രോഹിത് ശര്‍മ്മ വിരമിച്ചാല്‍ ഹാര്‍ദ്ദിക് പാണ്ഡ്യ ഇന്ത്യന്‍ ക്യാപ്റ്റനാകണമെന്ന് മുന്‍ താരം നവ്‌ജ്യോത് സിങ് സിദ്ദു അഭിപ്രായപ്പെട്ടു.ഹാർദിക് ഇന്ത്യൻ ടീമിൻ്റെ ഭാവിയാണെന്നും ബറോഡ ഓൾറൗണ്ടറെ ടി 20 ടീമിൻ്റെ വൈസ് ക്യാപ്റ്റനായി നിയമിച്ചപ്പോൾ ഇന്ത്യൻ ക്രിക്കറ്റ് ബോർഡിന് (ബിസിസിഐ) ഭാവി പദ്ധതിയുണ്ടായിരുന്നുവെന്നും സിദ്ദു പറഞ്ഞു.രോഹിത് ശർമ്മക്ക് ശേഷം ടെസ്റ്റ് ടീമിൻ്റെ ക്യാപ്റ്റനായി ജസ്പ്രീത് ബുംറയെ സിദ്ധു തെരഞ്ഞെടുത്തു.
‘ഹാര്‍ദ്ദിക് പാണ്ഡ്യയാണ് ഇന്ത്യന്‍ ക്രിക്കറ്റ് ടീമിന്റെ ഭാവി. രോഹിത് ശര്‍മ്മയ്ക്ക് ഇപ്പോള്‍ ഏകദേശം 36-37 വയസ്സുണ്ട്. അദ്ദേഹത്തിന് രണ്ട് വര്‍ഷം കൂടി ബാക്കിയുണ്ട്. അദ്ദേഹം മികച്ച ക്യാപ്റ്റനും കളിക്കാരനുമാണ്. എന്നാല്‍ രോഹിത് വിരമിക്കുന്ന സമയത്തേക്ക് ക്യാപ്റ്റന്‍ സ്ഥാനത്തേക്ക് ഒരാഴെ കൊണ്ടുവരേണ്ടതുണ്ട്’, സിദ്ദു പറയുന്നു.
“ഞാൻ ഹാർദിക് പാണ്ഡ്യ ടെസ്റ്റ് ക്യാപ്നാവുന്നതിൽ പിന്തുണക്കുന്നില്ല.പക്ഷേ അദ്ദേഹം നമ്മുടെ വൈസ് ക്യാപ്റ്റനാണ്. രോഹിത് ഇല്ലാതിരുന്ന ഒരു വര്‍ഷത്തോളം അദ്ദേഹം ടി20യില്‍ ഇന്ത്യയെ നയിച്ചിട്ടുണ്ട്. ഹാര്‍ദ്ദിക് എല്ലാവരുടെയും സ്വാഭാവികമായ ചോയ്‌സ് ആണ്. അതുകൊണ്ടാണ് ബിസിസിഐ അദ്ദേഹത്തെ വൈസ് ക്യാപ്റ്റനാക്കിയത്. വൈറ്റ് ബോളില്‍ ഹാര്‍ദ്ദിക് തന്നെ അടുത്ത ഇന്ത്യന്‍ ക്യാപ്റ്റനാവണം’അദ്ദേഹം കൂട്ടിച്ചേർത്തു.
2023-ലെ ഏകദിന ലോകകപ്പ് വർഷത്തിൽ രോഹിത് ശർമ്മയും വിരാട് കോഹ്‌ലിയും ടി20 ഐ കളിക്കാതിരുന്നപ്പോൾ കളിയുടെ ഏറ്റവും ചെറിയ ഫോർമാറ്റിൽ ക്യാപ്റ്റൻ്റെ ആംബാൻഡ് കൈമാറിയതിനാൽ 2022 നും 2023 നും ഇടയിൽ 16 ടി20 ഐകളിൽ ഹാർദിക് പാണ്ഡ്യ ഇന്ത്യയെ നയിച്ചു.2024 ജൂണിൽ നടക്കുന്ന ടി20 ലോകകപ്പിൽ ഹാർദിക് ഇന്ത്യയെ നയിക്കുമെന്ന് അഭ്യൂഹങ്ങളുണ്ടായിരുന്നു, എന്നാൽ അഫ്ഗാനിസ്ഥാനെതിരായ 3 മത്സരങ്ങളുടെ ടി20 ഐ പരമ്പരയിലേക്ക് ബിസിസിഐ രോഹിത് ശർമ്മയെ തിരികെ കൊണ്ടുവന്ന് നായകനായി നിയമിച്ചു.
Navjot Singh Sidhu sees Hardik Pandya as 'future' of Indian cricket.
— InsideSport (@InsideSportIND) April 11, 2024
Your views? 🤔#IndianCricket #NavjotSinghSidhu #HardikPandya #CricketTwitter pic.twitter.com/HPwHXOrMiv
ടി20 ലോകകപ്പിൽ രോഹിത് ഇന്ത്യയെ നയിക്കുമെന്ന് ബിസിസിഐ സെക്രട്ടറി ജയ് ഷാ ഈ വർഷം ആദ്യം പറഞ്ഞിരുന്നു.എന്തായാലും ടി20യിൽ ഇന്ത്യയെ നയിക്കാനുള്ള മത്സരത്തിലാണ് ഹാർദിക്. 5 ഐപിഎൽ കിരീടങ്ങൾ നേടിയ രോഹിത് ശർമ്മയെ മാറ്റി ഹാർദിക്കിനെ മുംബൈ ടീമിൻ്റെ ക്യാപ്റ്റനായി നിയമിച്ചു.