അവസാന ഓവറിൽ ഡാരിൽ മിച്ചലിന് സിംഗിൾ നിഷേധിച്ച് അപമാനിച്ച് എംഎസ് ധോണി | IPL 2024

ഇന്ത്യന്‍ പ്രീമിയര്‍ ലീഗില്‍ ഇന്നലെ ചെപ്പോക്കില്‍ നടന്ന മത്സരത്തിൽ പഞ്ചാബ് കിങ്‌സ് ഏഴ് വിക്കറ്റിന് ചെന്നൈ സൂപ്പർ കിങ്സിനെ പരാജയപ്പെടുത്തി.വിജയത്തോടെ പ്ലേഓഫിലേക്കുള്ള അവരുടെ പ്രതീക്ഷകൾ സജീവമാക്കിയിരിക്കുകയാണ് പഞ്ചാബ് കിങ്‌സ്. ആദ്യം ബാറ്റ് ചെയ്ത ചെന്നൈയെ 162 റണ്‍സിലൊതുക്കിയ പഞ്ചാബ് മറുപടി ബാറ്റിങ്ങില്‍ 13 പന്ത് ശേഷിക്കെ മൂന്ന് വിക്കറ്റ് നഷ്ടത്തില്‍ വിജയത്തിലെത്തി.

48 പന്തില്‍ 62 റണ്‍സെടുത്ത റുതുരാജ് ഗെയ്ക്വാദാണ് ചെന്നൈയുടെ ടോപ് സ്‌കോറര്‍. അവസാന ഓവറുകളില്‍ എത്തിയ എം എസ് ധോണിക്കും (11 പന്തില്‍ 14) തിളങ്ങാനായില്ല. മത്സരത്തിന്റെ അവസാന ഓവറിൽ ധോണിയുടെ പ്രവർത്തി മത്സരം കണ്ട ആർക്കും മറക്കാൻ സാധിക്കില്ല.അർഷ്ദീപ് സിംഗ് എറിഞ്ഞ അവസാന ഓവറിൽ മുൻ സിഎസ്കെ നായകൻ എംഎസ് ധോണി സ്ട്രൈക്ക് ചെയ്യുകയായിരുന്നു.രണ്ട് പന്തുകൾ മിഡിൽ ചെയ്യുന്നതിൽ പരാജയപ്പെട്ടെങ്കിലും, തൻ്റെ ടീമിനായി കുറച്ച് റൺസ് കൂടി നേടാനുള്ള തൻ്റെ കഴിവിൽ ധോണി വിശ്വസിച്ചു.

അടുത്ത പന്ത് ധോണി ഓഫ്‌സൈഡിലേക്ക് അടിക്കുകയും ഡാരിൽ മിച്ചൽ റൺസിനായി ബാറ്റിംഗ് എൻഡിലേക്ക് എത്തിയെങ്കിലും ധോണി കിവീസ് താരത്തെ മടക്കി അയച്ചു.ധോണി റൺ നിഷേധിച്ചതോടെ ബൗളിങ്ങിൽ എൻഡിലേക്ക് താരം തിരിച്ചോടുകയാണ് ചെയ്തത്.ഏതാണ്ട് റണ്ണൗട്ടാകുന്നതിന് മുമ്പ് തിരിച്ചെത്തി. രണ്ട് ബാറ്റർമാർക്കും രണ്ട് റൺസ് എടുക്കാൻ മതിയായ സമയം ഉണ്ടായിരുന്നു, പക്ഷേ അവസാന ഓവറിൽ സ്ട്രൈക്ക് വേണമെന്ന നിലപാടിൽ ധോണി ഉറച്ചു നിന്നു. എന്നാൽ ഓവറിൻ്റെ അവസാനത്തെ പന്തിൽ കവർ റീജിയണിലെ സ്റ്റാൻഡിലേക്ക് കൂറ്റൻ സിക്‌സറടിച്ച് ധോണി പ്രായശ്ചിത്തം ചെയ്തു, സ്‌കോർ 160 കടന്നു.

അവസാന പന്തിൽ റണ്ണൗട്ടായി, ഐപിഎല്ലിൽ ആദ്യമായി പുറത്തായി. റണ്ണൗട്ടാകുന്നതിന് മുമ്പ് അവസാന മൂന്ന് പന്തിൽ ഏഴ് റൺസാണ് ധോണി നേടിയത്. എന്നിരുന്നാലും ആരാധകർക്ക് ആ നിമിഷം മറക്കാനായില്ല, കൂടാതെ ന്യൂസിലൻഡിനായി എല്ലാ ഫോർമാറ്റുകളിലും ഏറ്റവും ആശ്രയിക്കാവുന്ന ബാറ്ററായ മിച്ചലിനെ അപമാനിക്കുന്നതിനു തുല്യമാണ് ഇതെന്ന് പലരും അഭിപ്രായപ്പെട്ടു.14 കോടി രൂപയ്ക്ക് വാങ്ങിയ ഡാരിൽ മിച്ചലിനെ എട്ടാം നമ്പറിൽ ആണ് ചെന്നൈ ബാറ്റിങ്ങിന് അയച്ചത്.