വെള്ളിയാഴ്ച കൊളംബോയിലെ ആർ.പ്രേമദാസ സ്റ്റേഡിയത്തിൽ നടന്ന ആദ്യ ഏകദിനത്തിൽ ശ്രീലങ്കയും ഇന്ത്യയും സമനിലയിൽ പിരിഞ്ഞു.231 റൺസ് വിജയലക്ഷ്യവുമായി ഇറങ്ങിയ ഇന്ത്യക്ക് 230 റൺസ് മാത്രമാണ് സ്കോർ ബോര്ഡില് ചേർക്കാൻ സാധിച്ചത്.വിജയിക്കാൻ ഒരു റൺസ് മാത്രം വേണ്ടപ്പോൾ രണ്ടു വിക്കറ്റുകൾ ഇന്ത്യൻ ടീമിന് നഷ്ടപ്പെട്ടിരുന്നു.
ഏകദിന ക്രിക്കറ്റിൽ ഏറ്റവും കൂടുതൽ ടൈ ആയ മത്സരങ്ങളുടെ പട്ടികയിൽ ഇന്ത്യ ഇപ്പോൾ ഓസ്‌ട്രേലിയയെ മറികടന്നു. ഫോർമാറ്റിൽ ഇത് അവരുടെ പത്താം ടൈ ആയിരുന്നു, ഇത് വെസ്റ്റ് ഇൻഡീസിന് പിന്നിൽ രണ്ടാം സ്ഥാനത്തെത്തി.ആദ്യം ബാറ്റ് ചെയ്യാൻ തീരുമാനിച്ച ശ്രീലങ്ക ഒരു ഘട്ടത്തിൽ 200 ൽ താഴെ റൺസിന്‌ പുറത്താവുമെന്ന് കരുതിയെങ്കിലും 230 റൺസെടുത്തു.ഓപ്പണർ പാത്തും നിസ്സാങ്ക 56 റൺസ് നേടിയെങ്കിലും മധ്യനിര ബാറ്റ്‌സ്മാന്മാരാരും മാന്യമായ സംഭാവന നൽകിയില്ല. ദുനിത് വെല്ലലഗെയുടെ 67 റൺസ് ആതിഥേയരെ രക്ഷപ്പെടുത്തി.
രോഹിത് ശർമ്മയുടെ അർദ്ധ സെഞ്ച്വറി നേടിയിട്ടും റൺസ് വേട്ടയിൽ ഇന്ത്യ വലിയ പ്രതിസന്ധിയിലായി. 80/1ൽ നിന്ന് ഇന്ത്യ 189/6 എന്ന നിലയിലേക്ക് താഴ്ന്നു. കെ എൽ രാഹുലിൻ്റെയും അക്‌സർ പട്ടേലിൻ്റെയും 57 റൺസ് കൂട്ടുകെട്ട് ഇന്ത്യക്ക് വിജയ പ്രതീക്ഷ നൽകിയെങ്കിലും തുടര് വിക്കറ്റ് വീണത് തിരിച്ചടിയായി മാറി.48-ാം ഓവറിൽ ക്യാപ്റ്റൻ ചരിത് അസലങ്കയുടെ പന്തിൽ അർഷ്ദീപ് എൽബിഡബ്ല്യു ഔട്ട് ആയപ്പോൾ മത്സരം സമനിലയിലായി.ദുനിത് വെല്ലലഗെ പ്ലെയർ ഓഫ് ദി മാച്ചായി തിരഞ്ഞെടുക്കപ്പെട്ടു.
ഏകദിന ക്രിക്കറ്റിൽ ഏറ്റവും കൂടുതൽ ടൈ ആയ മത്സരങ്ങൾ:
വെസ്റ്റ് ഇൻഡീസ്: 11
ഇന്ത്യ: 10
ഓസ്‌ട്രേലിയ: 9
ഇംഗ്ലണ്ട്: 9
പാകിസ്ഥാൻ: 9
സിംബാബ്‌വെ: 8