ഡൽഹിയും റെയിൽവേസും തമ്മിലുള്ള രഞ്ജി ട്രോഫി മത്സരത്തിന് മുന്നോടിയായി സ്റ്റാർ ബാറ്റ്‌സ്മാൻ വിരാട് കോഹ്‌ലിയുടെ ബലഹീനത മുൻ താരം മുഹമ്മദ് കൈഫ് ചൂണ്ടിക്കാട്ടി. 12 വർഷത്തിലേറെയായി കോഹ്ലി ആഭ്യന്തര ക്രിക്കറ്റിലേക്ക് മടങ്ങിവരുന്നു എന്ന പ്രത്യേകതയും ഇന്ന് തുടങ്ങുന്ന മത്സരത്തിനുണ്ട്.
രഞ്ജി ട്രോഫിയിൽ കോഹ്‌ലിയുടെ മുൻ മത്സരം 2012 നവംബറിൽ ആയിരുന്നു, അവിടെ അദ്ദേഹം 14 ഉം 43 ഉം റൺസ് നേടി, രണ്ട് ഇന്നിംഗ്‌സുകളിലും ഫാസ്റ്റ് ബൗളർ ഭുവനേശ്വർ കുമാറിന്റെ പന്തിൽ പുറത്തായി. ആദ്യ ഇന്നിംഗ്‌സിൽ മുഹമ്മദ് കൈഫ് സ്ലിപ്പിൽ അദ്ദേഹത്തെ പിടിച്ചു പുറത്താക്കി.അതേ രീതിയിലാണ് അടുത്തിടെ ഓസ്ട്രേലിയൻ പര്യടനത്തിലും പുറത്തായതെന്ന് കൈഫ് ചൂണ്ടിക്കാട്ടി. 12 വർഷമായിട്ടും അതേ ദൗർബല്യം കോലിക്കൊപ്പമുണ്ട് എന്നത് അദ്ഭുതപ്പെടുത്തുന്നുവെന്നും അദ്ദേഹം പറഞ്ഞു.
Did you know that I was on the field when Virat Kohli played Ranji Trophy last time? Here’s the story from that game.#CricketWithKaif11 pic.twitter.com/eRTE0xesGh
— Mohammad Kaif (@MohammadKaif) January 29, 2025
`എനിക്ക് വിശ്വസിക്കാനാവുന്നില്ല. 2012ൽ കോഹ്‌ലിക്കുണ്ടായിരുന്ന ദൗർബല്യം ഇന്നും തുടരുന്നു. അന്ന് ഗാസിയാബാദിലാണ് ഉത്തർപ്രദേശും ഡൽഹിയും തമ്മിലുള്ള രഞ്ജി മത്സരം നടന്നത്. ഭുവനേശ്വർ കുമാർ എറിഞ്ഞ ഒട്ടുമിക്ക ഔട്ട്-സ്വിംഗ് പന്തുകളും കോഹ്‌ലിക്ക് കളിക്കാൻ കഴിഞ്ഞില്ല. അതിനിടെ ഭുവനേശ്വർ കുമാറിൻ്റെ പന്ത് നേരിടാൻ കോലി പാടുപെടുകയായിരുന്നു.അടുത്ത സമയത്തിനുള്ളിൽ അദ്ദേഹത്തിൻ്റെ വിക്കറ്റ് ലഭിക്കുമെന്ന് ഞങ്ങൾക്ക് ഉറപ്പായിരുന്നു. ഒ ടുവിൽ ഭുവിയുടെ പന്ത് കോലിയുടെ ബാറ്റിൽത്തട്ടി സ്ലിപ്പിൽ താൻ തന്നെ ക്യാച്ചെടുത്തു.രണ്ടാം ഇന്നിങ്‌സിലും കോഹ്‌ലിയെ പുറത്താക്കാൻ ഭുവനേശ്വറിന് കഴിഞ്ഞു” കൈഫ് പറഞ്ഞു.
രണ്ടാം ഇന്നിങ്‌സിലും അതുതന്നെ സംഭവിച്ചു. 43 റൺസെടുത്ത അദ്ദേഹത്തെ വീണ്ടും ഭുവനേശ്വർ കുമാർ അതേ രീതിയിൽ പുറത്താക്കി. സ്ലിപ്പിലുണ്ടായിരുന്ന കൈഫിന് പകരം വിക്കറ്റ് കീപ്പറെ ആമിർ ഖാൻ പിടികൂടിയെന്ന വ്യത്യാസം മാത്രം. ഈ ദൗർബല്യത്തിൽ നിന്ന് കോഹ്ലി ഇപ്പോഴും മോചിതനായിട്ടില്ല. ഓസ്‌ട്രേലിയയിലും സമാനമായ ഒരു വിക്കറ്റ് അദ്ദേഹം വഴങ്ങി. 9 ഇന്നിംഗ്‌സുകളിൽ നിന്ന് 191 റൺസ് മാത്രമാണ് താരത്തിന് നേടാനായത്.
2012 ലും അദ്ദേഹത്തിന് ഓഫ്-സ്റ്റമ്പ് ബലഹീനത ഉണ്ടായിരുന്നു. അതേ ബലഹീനത ഇപ്പോഴും ഉണ്ടെന്ന് എനിക്ക് വിശ്വസിക്കാൻ കഴിയില്ല. ബോർഡർ-ഗവാസ്കർ ട്രോഫിയിൽ ഓസ്ട്രേലിയൻ ബൗളർമാർ അദ്ദേഹത്തെ പുറത്താക്കിയതുപോലെ, ഞങ്ങൾക്കെതിരായ രഞ്ജി ട്രോഫി മത്സരത്തിലും അദ്ദേഹം സമാനമായി പുറത്തായി.“ഓഫ്-സ്റ്റംപിനു പുറത്ത് ബലഹീനത ഉണ്ടായിരുന്നിട്ടും അദ്ദേഹത്തിന്റെ വിജയം കാണുന്നത് അതിശയകരമാണ്. ഏകദിന മത്സരങ്ങളിൽ അദ്ദേഹം 50 സെഞ്ച്വറികൾ നേടിയിട്ടുണ്ട്,” കൈഫ് കൂട്ടിച്ചേർത്തു.