റാവൽപിണ്ടിയിൽ നടന്ന മൂന്നാം ടെസ്റ്റ് മത്സരത്തിൻ്റെ മൂന്നാം ദിനത്തിൽ ഇംഗ്ലണ്ടിനെ തകർത്ത് പാകിസ്ഥാൻ ചരിത്ര ടെസ്റ്റ് പരമ്പര വിജയിച്ചു. പരമ്പരയിലെ ആദ്യ മത്സരത്തിൽ ഇന്നിംഗ്‌സിന് തോറ്റതിന് ശേഷം, ശേഷിക്കുന്ന രണ്ട് മത്സരങ്ങളും വിജയിച്ച് പാകിസ്ഥാൻ തകർപ്പൻ തിരിച്ചുവരവ് നടത്തുകയും 2021 ഫെബ്രുവരിക്ക് ശേഷം നാട്ടിൽ തങ്ങളുടെ ആദ്യ ടെസ്റ്റ് പരമ്പര വിജയം നേടുകയും ചെയ്തു.
കഴിഞ്ഞ വർഷം ബാബർ അസമിൽ നിന്ന് ചുമതലയേറ്റതിന് ശേഷം തുടർച്ചയായി ആറ് ടെസ്റ്റ് മത്സരങ്ങൾ തോറ്റതിന് ശേഷം, ക്യാപ്റ്റൻ എന്ന നിലയിൽ ഇപ്പോൾ ഒരു പരമ്പര വിജയമുള്ളതിനാൽ ഷാൻ മസൂദിന് ഒടുവിൽ ആശ്വാസം ലഭിക്കുകയും ചെയ്തു.2021 ഫെബ്രുവരിയിൽ ദക്ഷിണാഫ്രിക്കയ്‌ക്കെതിരെയാണ് പാകിസ്ഥാൻ അവസാനമായി ഹോം ടെസ്റ്റ് പരമ്പര നേടിയത്.
രണ്ടാം ഇന്നിംഗ്സില്‍ ഇംഗ്ലണ്ടിനെ 112 റണ്‍സിന് പുറത്താക്കിയ പാകിസ്ഥാന് വിജയലക്ഷ്യമായ 35 റണ്‍സ് ഒരു വിക്കറ്റ് നഷ്ടത്തില്‍ അടിച്ചെടുത്തു.(സ്കോര്‍ ഇംഗ്ലണ്ട് 267, 112, പാകിസ്ഥാന് 344, 37-1.)മൂന്നാം ഓവറിൻ്റെ തുടക്കത്തിൽ തന്നെ സെയിം അയൂബിനെ നഷ്‌ടമായെങ്കിലും 9 വിക്കറ്റ് ശേഷിക്കെ അനായാസ ലക്ഷ്യം പാക്കിസ്ഥാൻ മറികടന്നു. ഇന്ന് ജോ റൂട്ടും ഹാരി ബ്രൂക്കും ഇംഗ്ലണ്ടിന് നാലാം വിക്കറ്റിൽ 46 റൺസിൻ്റെ മികച്ച തുടക്കമാണ് നൽകിയത്.
A huge victory for Pakistan in Rawal𝘀𝗽𝗶𝗻di!https://t.co/UpfHrNPpBp | #PAKvENG pic.twitter.com/e4saYqLP06
— ESPNcricinfo (@ESPNcricinfo) October 26, 2024
20-ാം ഓവറിൽ ബ്രൂക്കിൻ്റെ വിക്കറ്റിലൂടെ നൊമാൻ പാകിസ്ഥാന് ബ്രേക്ക്ത്രൂ നൽകി, തുടർന്ന് ഇംഗ്ലണ്ട് ആരാധകർ നാണംകെട്ട തകർച്ചയ്ക്ക് സാക്ഷ്യം വഹിച്ചു.രണ്ടാം ഇന്നിംഗ്‌സിൽ 33 റൺസെടുത്ത ജോ റൂട്ടാണ് ടോപ് സ്‌കോറർ, നൊമാൻ അലി ആറ് വിക്കറ്റ് വീഴ്ത്തി. സാജിദ് ഖാനും രണ്ടാം ഇന്നിംഗ്‌സിൽ നാല് വിക്കറ്റ് വീഴ്ത്തി മത്സരത്തിൽ പത്ത് വിക്കറ്റ് നേടി.റാവൽപിണ്ടിയിൽ 10 വിക്കറ്റ് വീഴ്ത്തുന്ന ആദ്യ സ്പിൻ ബൗളറായി.മത്സരത്തിൽ 19 വിക്കറ്റുകളും പരമ്പരയിൽ 39 വിക്കറ്റുകളും നേടി നൊമാനും സാജിദും ഇംഗ്ലണ്ടിനെ തകർത്തു.