ഓപ്പണർ കെ മഹീപ് കുമാറിൻ്റെയും ക്യാപ്റ്റൻ റിക്കി ഭുയിയുടെയും അർധസെഞ്ചുറികൾ കേരളത്തിനെതിരായ തങ്ങളുടെ അവസാന രഞ്ജി ട്രോഫി എലൈറ്റ് ഗ്രൂപ്പ് ബി മത്സരത്തിൻ്റെ ആദ്യ ദിനം കളി നിർത്തുമ്പോൾ ആന്ധ്രയെ 260/7 എന്ന നിലയിലേക്ക് ഉയർത്തി.വിശ്രമം അനുവദിച്ച സഞ്ജു സാംസണിൻ്റെ അഭാവത്തിൽ സച്ചിൻ ബേബിയാണ് കേരളത്തിൻ്റെ നായകൻ.ആന്ധ്ര നേരത്തെ തന്നെ ക്വാർട്ടർ ഫൈനലിൽ ഇടം നേടി.
ഹോം ക്യാപ്റ്റൻ റിക്കി ഭുയി ബാറ്റിംഗ് തിരഞ്ഞെടുത്തതിന് ശേഷം ഓപ്പണർ കെ രേവന്ത് റെഡ്ഡിയെ ബേസിൽ തമ്പി ഡക്കിന് പുറത്താക്കി.അരങ്ങേറ്റ മീഡിയം പേസർ അഖിൽ സ്കറിയ 28 റൺസെടുത്ത അശ്വിൻ ഹെബ്ബാറിനെ മടക്കി അയച്ചു. രണ്ടാം വിക്കറ്റിൽ കെ മഹീപും ഹെബ്ബാറും 48 റൺസ് കൂട്ടിച്ചേർത്തു.ഉച്ചഭക്ഷണത്തിന് ശേഷമുള്ള സെഷനിൽ ഓഫ് സ്പിന്നർ വൈശാഖ് ചന്ദ്രൻ, മഹീപ് (81), ഹനുമ വിഹാരി (24) എന്നിവരെ പുറത്താക്കി.
മഹീപ് മടങ്ങിയതോടെ നാലിന് 144 എന്ന നിലയിലായി ആന്ധ്ര. തുടര്‍ന്ന് റിക്കി – കരണ്‍ ഷിന്‍ഡെ (43) സഖ്യം സെഞ്ചുറി കൂട്ടുകെട്ട് ഉയര്‍ത്തി. ആതിഥേയരെ തകര്‍ച്ചയില്‍ നിന്നും രക്ഷിച്ചതും ഈ കൂട്ടുകെട്ടായിരുന്നു. ഇരുവരും 104 റണ്‍സാണ് ടോട്ടലിനൊപ്പം ചേര്‍ത്തത്. 133 പന്തിൽ 12 ബൗണ്ടറികളോടെ 79 റൺസാണ് ഭുയി നേടിയത്. കേരളത്തിനായി വൈശാഖും തമ്പിയും രണ്ട് വിക്കറ്റ് വീതം വീഴ്ത്തി.ആന്ധ്ര 89.3 ഓവറിൽ 270/4 (കെ മഹീപ് കുമാർ 81, റിക്കി ഭുയി 79 ബാറ്റിംഗ്; ബേസിൽ തമ്പി 2/42, വൈശാഖ് ചന്ദ്രൻ 2/78)
കേരളം: സച്ചിന്‍ ബേബി (ക്യാപ്റ്റന്‍), ബേസില്‍ തമ്പി, മുഹമ്മദ് അസറുദ്ദീന്‍, രോഹന്‍ കുന്നുമ്മല്‍, കൃഷ്ണ പ്രസാദ്, അക്ഷയ് ചന്ദ്രന്‍, ജലജ് സക്‌സേന, സല്‍മാന്‍ നിസാര്‍, അഖില്‍ സ്കറിയ, വൈശാഖ് ചന്ദ്രന്‍, എന്‍ പി ബേസില്‍.