2017 ലെ ചാമ്പ്യൻസ് ട്രോഫി ഫൈനലിൽ പാകിസ്ഥാനെതിരായ വെറും മൂന്ന് പന്തുകൾ മാത്രം നേരിട്ട രോഹിത് ശർമ്മ റൺസൊന്നും നേടാതെയാണ് പുറത്തായത്.എട്ട് വർഷങ്ങൾക്ക് ശേഷം ദുബായിൽ ന്യൂസിലൻഡിനെതിരായ 2025 ചാമ്പ്യൻസ് ട്രോഫി ഫൈനലിൽ അർദ്ധസെഞ്ച്വറി നേടി ഇന്ത്യൻ ക്യാപ്റ്റൻ രോഹിത് ശർമ്മ തന്റെ തെറ്റിന് പരിഹാരം കണ്ടു.
ന്യൂസിലാൻഡിനെതിരായ 253 റൺസ് വിജയലക്ഷ്യം ഇന്ത്യ പിന്തുടർന്നപ്പോൾ 37 കാരനായ രോഹിത് വെറും 41 പന്തിൽ അർദ്ധസെഞ്ച്വറി തികച്ചു.18 വർഷത്തിനിടെ എല്ലാ ഫോർമാറ്റുകളിലുമായി 9-ാമത്തെ ഐസിസി ടൂർണമെന്റ് ഫൈനലിൽ കളിച്ച രോഹിത് ആദ്യമായി അർദ്ധസെഞ്ച്വറി തികച്ചു, 2023-ൽ അഹമ്മദാബാദിൽ ഓസ്‌ട്രേലിയയ്‌ക്കെതിരായ ഏകദിന ലോകകപ്പ് ഫൈനലിൽ ഓസ്‌ട്രേലിയയ്‌ക്കെതിരെ 31 പന്തിൽ 47 റൺസ് നേടിയതായിരുന്നു രോഹിത്തിന്റെ ഉയർന്ന സ്കോർ .അടുത്തിടെ ഏകദിനത്തിൽ 11,000 റൺസ് തികയ്ക്കുകയും കഴിഞ്ഞ മാസം ഇംഗ്ലണ്ടിനെതിരെ തന്റെ 32-ാം ഏകദിന സെഞ്ച്വറി നേടുകയും ചെയ്ത രോഹിത്, ടൂർണമെന്റിൽ കഴിഞ്ഞ നാല് മത്സരങ്ങളിലും മികച്ച പ്രകടനം കാഴ്ചവച്ചിട്ടുണ്ട്.
തുടക്കം മുതൽ തന്നെ ലീഗ് ഘട്ടത്തിലും ഓസ്‌ട്രേലിയയ്‌ക്കെതിരായ സെമിഫൈനലിലും രോഹിത് 41, 20, 15, 28 എന്നിങ്ങനെയാണ് സ്കോറുകൾ നേടിയത്.2007-ൽ ദക്ഷിണാഫ്രിക്കയിൽ നടന്ന ടി20 ലോകകപ്പിനിടെ നടന്ന തന്റെ അരങ്ങേറ്റ അന്താരാഷ്ട്ര സീസണിലായിരുന്നു രോഹിത്തിന്റെ ആദ്യ ഐസിസി ഫൈനൽ മത്സരം. പാകിസ്ഥാനെതിരെ ഇന്ത്യ 5 റൺസിന് വിജയിച്ച മത്സരത്തിൽ മുംബൈക്കാരൻ പുറത്താകാതെ 30 റൺസ് നേടി.
ടോസ് നേടി ആദ്യം ബാറ്റിങിനു ഇറങ്ങിയ ന്യൂസിലന്‍ഡ് നിശ്ചിത ഓവറില്‍ 7 വിക്കറ്റ് നഷ്ടത്തില്‍ 251 റണ്‍സെടുത്തു. മിച്ചല്‍ ബ്രെയ്‌സ്‌വെല്ലിന്റെ അതിവേഗ അര്‍ധ സെഞ്ച്വറിയാണ് കിവി സ്‌കോര്‍ 250 കടത്തിയത്. താരം 40 പന്തില്‍ 3 ഫോറും 2 സിക്‌സും സഹിതം 53 റണ്‍സുമായി പുറത്താകാതെ നിന്നു.
രോഹിത് ശർമ്മ ഐസിസി ടൂർണമെന്റ് ഫൈനലിൽ : –
30* v പാകിസ്ഥാൻ – ടി20 ലോകകപ്പ് 2007
9 v ഇംഗ്ലണ്ട് – ചാമ്പ്യൻസ് ട്രോഫി 2013
29 v ശ്രീലങ്ക – ടി20 ലോകകപ്പ് 2014
0 v പാകിസ്ഥാൻ – ചാമ്പ്യൻസ് ട്രോഫി 2017
34 & 30 v ന്യൂസിലൻഡ് – ലോക ടെസ്റ്റ് ചാമ്പ്യൻഷിപ്പ് 2021
15 & 43 v ഓസ്ട്രേലിയ ലോക ടെസ്റ്റ് ചാമ്പ്യൻഷിപ്പ് 2023
47 v ഓസ്ട്രേലിയ – ലോകകപ്പ് 2023
9 v ദക്ഷിണാഫ്രിക്ക – ടി20 ലോകകപ്പ് 2024
50* (ബാറ്റിംഗ്) – ന്യൂസിലൻഡ് – – ചാമ്പ്യൻസ് ട്രോഫി 2017