തോൽവിക്ക് പിന്നാലെ സഞ്ജു സാംസണിനെതിരെ നടപടിയെടുത്ത് ബിസിസിഐ,കനത്ത പിഴ ചുമത്തി | Sanju Samson

ബുധനാഴ്ച സഞ്ജു സാംസണിന് മോശം ദിവസമായിരുന്നു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ഗുജറാത്ത് ടൈറ്റൻസിനെതിരെ അദ്ദേഹത്തിന്റെ ടീമായ രാജസ്ഥാൻ റോയൽസ് 58 റൺസിന് പരാജയപ്പെട്ടു, ഈ സീസണിൽ ഇത് മൂന്നാം തോൽവിയായിരുന്നു, മാത്രമല്ല, ഐപിഎൽ പെരുമാറ്റച്ചട്ടം ലംഘിച്ചതിന് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) സാംസണിന് പിഴ ചുമത്തുകയും ചെയ്തു.

രാജസ്ഥാൻ റോയൽസിനെതിരായ മത്സരത്തിൽ ടീം സ്ലോ ഓവർ റേറ്റ് നിലനിർത്തിയതിന് രാജസ്ഥാൻ റോയൽസ് ക്യാപ്റ്റൻ സാംസണിന് പിഴ ചുമത്തി. ഐപിഎൽ പെരുമാറ്റച്ചട്ടത്തിലെ ആർട്ടിക്കിൾ 2.22 പ്രകാരം, കുറഞ്ഞ ഓവർ റേറ്റ് കുറ്റകൃത്യവുമായി ബന്ധപ്പെട്ടതാണ് ഇത്. കഴിഞ്ഞ മാസം ഗുവാഹത്തിയിലെ ബർസപാര സ്റ്റേഡിയത്തിൽ ചെന്നൈ സൂപ്പർ കിംഗ്സിനെതിരായ മത്സരത്തിലും ഇതേ കുറ്റത്തിന് രാജസ്ഥാന് നേരത്തെ പിഴ ചുമത്തിയിരുന്നു. പരിക്കേറ്റ സാംസണിന് പകരം പ്രവർത്തിക്കുന്ന സ്റ്റാൻഡ്-ഇൻ ക്യാപ്റ്റൻ റിയാൻ പരാഗിന് 12 ലക്ഷം രൂപ പിഴ ചുമത്തി.

ബിസിസിഐ സാംസണിന് 24 ലക്ഷം രൂപ പിഴ ചുമത്തി. “ഇംപാക്ട് പ്ലെയർ ഉൾപ്പെടെ പ്ലെയിംഗ് ഇലവനിലെ ബാക്കിയുള്ള അംഗങ്ങൾക്ക് ആറ് ലക്ഷം രൂപയോ അല്ലെങ്കിൽ അവരുടെ മാച്ച് ഫീസിന്റെ 25 ശതമാനമോ, ഏതാണോ കുറവ് അത് പിഴയായി ചുമത്തും.ഈ സീസണിൽ മുഴുവൻ സമയ ആർആർ ക്യാപ്റ്റനെന്ന നിലയിൽ സാംസണിന്റെ രണ്ടാമത്തെ മത്സരം മാത്രമായിരുന്നു അഹമ്മദാബാദ് മത്സരം. ആദ്യ മൂന്ന് മത്സരങ്ങളിൽ ബാറ്റ്‌സ്മാനായി മാത്രം കളിച്ച സാംസൺ, റിയാൻ പരാഗ് ടീമിനെ നയിച്ചു.

സായ് സുദർശന്റെ അർദ്ധ സെഞ്ച്വറിയും അച്ചടക്കമുള്ള ബൗളിംഗും രാജസ്ഥാൻ റോയൽസിനെതിരെ ഗുജറാത്ത് ടൈറ്റൻസിനെ 58 റൺസിന്റെ വിജയത്തിലേക്ക് നയിച്ചു. സുദർശൻ 53 പന്തിൽ 82 റൺസ് നേടി മിന്നുന്ന പ്രകടനം കാഴ്ചവച്ചു, ജോസ് ബട്‌ലർ (36), ഷാരൂഖ് ഖാൻ (36), രാഹുൽ തെവാട്ടിയ (24) എന്നിവരുടെ വെടിക്കെട്ട് പ്രകടനമാണ് ജിടിയെ 217/6 എന്ന മികച്ച സ്കോറിലേക്ക് നയിച്ചത്.ഷിമ്രോൺ ഹെറ്റ്മെയർ (52), ക്യാപ്റ്റൻ സഞ്ജു സാംസൺ (41) എന്നിവർക്ക് മാത്രമേ രാജസ്ഥാൻ നിരയിൽ മികവ് പുലർത്താൻ സാധിച്ചത്.ഗുജറാത്ത് ബൗളർമാർ അച്ചടക്കത്തോടെ പന്തെറിഞ്ഞപ്പോൾ ഒടുവിൽ 19.1 ഓവറിൽ 159 റൺസിന് സന്ദർശകർ പുറത്തായി.ആദ്യ അഞ്ച് മത്സരങ്ങളിൽ വെറും 2 വിജയങ്ങളും 3 തോൽവികളും മാത്രമുള്ള റോയൽസ് നിലവിൽ പോയിന്റ് പട്ടികയിൽ 7-ാം സ്ഥാനത്താണ്.