മുൻ ഇന്ത്യൻ ഹെഡ് കോച്ച് രവി ശാസ്ത്രി, ഒരു പ്രതിപക്ഷ ബാറ്ററുടെ ശക്തിയും ദൗർബല്യങ്ങളും കളി സാഹചര്യങ്ങളും വേഗത്തിൽ വായിക്കാനുള്ള ജസ്പ്രീത് ബുംറയുടെ കഴിവിനെ പ്രശംസിച്ചു, ഫാസ്റ്റ് ബൗളറെ ഇതിഹാസ താരം മാൽക്കം മാർഷലിനോട് ഉപമിച്ചു. ബോർഡർ-ഗവാസ്‌കർ ട്രോഫിയിൽ ഓസ്‌ട്രേലിയയിൽ യഥേഷ്ടം റെക്കോർഡുകൾ തകർത്തുകൊണ്ട് ബുംറ ഇന്ത്യയെ മുന്നോട്ട് നയിക്കുകയാണ്.
മൂന്ന് ടെസ്റ്റുകളിൽ നിന്ന് 10.90 ശരാശരിയിൽ 21 വിക്കറ്റുകളാണ് ബുംറ നേടിയത്. ബോർഡർ-ഗവാസ്‌കർ ട്രോഫിയിലെ മറ്റൊരു ബൗളർക്കും മൂന്ന് ടെസ്റ്റുകൾക്ക് ശേഷം ഇതുവരെ 15 വിക്കറ്റിൽ കൂടുതൽ നേടാനായിട്ടില്ല.ഓസ്‌ട്രേലിയയിലെ സാഹചര്യങ്ങളുമായി പൊരുത്തപ്പെടാനുള്ള അദ്ദേഹത്തിൻ്റെ ശ്രദ്ധേയമായ കഴിവ് കൊണ്ട് മറ്റുള്ളവരെക്കാൾ മികച്ച പ്രകടനം നടത്താൻ സാധിച്ചു.പരമ്പര ഓപ്പണറിൽ രോഹിത് ശർമ്മയുടെ അഭാവത്തിൽ ഇന്ത്യയെ നയിച്ച ബുംറ പെർത്തിൽ ടീമിനെ 295 റൺസിൻ്റെ വിജയത്തിലേക്ക് നയിച്ചു.
“ഞാൻ കളിച്ച ഏറ്റവും മികച്ച ബൗളർ മാൽക്കം മാർഷലാണ് ,സാഹചര്യങ്ങളെ മറികടക്കാനുള്ള അദ്ദേഹത്തിൻ്റെ കഴിവ് കാരണം, ബാറ്റ്സ്മാന്മാരുടെ ശക്തിയും ദൗർബല്യങ്ങളും നന്നായി മനസ്സിലാക്കും.ബുംറ ആ വിഭാഗത്തിലാണെന്നാണ് എനിക്ക് തോന്നുന്നത്. ഒരു കളിക്കാരൻ്റെ ശക്തിയും ദൗർബല്യവും ഊഹിക്കാൻ പെട്ടെന്ന് സാധിക്കുന്നു”രവി ശാസ്ത്രി ഫോക്സ് ക്രിക്കറ്റിനോട് പറഞ്ഞു.”അദ്ദേഹം 200-ന് അടുത്ത് വിക്കറ്റുകൾ നേടിയിട്ടുണ്ട് ഇന്ത്യയിൽ നൂറിനടുത്ത് എത്തുന്നു,ഇന്ത്യയിൽ, പരുക്കൻ സാഹചര്യങ്ങൾ കാരണം പന്ത് തിരിച്ചുവരാൻ തുടങ്ങുന്നത് നിങ്ങൾ മനസ്സിലാക്കണം. അതിനാൽ പുതിയ പന്തിൽ വിക്കറ്റ് വീഴ്ത്തിയില്ലെങ്കിൽ, അവസാനം അവൻ അപകടകാരിയാണ്” മുൻ ഇന്ത്യൻ താരം കൂട്ടിച്ചേർത്തു.
53 വിക്കറ്റുകളുള്ള ബുംറ, ബ്രിസ്‌ബേനിൽ നടന്ന മൂന്നാം ടെസ്റ്റിൽ കപിൽ ദേവിൻ്റെ 51 വിക്കറ്റ് മറികടന്ന് ടെസ്റ്റ് ക്രിക്കറ്റിൽ ഓസ്‌ട്രേലിയയിൽ ഓസ്‌ട്രേലിയയിൽ ഇന്ത്യയ്‌ക്കായി ഏറ്റവും കൂടുതൽ വിക്കറ്റെടുത്ത ബൗളറായി മാറി.ടെസ്റ്റിൽ മെൽബൺ ക്രിക്കറ്റ് ഗ്രൗണ്ടിൽ രാജ്യത്തെ ഏറ്റവും മികച്ച വിക്കറ്റ് ടേക്കർ ആവാൻ ഇന്ത്യൻ ഫാസ്റ്റ് ബൗളർക്ക് ഒരു വിക്കറ്റ് കൂടി വേണം. 15 വിക്കറ്റുമായി നിലവിൽ അനിൽ കുംബ്ലെയ്‌ക്കൊപ്പമാണ്. മെൽബണിൽ നടക്കുന്ന ബോക്സിംഗ് ഡേ ടെസ്റ്റിൽ ബുംറ ഇന്ത്യയുടെ വിജയത്തിൽ നിർണായകമാകും. മുഹമ്മദ് സിറാജും ആകാശ് ദീപും ഉൾപ്പെടെയുള്ള സഹ പേസർമാരിൽ നിന്ന് മികച്ച പിന്തുണ ബുംറ പ്രതീക്ഷിക്കുന്നു.