നെവിസ് പാട്രിയറ്റ്‌സിനെതിരായ മത്സരത്തിൽ സെന്റ് കിറ്റ്‌സിലെ ബാസെസ്‌റ്ററിലുള്ള വാർണർ പാർക്കിൽ ട്രിൻബാഗോ നൈറ്റ് റൈഡേഴ്‌സിന് വേണ്ടി കളിക്കുന്നതിനിടെ പൊള്ളാർഡ് യുവ സ്പിന്നറെ 100 മീറ്ററിൽ കൂടുതൽ ദൂരത്തിൽ 4 സിക്സറുകൾ പറത്തി.തന്റെ ടീമിന്റെ റൺ വേട്ടയുടെ 15-ാം ഓവറിൽ പരിചയസമ്പന്നനായ ഓൾറൗണ്ടർ 19 കാരനായ ലെഗ് സ്പിന്നർ നവീദിനെ തുടർച്ചയായി നാല് സിക്സറുകൾ പറത്തി.
പൊള്ളാർഡിന്റെ ഈ ശ്രദ്ധേയമായ ബാറ്റിംഗ് മത്സരത്തിന്റെ ഗതിയെ നാടകീയമായി മാറ്റിമറിച്ചു. പാട്രിയറ്റ്‌സ് ഉയർത്തിയ 179 റൺസ് വിജയലക്ഷ്യം 17 പന്തുകൾ ബാക്കി നിൽക്കെ നൈറ്റ് റൈഡേഴ്‌സ്റ്റ്‌സ് മറികടന്നു.16 പന്തിൽ 37 റൺസുമായി പൊള്ളാർഡ് പുറത്താകാതെ നിന്നു. തുടക്കത്തിൽ സെന്റ് ലൂസിയ കിംഗ്സിനോട് തോറ്റതിന് ശേഷം അവരുടെ ആദ്യ വിജയമായിരുന്നു ഇത്.
സിപിഎൽ 2023ലെ പൊള്ളാർഡിനെതിരായ മത്സരത്തിൽ തിരിച്ചടി നേരിട്ടെങ്കിലും ക്രിക്കറ്റ് ലോകത്തെ വളർന്നു വരുന്ന പ്രതിഭയാണ് നവീദ്. 2022ൽ വെസ്റ്റ് ഇൻഡീസിൽ നടന്ന ലോകകപ്പിൽ അഫ്ഗാനിസ്ഥാൻ U19 ടീമിന്റെ ഭാഗമായിരുന്നു. നവീദ് ബിഗ് ബാഷ് ലീഗിൽ സിഡ്‌നി സിക്‌സേഴ്‌സിനായി കളിച്ചു, കൂടാതെ കഴിഞ്ഞ വർഷം ഐപിഎൽ ലേലത്തിലും അദ്ദേഹം ഭാഗമായിരുന്നു.CPL 2023 ലെ പൊള്ളാർഡിന്റെ പ്രകടനം ടൂർണമെന്റിന്റെ ഹൈലൈറ്റുകളിലൊന്നായി ഓർമ്മിക്കപ്പെടും, ക്രിക്കറ്റ് ലോകത്തിലെ ഏറ്റവും ശക്തമായ ഹിറ്ററുകളിൽ ഒരാളെന്ന അദ്ദേഹത്തിന്റെ പാരമ്പര്യം കൂടുതൽ ഉറപ്പിച്ചു.