ലാഹോറിൽ ഇംഗ്ലണ്ടിനെതിരെ എട്ട് റൺസിന്റെ ആവേശകരമായ വിജയത്തോടെ ചാമ്പ്യൻസ് ട്രോഫിയുടെ സെമിഫൈനലിലെത്താനുള്ള തങ്ങളുടെ പ്രതീക്ഷകൾ അഫ്ഗാനിസ്ഥാൻ നിലനിർത്തി, ബാറ്റിംഗ് ഇതിഹാസം സച്ചിൻ ടെണ്ടുൽക്കർ ഉൾപ്പെടെ ഓൺലൈനിൽ അഭിനന്ദന സന്ദേശങ്ങളുടെ ഒരു കടലിൽ ഈ വലിയ വിജയത്തിന്റെ ആഹ്ലാദം പ്രകടമായി.146 പന്തിൽ നിന്ന് 177 റൺസ് നേടിയ ഓപ്പണർ ഇബ്രാഹിം സദ്രാന്റെ മികച്ച ഇന്നിംഗ്‌സിന്റെ ഫലമായി ആദ്യം ബാറ്റ് ചെയ്ത അഫ്ഗാനിസ്ഥാൻ 7 വിക്കറ്റ് നഷ്ടത്തിൽ 325 റൺസ് നേടി. സദ്രാന്റെ ബാറ്റിംഗ് വീര്യത്തിന് പിന്നാലെ 58 റൺസ് വഴങ്ങി അഞ്ച് വിക്കറ്റ് വീഴ്ത്തിയ അസ്മത്തുള്ള ഒമർസായിയുടെ മികച്ച ബൗളിംഗ് പ്രകടനവും ഇംഗ്ലണ്ടിനെ 317 റൺസിന് ഓൾ ഔട്ടാക്കി.
സമീപ വർഷങ്ങളിൽ, അഫ്ഗാനിസ്ഥാൻ അവരുടെ കഴിവുകൾ കാരണം ഐസിസി ടൂർണമെന്റുകളിൽ മികച്ച പ്രകടനം കാഴ്ചവയ്ക്കുന്നു. 2023 ലോകകപ്പിലും 2024 ടി20 ലോകകപ്പിലും മികച്ച പ്രകടനം കാഴ്ചവെച്ച ടീം, ഇംഗ്ലണ്ട്, ഓസ്‌ട്രേലിയ, പാകിസ്ഥാൻ, ന്യൂസിലൻഡ് തുടങ്ങിയ ശക്തരായ ടീമുകളെ മികച്ച പ്രകടനത്തോടെ പരാജയപ്പെടുത്തി.കഴിഞ്ഞ മൂന്ന് ഐസിസി ടൂർണമെന്റുകളിൽ ഏറ്റവും കൂടുതൽ വിജയങ്ങൾ നേടിയ ടീമും ഇന്ത്യയാണ്, 21 മത്സരങ്ങളിൽ നിന്ന് 20 വിജയങ്ങൾ.16 വിജയങ്ങളുമായി ദക്ഷിണാഫ്രിക്കയും 15 വിജയങ്ങളുമായി ഓസ്ട്രേലിയയും രണ്ടും മൂന്നും സ്ഥാനങ്ങളിലാണ്. 10 വിജയങ്ങളുമായി അഫ്ഗാനിസ്ഥാൻ നാലാം സ്ഥാനത്താണ്. ന്യൂസിലാൻഡ്, ഇംഗ്ലണ്ട്, പാകിസ്ഥാൻ എന്നിവർ യഥാക്രമം 9, 7, 6 വിജയങ്ങളുമായി 5, 6, 7 സ്ഥാനങ്ങളിലാണ്.
