അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ 2023 ലോകകപ്പ് ഫൈനലിൽ ഓസ്‌ട്രേലിയയ്‌ക്കെതിരെ വിരാട് കോഹ്‌ലി തകർപ്പൻ അർദ്ധ സെഞ്ച്വറി നേടി. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യയെ 81/3 എന്ന നിലയിൽ നിന്നും കരകയറ്റിയത്‌ വിരാട് കോലിയുടെ ഇന്നിങ്സ് ആയിരുന്നു.സെഞ്ച്വറി നഷ്ടമായെങ്കിലും ഒന്നിലധികം ലോകകപ്പ് പതിപ്പുകളിൽ തുടർച്ചയായി അഞ്ച് ഫിഫ്റ്റി പ്ലസ് സ്കോറുകൾ നേടുന്ന ആദ്യ കളിക്കാരനായി മാറി.
മത്സരത്തിൽ 63 പന്തിൽ 54 റൺസ് നേടിയാണ് കോലി പുറത്തായത്. ഓസീസ് നായകൻ പാറ്റ് കമ്മിൻസിന്‍റെ പന്ത് ബാറ്റിൽ തട്ടി വിക്കറ്റിലേക്ക് വീഴുകയായിരുന്നു. ലോകകപ്പിൽ ഏറ്റവും കൂടുതൽ റൺസ് നേടുന്ന രണ്ടാമത്തെ താരമെന്ന റെക്കോർഡ് സ്വന്തം പേരിലാക്കിയാണ് കോലി മടങ്ങിയത്. മുൻ ഓസീസ് ക്യാപ്റ്റൻ റിക്കി പോണ്ടിങ്ങിനെയാണ് പിന്നിലാക്കിയത്.ഓപ്പണർ ശുഭ്മാൻ ഗില്ലിനെ (30/1) ഇന്ത്യക്ക് നഷ്ടമായതോടെയാണ് കോഹ്‌ലി മധ്യനിരയിലെത്തിയത്.ഇന്ത്യ 100 റൺസ് കടക്കുന്നതിന് മുമ്പ് ക്യാപ്റ്റൻ രോഹിത് ശർമ്മയും ശ്രേയസ് അയ്യരും പുറത്തായി.
പിന്നീട് രാഹുലിനൊപ്പം ചേർന്ന് കോഹ്‌ലി കൂട്ടുകെട്ട് പടുത്തുയർത്തി.ഒന്നിലധികം ലോകകപ്പ് പതിപ്പുകളിൽ തുടർച്ചയായി അഞ്ച് ഫിഫ്റ്റി പ്ലസ് സ്കോറുകൾ നേടിയ ആദ്യ കളിക്കാരനായി കോഹ്‌ലി മാറി. അദ്ദേഹത്തിന്റെ അവസാന അഞ്ച് സ്കോറുകൾ 54, 117, 51, 101*, 88 എന്നിങ്ങനെയാണ്.2019 ലോകകപ്പിലും കോഹ്‌ലി ഫിഫ്‌റ്റികൾ നേടി.2023 ലോകകപ്പ് കാമ്പെയ്‌ൻ മികച്ച രീതിയിൽ കോഹ്‌ലി പൂർത്തിയാക്കി.11 മത്സരങ്ങളിൽ നിന്ന് 95.62 ശരാശരിയിൽ 765 റൺസാണ് അദ്ദേഹം നേടിയത്.
Virat Kohli gave it all with the bat for India 🏏 pic.twitter.com/dRCkhbqywl
— CricTracker (@Cricketracker) November 19, 2023
ഒരു ലോകകപ്പ് എഡിഷനിൽ ഏറ്റവും കൂടുതൽ റൺസ് നേടിയ സച്ചിൻ ടെണ്ടുൽക്കറുടെ റെക്കോർഡാണ് സെമിയിൽ കോലി തകർത്തത്.ഏകദിനത്തിൽ 50 സെഞ്ചുറി നേടുന്ന ആദ്യ താരമെന്ന റെക്കോർഡും താരം സ്വന്തമാക്കി. ഓസ്‌ട്രേലിയയ്‌ക്കെതിരെ കോഹ്‌ലി മറ്റൊരു റെക്കോർഡ് കൂടി കുറിച്ചു.ഒരു ലോകകപ്പ് എഡിഷന്റെ സെമി-ഫൈനലുകളിലും ഫൈനലുകളിലും അമ്പതിലധികം സ്‌കോർ നേടിയ ഏക ഇന്ത്യക്കാരനും ലോകത്തിലെ ഏഴാമത്തെ ബാറ്റ്‌സ്മാൻ എന്ന റെക്കോർഡും കോഹ്‌ലി സ്വന്തമാക്കി.
മുൻ ഇംഗ്ലണ്ട് ക്യാപ്റ്റൻ മൈക്ക് ബ്രെയർലി (1979), മുൻ ഓസ്‌ട്രേലിയൻ ബാറ്റർ ഡേവിഡ് ബൂൺ (1987), മുൻ പാകിസ്ഥാൻ ക്യാപ്റ്റൻ ജാവേദ് മിയാൻദാദ് (1992), മുൻ ശ്രീലങ്കൻ ബാറ്റർ അരവിന്ദ ഡി സിൽവ (1996), മുൻ ന്യൂസിലൻഡ് ഓൾറൗണ്ടർ ഗ്രാന്റ് എലിയറ്റ് (2015) എന്നിവരോടൊപ്പം കോലി ) സ്റ്റീവ് സ്മിത്ത് (2015).