ഇന്റർ മിയാമിയിൽ ചേർന്നതുമുതൽ അത്ഭുതപ്പെടുത്തുന്ന ഫോമിലൂടെയാണ് ലയണൽ മെസ്സി കളിച്ചു കൊണ്ടിരിക്കുന്നത്.അർജന്റീന ലോകകപ്പ് ജേതാവ് മയാമിയെ ലീഗ് കപ്പ് കിരീടത്തിലേക്ക് നയിക്കുകയും യുഎസ് കപ്പിന്റെ ഫൈനലിൽ എത്തിക്കുകയും ചെയ്തു.മെസ്സി കളിച്ച എട്ടു മത്സരങ്ങളിൽ അവർ തോൽവി അറിഞ്ഞിട്ടില്ല.
മൈതാനത്ത് റെക്കോർഡുകൾക്ക് പിന്നാലെ റെക്കോർഡുകൾ സ്ഥാപിച്ചതിന് ശേഷം, ഫീൽഡിന് പുറത്ത് മറ്റൊരു റെക്കോർഡ് തകർക്കാൻ ഇന്റർ മിയാമി ക്യാപ്റ്റനും ഒരുങ്ങുന്നതായി തോന്നുന്നു. മെസ്സിയുടെ അരങ്ങേറ്റ മേജർ ലീഗ് സോക്കർ (MLS) മത്സരത്തിനുള്ള ടിക്കറ്റ് നിരക്ക് കുതിച്ചുയരുകയാണ്!.ഏഴ് തവണ ബാലൺ ഡി ഓർ ജേതാവ് ശനിയാഴ്ച ന്യൂയോർക്ക് റെഡ് ബുൾസിനെതിരെ തന്റെ MLS അരങ്ങേറ്റം സാധ്യതയുണ്ട്.ഇന്റർ മിയാമിയെ എട്ട് മത്സരങ്ങളിൽ തോൽവിയറിയാതെ തുടരാൻ അദ്ദേഹം സഹായിച്ചു, അതിൽ ഏഴിലും സ്കോർ ചെയ്തു.
ആരാധകർ മെസ്സിയെ കാണാൻ സ്റ്റേഡിയങ്ങളിലേക്ക് ഒഴുകുന്ന കാഴ്ചയാണ് കാണുന്നത്.ടിക്കറ്റ് നിരക്ക് 3,000 ഡോളറായി ഉയർന്നു (ഏകദേശം 2.48 ലക്ഷം ഇന്ത്യൻ രൂപ). ശരാശരി ടിക്കറ്റ് നിരക്ക് $496 (41,000 INR) ആണ്.വിവിഡ് സീറ്റ്സിന്റെ കൺസ്യൂമർ കമ്മ്യൂണിക്കേഷൻ സ്‌പെഷ്യലിസ്റ്റായ ഷാന റോസെന്തൽ പറയുന്നതനുസരിച്ച്, മെസ്സിയുടെ അരങ്ങേറ്റ മത്സരത്തിനുള്ള ടിക്കറ്റുകൾ ശരാശരി വിലയെ അടിസ്ഥാനമാക്കി ഒരു NFL ഗെയിമിന്റെ ടിക്കറ്റിനെ മറികടന്നു.എഫ്‌സി ഡാളസിനെതിരായ ഇന്റർ മിയാമിയുടെ ലീഗ്സ് കപ്പ് ഗെയിം ഏറ്റവും ഉയർന്ന ശരാശരി ടിക്കറ്റ് വിലയായ $678 എന്ന റെക്കോർഡ് സ്വന്തമാക്കിയിട്ടുണ്ട്, എന്നാൽ ആ റെക്കോർഡ് മറികടന്നേക്കും.
മെസ്സിയുടെ കളി കാണാൻ കഴിയുന്നത്ര ആരാധകരെ ലഭിക്കുന്നതിന് 82,500 ശേഷിയുള്ള മെറ്റ്‌ലൈഫ് സ്റ്റേഡിയത്തിൽ എം‌എൽ‌എസ് മത്സരങ്ങൾ നടത്താനുള്ള സാധ്യത റെഡ് ബുൾ ന്യൂയോർക്ക് ആരായുകയാണ്.25,000 കാണികളെ ഉൾക്കൊള്ളുന്ന റെഡ് ബുൾ അരീനയിൽ മത്സരം നടക്കുക.