മുംബൈയിലെ വാങ്കഡെ സ്റ്റേഡിയത്തിൽ ഇംഗ്ലണ്ടിനെതിരായ അഞ്ചാമത്തെയും അവസാനത്തെയും ടി20 മത്സരത്തിനിടെ ജോഫ്ര ആർച്ചറുടെ പന്തിൽ കൈകൊണ്ട് മുട്ടിയതിനെ തുടർന്ന് ഇന്ത്യൻ വിക്കറ്റ് കീപ്പർ ബാറ്റ്സ്മാൻ സഞ്ജു സാംസണിന് പരിക്കേറ്റിരുന്നു.ഇതേ തുടർന്ന് ആറ് ആഴ്ച സഞ്ജുവിന് കളിക്കളത്തിൽ നിന്ന് വിട്ടുനിൽക്കേണ്ടി വന്നേക്കും എന്നാണ് റിപ്പോർട്ടുകൾ.
എന്നാൽ പരുക്കുമായി ബന്ധപ്പെട്ട് സഞ്ജു സാംസണോ ബിസിസിഐയോ ഇതുവരെ ഔദ്യോഗികമായി പ്രതികരിച്ചിട്ടില്ല. ഇതേ തുടർന്ന് ആറാഴ്ചത്തെ വിശ്രമം സഞ്ജുവിന് വേണ്ടി വന്നേക്കും. ജമ്മു കശ്മീരിനെതിരായ രഞ്ജി ട്രോഫി ക്വാർട്ടർ ഫൈനൽ മത്സരം സഞ്ജുവിന് നഷ്ടമാവും.ജോഫ്ര ആർച്ചറുടെ പന്ത് ഇടിച്ചാണ് സഞ്ജുവിന്റെ വിരലിനു പരുക്കേറ്റത്. ആർച്ചറിന്റെ മൂന്നാം പന്ത് താരത്തിന്റെ വിരലിലാണ് പതിച്ചത്. ഇതോടെ കുറച്ചു നേരത്തേക്കു കളി നിർത്തിവച്ചു. തുടർന്ന് ടീം ഫിസിയോയെത്തി സഞ്ജുവിന്റെ പരുക്ക് പരിശോധിച്ചു. ബാൻഡേജ് ചുറ്റിയ ശേഷമാണു സഞ്ജു വീണ്ടും ബാറ്റിങ് ആരംഭിച്ചത്.
വാർത്താ ഏജൻസിയായ പിടിഐയുടെ റിപ്പോർട്ട് പ്രകാരം സഞ്ജു സാംസൺ തിരുവനന്തപുരത്തേക്ക് മടങ്ങി. നാഷണൽ ക്രിക്കറ്റ് അക്കാദമിയിൽ (എൻസിഎ) റിഹാബിലിറ്റേഷൻ പൂർത്തിയാക്കിയ ശേഷം അദ്ദേഹം പരിശീലനം ആരംഭിക്കും. പരിക്കിൽ നിന്നും മുക്തനായ ശേഷം സഞ്ജു സാംസൺ 2025 ലെ ഇന്ത്യൻ പ്രീമിയർ ലീഗ് (ഐപിഎൽ) ൽ രാജസ്ഥാൻ റോയൽ‌സിനായി തിരിച്ചെത്തും.”സാംസണിന്റെ വലതു ചൂണ്ടുവിരലിന് ഒടിവുണ്ട്. ശരിയായ രീതിയിൽ നെറ്റ്‌സിൽ കളിക്കാൻ അദ്ദേഹത്തിന് അഞ്ച് മുതൽ ആറ് ആഴ്ച വരെ എടുക്കും. അതിനാൽ ഫെബ്രുവരി 8 മുതൽ 12 വരെ പൂനെയിൽ നടക്കുന്ന രഞ്ജി ട്രോഫി ക്വാർട്ടർ ഫൈനൽ മത്സരത്തിൽ കേരളത്തിനായി (ജമ്മു കശ്മീർക്കെതിരെ) അദ്ദേഹം കളിക്കാൻ സാധ്യതയില്ല. സാധ്യതയനുസരിച്ച്, രാജസ്ഥാൻ റോയൽ‌സിനായി അദ്ദേഹത്തിന്റെ തിരിച്ചുവരവ് ഐ‌പി‌എല്ലിൽ സംഭവിക്കും” പി‌ടി‌ഐ റിപ്പോർട്ട് ചെയ്തു.
ഇംഗ്ലണ്ടിനെതിരെ സഞ്ജു സാംസൺ റൺസിനായി കഷ്ടപ്പെടുന്ന കാഴ്ചയാണ് കാണാൻ സാധിച്ചത്.കഴിഞ്ഞ അഞ്ച് ടി20 മത്സരങ്ങളിൽ മൂന്ന് സെഞ്ച്വറികൾ നേടിയതിന് ശേഷം ഇംഗ്ലണ്ടിനെതിരായ ടി20 പരമ്പരയിൽ പ്രവേശിച്ച സഞ്ജു സാംസണിന് അഞ്ച് മത്സരങ്ങളുള്ള പരമ്പരയിൽ മോശം പ്രകടനമാണ് കാഴ്ചവെച്ചത്.അഞ്ച് കളികളിൽ നിന്ന് വെറും 51 റൺസ് മാത്രമാണ് വലംകൈയ്യൻ നേടിയത്, കൊൽക്കത്തയിൽ നടന്ന ആദ്യ ടി20യിൽ നേടിയ 26 റൺസ് അദ്ദേഹത്തിന്റെ ഉയർന്ന സ്കോറായിരുന്നു. ആർച്ചർ, മാർക്ക് വുഡ്, സാഖിബ് മഹമൂദ് എന്നിവർ എറിഞ്ഞ ഷോർട്ട് ഡെലിവറികൾക്കെതിരെയും അതേ ഷോട്ട് കളിക്കുന്നതിനിടെയാണ് അദ്ദേഹം പുറത്തായത്.
Sanju Samson was hit by a Jofra Archer delivery during the fifth T20I at the Wankhede Stadium https://t.co/HR5C3jT5Rn
— CrickIt (@CrickitbyHT) February 3, 2025
നേരത്തെ, ഇംഗ്ലണ്ടിനെതിരായ മൂന്ന് ഏകദിനങ്ങൾക്കും ചാമ്പ്യൻസ് ട്രോഫിക്കുമുള്ള ഇന്ത്യൻ ടീമിൽ സഞ്ജു സാംസൺ ഇടം നേടിയിരുന്നില്ല. 30 കാരനായ സഞ്ജു ഇനി തന്റെ അടുത്ത അവസരത്തിനായി കാത്തിരിക്കേണ്ടിവരും.ഇന്ത്യൻ ടീമിൽ, ഓഗസ്റ്റിൽ ബംഗ്ലാദേശിനെതിരായ എവേ പരമ്പരയിലായിരിക്കും അദ്ദേഹം അടുത്തതായി കളിക്കാൻ സാധ്യത.ഒരു തയ്യാറെടുപ്പ് ക്യാമ്പിൽ പങ്കെടുക്കാൻ കഴിയാതിരുന്നതിനെ തുടർന്ന്, സഞ്ജു സാംസൺ അടുത്തിടെ വിജയ് ഹസാരെ ട്രോഫിയിൽ നിന്ന് വിട്ടുനിന്നിരുന്നു.