ബ്രിസ്‌ബേനിൽ ഓസ്‌ട്രേലിയക്കെതിരായ ആദ്യ ടി20 മത്സരത്തിൽ പാകിസ്ഥാൻ ക്രിക്കറ്റ് ടീമിന് 29 റൺസിൻ്റെ കനത്ത തോൽവി. മഴ കാരണം 7 ഓവറായി കളി ചുരുക്കിയിരുന്നു. ആദ്യം ബാറ്റ് ചെയ്ത ഓസ്ട്രലിയ 4 വിക്കറ്റ് നഷ്ടത്തിൽ 93 റൺസ് നേടി. മറുപടി ബാറ്റിങ്ങിനിറങ്ങിയ പാക്കിസ്ഥാനെ 9 വിക്കറ്റിന് 64 എന്ന നിലയിൽ ഒതുക്കി.
ബ്രിസ്‌ബേൻ ക്രിക്കറ്റ് ഗ്രൗണ്ടിൽ 42 പന്തിൽ 94 റൺസ് പിന്തുടരുന്നതിനിടെ മുഹമ്മദ് റിസ്‌വാൻ്റെ നേതൃത്വത്തിലുള്ള പാകിസ്ഥാൻ ടീം നാണംകെട്ട തകർച്ചയ്ക്ക് സാക്ഷ്യം വഹിച്ചു. സ്‌കോർ ബോർഡിൽ 16 റൺസ് മാത്രമുള്ളപ്പോൾ പാകിസ്ഥാൻ അവരുടെ ആദ്യ 5 വിക്കറ്റുകൾ നഷ്‌ടപ്പെട്ടു.ഷാഹിബ്‌സാദ ഫർഹാൻ മുഹമ്മദ് റിസ്‌വാനൊപ്പം ഓപ്പണറായി ഇറങ്ങി, ഇന്നിംഗ്‌സിൻ്റെ ആദ്യ രണ്ട് പന്തിൽ രണ്ട് ബൗണ്ടറികൾ പറത്തി മികച്ച തുടക്കം കുറിച്ചു.
എന്നാൽ നാലാം പന്തിൽ ഫർഹാനെ സ്‌പെൻസർ ജോൺസൺ പുറത്താക്കി, പിന്നീട് പാക് ഇന്നിംഗ്‌സ് ചീട്ടുകൊട്ടാരം പോലെ തകർന്നു.സേവ്യർ ബാർട്ട്ലെറ്റ് രണ്ടാം ഓവറിൽ രണ്ട് പന്തിൽ റിസ്വാനെ പുറത്താക്കുകയും അഞ്ച് പന്തിൽ ഉസ്മാൻ ഖാനെ പുറത്താക്കുകയും ചെയ്തു. ഡീപ് മിഡ്-ഓൺ ഏരിയയിൽ റോപ്സ് ക്ലിയർ ചെയ്യാൻ ശ്രമിക്കുന്നതിനിടെ മുൻ ക്യാപ്റ്റനും സ്റ്റാർ ബാറ്ററുമായ ബാബർ അസം വെറും മൂന്ന് റൺസിന് വീണു.നഥാൻ എല്ലിസും ബാർട്ട്ലെറ്റും മൂന്ന് വിക്കറ്റ് വീതം വീഴ്ത്തി. പാക്കിസ്ഥാൻ്റെ ടോപ്-സിക്സ് കളിക്കാർ രണ്ടക്ക സ്കോറിലെത്താനായില്ല.
3 each for Nathan Ellis and Xavier Bartlett 🤝
— ESPNcricinfo (@ESPNcricinfo) November 14, 2024
Live: https://t.co/Yi8uZOW4xn | #AUSvPAK pic.twitter.com/nkCs5tV6m8
കളിയുടെ അവസാന രണ്ട് പന്തിൽ രണ്ട് വിക്കറ്റ് വീഴ്ത്തി ആദം സാമ്പ ഓസീസിനെ വിജയത്തിലെത്തിച്ചു.ബൗളിംഗ് ഓൾറൗണ്ടർ അബ്ബാസ് അഫ്രീദി അവസാന ഘട്ടത്തിൽ പുറത്താകാതെ 20 റൺസ് നേടി .നേരത്തെ, മൂന്നാം നമ്പറിൽ ബാറ്റ് ചെയ്യുന്ന ഗ്ലെൻ മാക്‌സ്‌വെൽ 19 പന്തിൽ 43 റൺസ് നേടി.മാർക്കസ് സ്റ്റോയിനിസ് 7 പന്തിൽ 21* റൺസ് കൂട്ടിച്ചേർത്ത് പരമ്പര ഓപ്പണറിൽ ആദ്യം ബാറ്റ് ചെയ്യാൻ നിർബന്ധിതരായ ഓസ്‌ട്രേലിയയെ ഒരു വലിയ സ്‌കോറിലേക്ക് സഹായിച്ചു.