Team India dominates the charts with the most wins (20) in the last three ICC tournaments! 🇮🇳🔥
— Sportskeeda (@Sportskeeda) February 27, 2025
Afghanistan surprises the cricketing world with 10 wins, ranking above several big teams! 🇦🇫💪#India #Afghanistan #ICC #ODIs #T20Is #Sportskeeda pic.twitter.com/EtUKiMKHTe
ഈ വിജയം അഫ്ഗാനിസ്ഥാന്റെ സെമി ഫൈനൽ മോഹങ്ങളെ നിലനിർത്തി, ഓസ്‌ട്രേലിയയ്ക്കും ദക്ഷിണാഫ്രിക്കയ്ക്കും മൂന്ന് പോയിന്റുകൾ വീതമുള്ള ടീമുകൾക്ക് പിന്നിൽ രണ്ട് പോയിന്റുകൾ നേടി. തുടർച്ചയായ രണ്ട് തോൽവികൾക്കും ഏകദിനത്തിൽ തുടർച്ചയായ ആറാം തോൽവികൾക്കും ശേഷം ഇംഗ്ലണ്ട് പുറത്തായി.അഫ്ഗാനിസ്ഥാൻ ടീമിനെ അഭിനന്ദിച്ചുകൊണ്ട്, അന്താരാഷ്ട്ര ക്രിക്കറ്റിലെ അവരുടെ വിജയങ്ങളെ ഇനി അട്ടിമറികൾ എന്ന് വിളിക്കരുതെന്ന് സച്ചിൻ പറഞ്ഞു.
Afghanistan’s steady and consistent rise in international cricket has been inspiring! You can’t term their wins as upsets anymore, they’ve made this a habit now.
— Sachin Tendulkar (@sachin_rt) February 26, 2025
A superb century by @IZadran18 and wonderful five-for by @AzmatOmarzay, sealed another memorable win for Afghanistan.… pic.twitter.com/J1MVULDtKC
“അന്താരാഷ്ട്ര ക്രിക്കറ്റിൽ അഫ്ഗാൻ ടീമിന്റെ സ്ഥിരവും നിരന്തരവുമായ ഉയർച്ച കാണുന്നത് പ്രചോദനം നൽകുന്നതാണ്. അവരുടെ വിജയങ്ങളെ ഇനി നിങ്ങൾക്ക് ഒരു അട്ടിമറിയായി വിശേഷിപ്പിക്കാൻ കഴിയില്ല. കാരണം അവർ ഇപ്പോൾ വിജയത്തെ വിനോദമാക്കി മാറ്റിയിരിക്കുന്നു. ഇബ്രാഹിം തകർപ്പൻ സെഞ്ച്വറി നേടി. അഫ്ഗാനിസ്ഥാന് അവിസ്മരണീയ വിജയം സമ്മാനിച്ച ഒമർ സായിയുടെ അഞ്ച് വിക്കറ്റ് വിക്കറ്റ് നേട്ടവും അഫ്ഗാനിസ്ഥാന് മറ്റൊരു അവിസ്മരണീയ വിജയം നേടിക്കൊടുത്തു. നന്നായി കളിച്ചു” സച്ചിൻ പറഞ്ഞു.
അഫ്ഗാനിസ്ഥാന് സെമിഫൈനലിന് യോഗ്യത നേടണമെങ്കിൽ ഓസ്ട്രേലിയയെ തോൽപ്പിക്കേണ്ടതുണ്ട്.ആ മത്സരം അഫ്ഗാൻ ജയിച്ചാൽ, ശനിയാഴ്ച ഇംഗ്ലണ്ടും ദക്ഷിണാഫ്രിക്കയും തമ്മിലുള്ള അവസാന ഗ്രൂപ്പ് ബി മത്സരത്തിൽ ഫലത്തിനായി കാത്തിരിക്കുമ്പോൾ ഓസ്‌ട്രേലിയക്കാർക്ക് അത് ബുദ്ധിമുട്ടായിരിക്കും.ഗ്രൂപ്പ് എയിൽ നിന്ന് ഇന്ത്യയും ന്യൂസിലൻഡും ഇതിനകം സെമിഫൈനലിന് യോഗ്യത നേടിയിട്ടുണ്ട്.