ഐപിഎൽ 2024 സീസണിലെ ഒമ്പതാം നമ്പർ മത്സരത്തിൽ തൻ്റെ കരിയറിലെ ഏറ്റവും മികച്ച ടി20 സ്കോർ നേടിയ റിയാൻ പരാഗിന്റെ മിന്നുന്ന പ്രകടനത്തിന്റെ പിൻബലത്തിലാണ് രാജസ്ഥാൻ റോയൽസ് ഡൽഹി ക്യാപിറ്റൽസിനെതിരെ വിജയം നേടിയത്.ഏഴ് ബൗണ്ടറികളും ആറ് സിക്‌സറുകളും സഹിതം വെറും 45 പന്തിൽ നിന്ന് പുറത്താകാതെ 84 റൺസ് പരാഗ് അടിച്ചുകൂട്ടി. യുവ താരം ‘പ്ലയർ ഓഫ് ദ മാച്ച്’ ആയി തിരഞ്ഞെടുക്കപ്പെട്ടു.
പരാഗിൻ്റെ ടി20 കരിയറിലെ 100-ാമത്തെ മത്സരമായിരുന്നു, കൂടാതെ അദ്ദേഹം ഋഷഭ് പന്ത്, രാജസ്ഥാൻ റോയൽസ് സഹതാരം സഞ്ജു സാംസൺ, വാഷിംഗ്ടൺ സുന്ദർ, ഇഷാൻ കിഷൻ എന്നിവരെ മറികടന്ന് പുതിയ റെക്കോർഡ് സ്വന്തമാക്കി.100 ടി20 മത്സരങ്ങൾ കളിക്കുന്ന ഏറ്റവും പ്രായം കുറഞ്ഞ ഇന്ത്യൻ താരമായി റിയാൻ പരാഗ് മാറി.22 വയസും 139 ദിവസവും പ്രായമുള്ളപ്പോഴാണ് റിയാന്‍ പരാഗ് കരിയറില്‍ 100 ടി20 മത്സരങ്ങള്‍ തികച്ചത്.റിയാൻ പരാഗ് തൻ്റെ പ്രൊഫഷണൽ കരിയറിലെ 100-ാം ടി20 ആഘോഷിച്ചത് ഡൽഹി ക്യാപിറ്റൽസിനെ തൻ്റെ കരിയറിലെ ഏറ്റവും മികച്ച സ്‌കോറിലൂടെയാണ്.
രാജസ്ഥാന്‍ റോയല്‍സ് ക്യാപ്റ്റന്‍ സഞ്ജു സാംസണിന്‍റെ പേരിലായിരുന്നു നേരത്തെ പ്രസ്‌തുത റെക്കോഡുണ്ടായിരുന്നത്. 22 വര്‍ഷവും 157 ദിവസവും പ്രായമുള്ളപ്പോഴായിരുന്നു സഞ്ജു കരിയറില്‍ 100 ടി20 മത്സരങ്ങള്‍ തികച്ചത്. വാഷിങ്‌ടണ്‍ സുന്ദര്‍ (22 വര്‍ഷവും 181 ദിവസവും പ്രായം), ഇഷാന്‍ കിഷന്‍ (22 വര്‍ഷവും 273 ദിവസവും പ്രായം), റിഷഭ്‌ പന്ത് (22 വര്‍ഷവും 361 ദിവസവും പ്രായം) എന്നിവരാണ് പിന്നിലുള്ളത്.2017 ജനുവരിയിൽ 16 വയസ്സുള്ളപ്പോൾ ജാർഖണ്ഡിനെതിരായ മത്സരത്തിലൂടെയാണ് റിയാൻ പരാഗ് തൻ്റെ ടി20 അരങ്ങേറ്റം കുറിച്ചത്. ഇതുവരെയുള്ള 100 മത്സരങ്ങളിൽ നിന്ന് 31.44 ശരാശരിയിൽ 2,170 റൺസ് നേടിയ താരം തൻ്റെ ലെഗ് ബ്രേക്കിലൂടെ 41 വിക്കറ്റുകൾ വീഴ്ത്തി.ടൂർണമെൻ്റിൻ്റെ 2019 പതിപ്പിൽ അരങ്ങേറ്റം കുറിച്ചതു മുതൽ ഐപിഎല്ലിൽ രാജസ്ഥാൻ റോയൽസിനായി തൻ്റെ 100 മത്സരങ്ങളിൽ 56ലും റിയാൻ പരാഗ് കളിച്ചിട്ടുണ്ട്.
Youngest Indian to play 100 T20 matches:
— Kausthub Gudipati (@kaustats) March 28, 2024
22y 139d – RIYAN PARAG (100th match today)
22y 157d – Sanju Samson
22y 181d – Washington Sundar
22y 273d – Ishan Kishan
22y 361d – Rishabh Pant#IPL2024 #RRvsDC pic.twitter.com/9Bumi3Wsay
100 ടി20 മത്സരങ്ങളിൽ പങ്കെടുക്കുന്ന ഏറ്റവും പ്രായം കുറഞ്ഞ അഞ്ച് ഇന്ത്യൻ താരങ്ങൾ : –
റിയാൻ പരാഗ് – 22 വർഷവും 139 ദിവസവും
സഞ്ജു സാംസൺ – 22 വർഷവും 157 ദിവസവും
വാഷിംഗ്ടൺ സുന്ദർ – 22 വർഷവും 181 ദിവസവും
ഇഷാൻ കിഷൻ – 22 വർഷവും 273 ദിവസവും
ഋഷഭ് പന്ത് – 22 വർഷവും 361 ദിവസവും