ദുബായിൽ നടന്ന ഇന്ത്യ-പാകിസ്ഥാൻ ഏഷ്യാ കപ്പ് 2025 സൂപ്പർ ഫോർ പോരാട്ടത്തിൽ പരാജയപെട്ടതിനു ശേഷം ശേഷം ഇന്ത്യൻ ക്യാമ്പിലുള്ള ആരെങ്കിലും വിക്കറ്റ് കീപ്പർ ബാറ്റ്സ്മാൻ സഞ്ജു സാംസണെ മധ്യനിരയിൽ വളരാൻ സഹായിക്കണമെന്ന് മുൻ സ്പിന്നർ മുരളി കാർത്തിക് ഉപദേശിച്ചു.ഏഷ്യാ കപ്പിന് മുന്നോടിയായി കഴിഞ്ഞ കുറച്ച് മാസങ്ങളായി ഒരു ഓപ്പണർ എന്ന നിലയിൽ 30 കാരനായ കേരള ബാറ്റർ മികച്ച പ്രകടനം പുറത്തെടുത്തു.
എന്നിരുന്നാലും, ശുഭ്മാൻ ഗിൽ ടീമിലേക്ക് തിരിച്ചെത്തിയതോടെ, ടീം ഇന്ത്യ ഗിൽ-അഭിഷേക് ശർമ്മ സഖ്യത്തെ ഓപ്പണർ സ്ഥാനത്ത് നിലനിർത്താൻ തീരുമാനിച്ചു, സാംസൺ മധ്യനിരയിലേക്ക് തരംതാഴ്ത്തപ്പെട്ടു. ഒമാനെതിരെ ഇന്ത്യയുടെ അവസാന ഗ്രൂപ്പ് ഘട്ട മത്സരത്തിൽ മൂന്നാം സ്ഥാനത്ത് ബാറ്റ് ചെയ്യാൻ കേരള ബാറ്റ്സ്മാൻ ഇറങ്ങി, മാച്ച് വിന്നിംഗ് 56 റൺസ് നേടി.എന്നിരുന്നാലും, അടുത്തിടെ അവസാനിച്ച പാകിസ്ഥാൻ മത്സരത്തിൽ അഞ്ചാം സ്ഥാനത്ത് ബാറ്റ് ചെയ്ത അദ്ദേഹം താളത്തിനായി പാടുപെട്ടു. ഹാരിസ് റൗഫിന്റെ പന്തിൽ സാംസൺ പുറത്താകുന്നതിന് മുമ്പ് 17 പന്തിൽ 13 റൺസ് നേടി.
“സഞ്ജു മുന്നോട്ട് കളിക്കുന്നു എങ്കിൽ, അയാൾക്ക് നൽകുന്ന റോൾ (5) ആണെങ്കിൽ , അതിനായി തയ്യാറെടുക്കേണ്ടത് സഞ്ജുവിന്റെ ഉത്തരവാദിത്തമാണ്. അതോ മൂന്നാം നമ്പറിൽ സഞ്ജുവിന് യോജിച്ച സ്ഥാനത്ത് അദ്ദേഹത്തിനായി ആരെങ്കിലും സ്ഥാനം ഒഴിഞ്ഞ് കൊടുക്കുമോ? ആരെങ്കിലും അങ്ങനെ ചെയ്യാത്ത പക്ഷം സഞ്ജു ഇതേ അഞ്ചാം നമ്പറിൽ ഇനിയും കളിക്കണം. ആരെങ്കിലും മധ്യനിരയിൽ എങ്ങനെ റോൾ പൂർത്തിയാക്കണം എന്ന് സഞ്ജുവിനെ പഠിപ്പിക്കുക. കാരണം അവൻ മികച്ച താരമാണ്. അയാൾക്ക് പെട്ടെന്ന് അതിലെല്ലാം പഠിക്കാൻ പറ്റും” കാർത്തിക് പറഞ്ഞു.
“ജിതേഷ് ശർമ്മയാണ് കൂടുതൽ അനുയോജ്യൻ, അദ്ദേഹം ബാറ്റ് ചെയ്യുന്ന രീതി മാത്രം മതി, ആ മധ്യനിരയ്ക്ക് അദ്ദേഹം കൂടുതൽ അനുയോജ്യനാണ്.സഞ്ജുവിന് ഇപ്പോൾ അയാൾക്ക് കൊടുത്തിരിക്കുന്ന റോളിൽ തിളങ്ങാൻ ആരുടെ എങ്കിലും സഹായം അത്യാവശ്യമാണ്” മുരളി കാർത്തിക് കൂട്ടിച്ചേർത്തു.ടി20യിൽ അഞ്ചാം സ്ഥാനത്ത് സാംസൺ ബുദ്ധിമുട്ടി, ആറ് മത്സരങ്ങളിൽ നിന്ന് 117.18 എന്ന സ്ട്രൈക്ക് റേറ്റിൽ 18.75 എന്ന മോശം ശരാശരി നേടി.
ഓപ്പണർമാർ നൽകിയ മികച്ച തുടക്കം കണക്കിലെടുത്താൽ, ഇന്ത്യക്ക് പാകിസ്ഥാനെതിരെ കൂടുതൽ സുഖകരമായ വിജയം നേടാൻ കഴിയുമായിരുന്നുവെന്ന് മുരളി കാർത്തിക് വിശ്വസിക്കുന്നു. റൺവേട്ടയുടെ ആദ്യ പകുതിയിൽ ഇന്ത്യ ആധിപത്യം പുലർത്തിയപ്പോൾ അഭിഷേക് ശർമ്മയും ശുഭ്മാൻ ഗില്ലും ഓപ്പണിംഗ് വിക്കറ്റിൽ വെറും 60 പന്തിൽ നിന്ന് 105 റൺസ് കൂട്ടിച്ചേർത്തു.എന്നിരുന്നാലും, മധ്യനിരയിൽ സാംസണിന്റെ പോരാട്ടങ്ങളും പതിവ് വിക്കറ്റ് വീഴ്ചയും കാരണം, ഇന്ത്യ 18.5 ഓവറുകൾ മാത്രം കളിച്ചാണ് വിജയലക്ഷ്യം ഉറപ്പിച്ചത്.പാകിസ്ഥാനെതിരായ ഒരു മത്സരം ഉൾപ്പെടെ ഗ്രൂപ്പ് ഘട്ടത്തിലെ മൂന്ന് മത്സരങ്ങളിലും ഇന്ത്യ ഏഴ് വിക്കറ്റിന് വിജയിച്ചു, സൂപ്പർ ഫോറിൽ ആറ് വിക്കറ്റ് വിജയം നേടി ഇന്ത്യ സൂപ്പർ ഫോറിന് തുടക്കമിട്ടു.