ടി 20 ലോകകപ്പിൽ ഗ്രൂപ്പ് എ യിൽ തുടർച്ചയായി രണ്ടാം മത്സരവും പരാജയപ്പെട്ട ബാബർ അസമിൻ്റെ നേതൃത്വത്തിലുള്ള പാകിസ്ഥാൻ ടൂർണമെന്റിൽ നിന്നും പുറത്താകലിന്റെ വക്കിലാണ്.സഹ-ആതിഥേയരായ യുഎസ്എയോടുള്ള ഞെട്ടിക്കുന്ന തോൽവിക്ക് ശേഷം, ന്യൂയോർക്കിൽ നടന്ന ഒരു ലോ-സ്കോറിംഗ് ത്രില്ലറിൽ പാകിസ്ഥാനെ ഇന്ത്യ പരാജയപ്പെടുത്തി.
ഗ്രൂപ്പ് എയിൽ ഇന്ത്യ, യുഎസ്എ, കാനഡ എന്നിവയ്ക്ക് പിന്നിൽ പാകിസ്ഥാൻ നിലവിൽ നാലാം സ്ഥാനത്താണ്.പാകിസ്ഥാന് ഇനി രണ്ട് കളികൾ ബാക്കിയുണ്ട് – ഒന്ന് കാനഡക്കെതിരെയും ഒന്ന് അയർലൻഡിനെതിരെയും, ലോകകപ്പിൽ ജീവനോടെ നിലനിൽക്കണമെങ്കിൽ രണ്ട് മത്സരങ്ങളും ജയിച്ചേ തീരൂ. തങ്ങളുടെ മത്സരങ്ങളൊന്നും മഴ മൂലം ഒലിച്ചു പോകരുതെന്നും അവർ പ്രതീക്ഷിക്കുന്നു.നിർഭാഗ്യവശാൽ പാക്കിസ്ഥാനെ സംബന്ധിച്ചിടത്തോളം, ടൂർണമെൻ്റിൻ്റെ സൂപ്പർ 8 ഘട്ടത്തിലേക്ക് യോഗ്യത നേടുന്നതിന് അവർക്ക് ഇന്ത്യയെ ആശ്രയിക്കേണ്ടി വന്നിരിക്കുകയാണ്.
ഓരോ ഗ്രൂപ്പിൽ നിന്നും 2 ടീമുകൾ വീതം T20 ലോകകപ്പിൻ്റെ സൂപ്പർ 8 ഘട്ടത്തിലേക്ക് യോഗ്യത നേടുന്നു. പാകിസ്ഥാൻ 2 മത്സരങ്ങളിൽ നിന്ന് 0 പോയിൻ്റുള്ളപ്പോൾ, ഇന്ത്യയ്ക്കും യുഎസ്എയ്ക്കും 4 പോയിന്റ് വീത്മുണ്ട്.സൂപ്പർ 8 സ്ഥാനങ്ങൾക്കായി ഈ രണ്ട് ടീമുകൾക്കെതിരെയാണ് പാകിസ്ഥാൻ മത്സരിക്കുന്നത്.ടൂർണമെൻ്റിലെ അവസാന രണ്ട് മത്സരങ്ങളും പാക്കിസ്ഥാന് ജയിക്കേണ്ടതുണ്ട്. അവർക്ക് ഇപ്പോൾ -0.15 NRR ഉണ്ട്.2 മത്സരങ്ങൾക്ക് ശേഷം യുഎസ്എക്കും ഇന്ത്യക്കും വലിയ റൺ റേറ്റ് ആണുള്ളത്.ടൂർണമെൻ്റിൽ തങ്ങളുടെ ഗ്രൂപ്പ് എ മത്സരത്തിൽ ഇന്ത്യ യുഎസ്എയെ തോൽപ്പിക്കുമെന്ന് പാകിസ്ഥാൻ പ്രതീക്ഷിക്കുന്നു.
ഇന്ത്യയ്‌ക്കെതിരായ വലിയ തോൽവി യുഎസ്എയുടെ റൺറേറ്റ് കുറയ്ക്കും.അയർലൻഡിനെതിരായ അവസാന ഗ്രൂപ്പ് ഘട്ട മത്സരത്തിലും യുഎസ്എ പരാജയപ്പെടുമെന്ന് പാകിസ്ഥാൻ പ്രതീക്ഷിക്കുന്നു.ഈ സാഹചര്യത്തിൽ, യുഎസ്എയും പാകിസ്ഥാനും നാല് പോയിൻ്റിൽ സമനിലയിലാകും, പാകിസ്ഥാൻ അവരുടെ നേടി റൺ റേറ്റ് അടിസ്ഥാനമാക്കി യോഗ്യത നേടും.നസാവു കൗണ്ടി സ്റ്റേഡിയത്തിലാണ് ഇന്ത്യ യുഎസുമായി കളിക്കുന്നത്.ഇന്ത്യയ്‌ക്കെതിരായ ഗെയിമിൽ യുഎസ്എയ്ക്ക് വൻതോതിൽ NRR ഇടിവ് സംഭവിച്ചാൽ പാകിസ്താന് പ്രതീക്ഷയുണ്ട്.