ഐപിഎൽ ചരിത്രത്തിലെ ഏറ്റവും മികച്ച ടീമുകളിലൊന്നാണ് രാജസ്ഥാൻ റോയൽസ് . ലീഗിലെ ആദ്യ സീസണിലെ ജേതാക്കളായിരുന്നു അവർ.മറ്റൊരു ഐപിഎൽ കിരീടം നേടാനുള്ള കാത്തിരിപ്പിലാണ് അവർ. സഞ്ജു സാംസണിൻ്റെ നേതൃത്വത്തിൽ രാജസ്ഥാൻ റോയൽസ് കഴിഞ്ഞ കുറച്ച് വർഷങ്ങളായി മികച്ച പ്രകടനമാണ് നടത്തിയത്. ഐപിഎൽ 2022 ലെ ഫൈനലിൽ പങ്കെടുക്കുന്നതിനൊപ്പം സാംസണിൻ്റെ ക്യാപ്റ്റൻസിയിൽ മൂന്ന് തവണ പ്ലേ ഓഫിൽ എത്താൻ അവർക്ക് കഴിഞ്ഞു.
സ്റ്റാർ പേസർ സന്ദീപിനെ വരാനിരിക്കുന്ന ഇന്ത്യൻ പ്രീമിയർ ലീഗിനായി 4 കോടിക്ക് രാജസ്ഥാൻ റോയൽസ് നിലനിർത്തി.ആ സാധാരണ ഫാസ്റ്റ് ബൗളറുടെ ഉയരം ഇല്ലെങ്കിലും, അദ്ദേഹം ഐപിഎല്ലിൽ ഒരുപാട് മികച്ച പ്രകടനം പുറത്തെടുത്തിട്ടുണ്ട്.രാജസ്ഥാൻ റോയൽസിനായി കളിക്കുന്നതിന് മുമ്പ് പഞ്ചാബ് കിംഗ്സ്, സൺറൈസേഴ്സ് ഹൈദരാബാദ് തുടങ്ങിയ ടീമുകൾക്ക് വേണ്ടി കളിച്ചിട്ടുണ്ട്. ZEE NEWS-ന് നൽകിയ പ്രത്യേക സംഭാഷണത്തിൽ, സന്ദീപ് ശർമ്മ സഞ്ജു സാംസണെ പ്രശംസിച്ചു.
“ക്യാപ്റ്റനെന്ന നിലയിൽ സഞ്ജു സാംസൺ വളരെ മികച്ചതാണ്. 12 വർഷമായി ഞാൻ ഇന്ത്യൻ പ്രീമിയർ ലീഗിൽ കളിക്കുന്നു, സഞ്ജു സാംസണെപ്പോലെ ഒരു ക്യാപ്റ്റനെ ഞാൻ കണ്ടിട്ടില്ല.ഒരുപാട് ക്യാപ്റ്റൻമാരുടെ കീഴിൽ കളിച്ചിട്ടുണ്ടെങ്കിലും സഞ്ജുവാണ് മികച്ചത്. സഞ്ജുവിൻ്റെ ഏറ്റവും മികച്ച കാര്യം, സമ്മർദം ഉണ്ടാകുമ്പോഴെല്ലാം അത് ബൗളർമാർക്കോ ബാറ്റർമാർക്കോ കൈമാറില്ല എന്നതാണ്. അതെല്ലാം അദ്ദേഹം ഒറ്റക്ക് നേരിടുന്നു.മിക്ക ക്യാപ്റ്റന്മാരും അവരുടെ സമ്മർദ്ദം ബൗളർമാർക്കോ ബാറ്റർമാർക്കോ കൈമാറുന്നു, പക്ഷേ സഞ്ജു ഒരിക്കലും അത് ചെയ്യുന്നില്ല.കൂടാതെ സഞ്ജുവിന്റെ മാൻ മാനേജ്‌മന്റ് വളരെ മികച്ചതാണ്.സീനിയേഴ്‌സ് ആയാലും ജൂനിയേഴ്‌സ് ആയാലും അവൻ എല്ലാവരോടും കൂൾ ആണ്”, സന്ദീപ് പറഞ്ഞു.
“ഞാൻ ഐപിഎൽ 2023 ൽ വിൽക്കപ്പെടാതെ പോയപ്പോൾ, രാജസ്ഥാൻ റോയൽസിൻ്റെ ടീമിൽ കുറച്ച് പരിക്കുകൾ ഉള്ളതിനാൽ കളിക്കാമോ എന്ന് ചോദിച്ച് സഞ്ജു സാംസണിൽ നിന്ന് എനിക്ക് ഒരു കോൾ വന്നു.ഒരവസരം കിട്ടിയാൽ ഞാൻ നല്ലത് ചെയ്യുമെന്ന് ഉറപ്പുണ്ടെന്നും സഞ്ജു പറഞ്ഞു. അവൻ എന്നിൽ വളരെയധികം വിശ്വാസം പ്രകടിപ്പിച്ചു. എൻ്റെ പരിശീലനം തുടരണമെന്നും സഞ്ജു വ്യക്തമാക്കി. സഞ്ജു സാംസണുമായി ഞാൻ വളരെ നല്ല സംഭാഷണം നടത്തി. കുറച്ച് സമയത്തിന് ശേഷം, പേസർ പ്രസിദ് കൃഷ്ണയ്ക്ക് പരിക്കേറ്റതിനാൽ എന്നോട് രാജസ്ഥാൻ റോയൽസിൻ്റെ ക്യാമ്പിൽ ചേരാൻ ആവശ്യപ്പെട്ടു. അങ്ങനെയാണ് രാജസ്ഥാൻ റോയൽസിലൂടെ എൻ്റെ യാത്ര തുടങ്ങിയത്,” സന്ദീപ് കൂട്ടിച്ചേർത്തു.