2025 ഐപിഎൽ ഫൈനലിന് ആർസിബി യോഗ്യത നേടി: 9 വർഷത്തെ നീണ്ട കാത്തിരിപ്പിന് ശേഷം റോയൽ ചലഞ്ചേഴ്‌സ് ബാംഗ്ലൂരിന് ഫൈനലിലേക്കുള്ള ടിക്കറ്റ് ലഭിച്ചു. 2025 ലെ ഐപിഎൽ ആദ്യ ക്വാളിഫയറിൽ ആർസിബി പഞ്ചാബ് കിംഗ്സിനെ 8 വിക്കറ്റിന് പരാജയപ്പെടുത്തി നാലാം തവണയും ഇന്ത്യൻ പ്രീമിയർ ഫൈനലിലെത്തി.
വിജയലക്ഷ്യം 102 റൺസ് പിന്തുടർന്ന ബെംഗളൂരു, ഫിൽ സാൾട്ടിന്റെ അർദ്ധസെഞ്ച്വറിയോടെ 10 ഓവറിൽ ലക്ഷ്യം പൂർത്തിയാക്കി.2016 ൽ വിരാട് കോഹ്‌ലിയുടെ നേതൃത്വത്തിലാണ് ആർസിബി അവസാനമായി ഫൈനലിൽ എത്തിയത്. ഇത് നാലാം തവണയാണ് ആർസിബി ഐപിഎൽ ഫൈനലിൽ എത്തുന്നത്. കഴിഞ്ഞ 17 സീസണുകളായി ഈ ടീമും അതിന്റെ കടുത്ത ആരാധകരും കാത്തിരിക്കുന്ന ട്രോഫിക്കായി കളിക്കാർ മുതൽ ആരാധകർ വരെ ഇപ്പോൾ കാത്തിരിക്കുകയാണ്.
𝐑𝐚𝐣𝐚𝐭 𝐏𝐚𝐭𝐢𝐝𝐚𝐫 & 𝐜𝐨. 𝐚𝐫𝐞 𝐭𝐡𝐞 𝐟𝐢𝐫𝐬𝐭 𝐭𝐨 𝐛𝐨𝐨𝐤 𝐭𝐡𝐞𝐢𝐫 𝐬𝐩𝐨𝐭 𝐢𝐧 𝐭𝐡𝐞 𝐈𝐏𝐋 𝟐𝟎𝟐𝟓 𝐅𝐢𝐧𝐚𝐥! 🏆🎟️🛫
— Sportskeeda (@Sportskeeda) May 29, 2025
Leading the side for the first time, Patidar is now just one step away from IPL glory ❤️🤞
Can RCB give their best one last time in… pic.twitter.com/Dxfav81f3N
ആദ്യം ബാറ്റുചെയ്ത പഞ്ചാബിനെ 14.1 ഓവറില്‍ 101 റണ്‍സിന് ഓള്‍ഔട്ടാക്കാന്‍ ബെംഗളൂരുവിന് സാധിച്ചു. 17 പന്തില്‍ 26 റണ്‍സെടുത്ത മാര്‍കസ് സ്റ്റോയിനിസാണ് പഞ്ചാബിന്റെ ടോപ് സ്‌കോറര്‍.പഞ്ചാബിനെതിരെ മികച്ച ബോളിങ് പ്രകടനമാണ് ആര്‍സിബി കാഴ്ചവെച്ചത്. മൂന്ന് വിക്കറ്റ് വീതം വീഴ്ത്തിയ ജോഷ് ഹേസല്‍വുഡും സുയാഷ് ശര്‍മയുമാണ് പഞ്ചാബിനെ എറിഞ്ഞൊതുക്കിയത്. യഷ് ദയാല്‍ രണ്ട് വിക്കറ്റ് വീഴ്ത്തിയപ്പോള്‍ ഭുവനേശ്വര്‍ കുമാറും റൊമാരിയോ ഷെഫേര്‍ഡും ഓരോ വിക്കറ്റും സ്വന്തമാക്കി. പവര്‍ പ്ലേയില്‍ തന്നെ പഞ്ചാബിന്റെ നാല് വിക്കറ്റുകള്‍ വീഴ്ത്താന്‍ ആര്‍സിബി ബോളര്‍മാര്‍ക്ക് സാധിച്ചു. സ്റ്റോയിനിസ് (26) മാത്രമാണ് അല്‍പ്പമെങ്കിലും ചെറുത്തുനിന്നത്.
സ്റ്റോയ്നിസിനെ കൂടാതെ 18 റണ്‍സ് വീതമെടുത്ത ഓപണര്‍ പ്രഭ്സിമ്രാന്‍ സിംഗും അസ്മത്തുള്ള ഒമര്‍സായിയും മാത്രമാണ് പഞ്ചാബ് നിരയില്‍ രണ്ടക്കം കടന്ന താരങ്ങള്‍.ശ്രേയസ് അയ്യർ (2), ജോഷ് ഇംഗ്ലിസ് (4), ഒമർസായ് (18) എന്നിവരെ ഹേസിൽവുഡ് പുറത്താക്കി. സുയാഷിന് മുന്നിൽ സ്റ്റോയിനിസ് (26), ശശാങ്ക് സിംഗ് (3), മുഷീർ ഖാൻ (0) എന്നിവരെ അതിജീവിക്കാൻ കഴിഞ്ഞില്ല. പ്രിയാൻഷ് ആര്യ (7), നെഹാൽ വധേര (8) എന്നിവരെ യാഷ് ദയാൽ പുറത്താക്കി. ഭുവനേശ്വർ കുമാറിന്റെയും റൊമാരിയോ ഷെപ്പേഡിന്റെയും ഇരകളായി യഥാക്രമം പ്രഭ്‌സിമ്രാൻ (18), ഹർപ്രീത് ബ്രാർ (4) എന്നിവർ മാറി.