ഇന്ത്യൻ പ്രീമിയർ ലീഗിൻ്റെ ഒരു സീസണിൽ ആദ്യമായി സഞ്ജു സാംസൺ 500 റൺസ് തികച്ചിരിക്കുകയാണ്.പഞ്ചാബ് കിങ്സിനെതിരായ മത്സരത്തിലാണ് രാജസ്ഥാൻ നായകൻ കരിയറിലെ ഏറ്റവുമുയർന്ന വ്യക്തിഗത സ്കോർ സ്വന്തമാക്കിയത്.2021ലെ ഐപിഎൽ 4 സീസണിൽ നേടിയ 484 റണ്‍സിന്‍റെ സ്വന്തം റെക്കോർഡ് ചെന്നൈയ്ക്കെതിരായ മത്സരത്തിൽ സഞ്ജു മറികടന്നിരുന്നു.
ഇന്ന് 15 പന്ത് നേരിട്ട സഞ്ജുവിന് 18 റൺസ് മാത്രമെ നേടാനായുള്ളൂ. നഥാൻ എല്ലിസിന്റെ പന്തിൽ രാഹുൽ ചഹാറാണ് സഞ്ജുവിനെ ക്യാച്ചെടുത്ത് പുറത്താക്കിയത്.2013-ൽ ഐപിഎൽ അരങ്ങേറ്റം കുറിച്ച സാംസൺ ഒരു എഡിഷനിൽ 35-ലധികം ശരാശരി നേടിയത് രണ്ടുതവണ മാത്രമാണ് – 2021ലും (40.33), 2024ലും (56).രാജസ്ഥാൻ റോയൽസ് നായകന് ഐപിഎൽ 2024-ൽ അഞ്ച് 50-ലധികം സ്‌കോറുകൾ ഉണ്ട്.ഐപിഎൽ 2024ൽ സൺറൈസേഴ്‌സ് ഹൈദരാബാദിനെതിരെ ഡക്കിന് പുറത്തായ അദ്ദേഹത്തിന് ഒറ്റ അക്ക സ്കോർ മാത്രമേയുള്ളൂ.
13 ഇന്നിംഗ്‌സുകളിൽ നിന്ന് 156.5 സ്‌ട്രൈക്ക് റേറ്റിൽ 504 റൺസാണ് സാംസൺ നേടിയത്. രാജസ്ഥാൻ ഇതിനകം പ്ലേ ഓഫിലേക്ക് യോഗ്യത നേടിയിട്ടുണ്ട്.2024-ൽ വെസ്റ്റ് ഇൻഡീസിലും യുഎസ്എയിലും നടക്കുന്ന ടി20 ലോകകപ്പിനുള്ള ഇന്ത്യൻ ടീമിലും വിക്കറ്റ് കീപ്പർ-ബാറ്റർ ഭാഗമാണ്.നായകനെന്ന നിലയിൽ മറ്റൊരു സുവർണ നേട്ടം കൂടി സഞ്ജു സാംസണെ തേടിയെത്തി.
ഷെയ്ൻ വോൺ മുതൽ രാഹുൽ ദ്രാവിഡ് വരെ നിരവധി പ്രമുഖർ നയിച്ച രാജസ്ഥാൻ റോയൽസിന്റെ ക്യാപ്റ്റനെന്ന നിലയിൽ ഏറ്റവും കൂടുതൽ മത്സരങ്ങളിൽ ഈ ഫ്രാഞ്ചൈസിയെ നയിച്ച ക്യാപ്ടനെന്ന ബഹുമതിയാണ് സഞ്ജുവിനെ തേടിയെത്തിയത്.