മുകേഷ് കുമാറിനെ ജൂനിയർ മുഹമ്മദ് ഷമിയെന്ന് വിശേഷിപ്പിച്ച് ആർ അശ്വിൻ | Mukesh Kumar | Mohammad Shami

ടീം ഇന്ത്യക്കായി ലഭിച്ച ചെറിയ അവസരങ്ങളിൽ യുവ പേസർ മുകേഷ് കുമാറിന്റെ പ്രകടനത്തിൽ വെറ്ററൻ സ്പിന്നർ രവിചന്ദ്രൻ അശ്വിൻ മതിപ്പുളവാക്കി. മുഹമ്മദ് ഷമിയെ അനുകരിക്കാൻ മുകേഷിന് കഴിവുണ്ടെന്ന് അശ്വിൻ കണക്കുകൂട്ടുന്നു, കാരണം യുവ പേസർ യോർക്കറുകൾ ഇഷ്ടാനുസരണം എറിയാനുള്ള കഴിവുണ്ട് എന്നും അശ്വിൻ പറഞ്ഞു.

ഓസ്‌ട്രേലിയയ്‌ക്കെതിരായ ആദ്യ ടി20 ഐയിൽ മുകേഷ് ഇന്ത്യയ്‌ക്കായി മികച്ച പ്രകടനം പുറത്തെടുത്തു.നാല് ഓവറിൽ 29 റൺസ് മാത്രമാണ് വിട്ടുകൊടുത്തത്.20-ാം ഓവർ എറിഞ്ഞ താരം അഞ്ച് റൺസ് മാത്രമാണ് നൽകിയത്. ബിഗ് ഹിറ്റർമാരായ ടിം ഡേവിഡും മാർക്കസ് സ്റ്റോയിനിസുമാണ് അപ്പോൾ ക്രീസിൽ ഉണ്ടായിരുന്നത്. യോർക്കറുകൾ, ബൗൺസറുകൾ, ഓഫ് സ്റ്റമ്പിന് ചുറ്റുമുള്ള വൈഡ് ഡെലിവറികൾ എന്നിവയുൾപ്പെടെ വിവിധ ഡെലിവറികൾ മുകേഷ് ആ ഓവറിൽ ഉപയോഗിച്ചു.

“മുഹമ്മദ് സിറാജ് ജൂനിയർ ഷമിയാകുമെന്ന് ഞാൻ ആദ്യം കരുതി, പക്ഷേ അത് മുകേഷ് കുമാറാകാമെന്ന് ഇപ്പോൾ തോന്നുന്നു. ഷാമിയെ ‘ലാല’ എന്ന് വിളിക്കുന്നു.ലാലേട്ടൻ എന്ന് വിളിക്കുന്ന മോഹൻലാൽ എന്ന നടനോടുള്ള ആദരസൂചകമായാണ്.ഞാൻ ഷാമിയെ ലാലേട്ടനെ വിളിക്കുന്നു,” അശ്വിൻ തന്റെ യൂട്യൂബ് ചാനലിലെ വീഡിയോയിൽ പറഞ്ഞു.

“മുകേഷിന് സമാനമായ ബിൽഡും സമാനമായ ഉയരവും മികച്ച റിസ്റ്റ് പൊസിഷനുമുണ്ട്.പരമ്പരയിൽ അദ്ദേഹം നന്നായി പന്തെറിഞ്ഞു. വെസ്റ്റ് ഇൻഡീസിലും ബാർബഡോസിൽ നടന്ന പരിശീലന മത്സരത്തിലും മികച്ച പ്രകടനം പുറത്തെടുത്തു,” അശ്വിൻ കൂട്ടിച്ചേർത്തു.

“ഗാംഗുലി ബംഗാൾ ക്രിക്കറ്റ് അസോസിയേഷൻ ഏറ്റെടുത്തപ്പോൾ, അദ്ദേഹം ഒരു ടാലന്റ് ഹണ്ട് നടത്തി, ആ ടാലന്റ് ഹണ്ട് പ്രോഗ്രാമിനായി വഖാർ യൂനിസ്, വിവിഎസ് ലക്ഷ്മൺ നന്ദ് മുത്തയ്യ മുരളീധരൻ എന്നിവർ വന്നിരുന്നു.വഖാർ യൂനിസിനു മുന്നിൽ എറിഞ്ഞ രണ്ടു പന്തുകൾ അവന്റെ ജീവിതം മാറ്റിമറിച്ചു, അവൻ ഇപ്പോൾ ഇന്ത്യക്ക് വേണ്ടി ബൗൾ ചെയ്യുന്നു,” അശ്വിൻ പറഞ്ഞു.