സഞ്ജു !! വെടിക്കെട്ട് സെഞ്ചുറിയുമായി നമ്മുടെ സഞ്ജു സാംസൺ | Sanju Samson

ദക്ഷിണാഫ്രിക്കയ്‌ക്കെതിരെ വെടിക്കെട്ട് സെഞ്ചുറിയുമായി ഫോമിലേക്ക് മടങ്ങിയെത്തി സഞ്ജു സാംസൺ.ജോഹന്നാസ്ബർഗിൽ 51 പന്തിൽ നിന്നാണ് സഞ്ജു തന്റെ മൂന്നാം ടി20 സെഞ്ച്വറി തികച്ചത്. പരമ്പരയിലെ സഞ്ജുവിന്റെ രണ്ടാം സെഞ്ചുറിയാണിത്. സഞ്ജുവിന്റെ ഇന്നിങ്സിൽ 6 ഫോറും 8 സിക്‌സും ഉണ്ടായിരുന്നു.

ദക്ഷിണാഫ്രിക്കയ്‌ക്കെതിരായ ടി20 പരമ്പരയിൽ തുടർച്ചയായ രണ്ട് മത്സരങ്ങളിൽ പൂജ്യത്തിന് പുറത്തായ സഞ്ജു സാംസൺ ശക്തമായ തിരിച്ചുവരവ് നടത്തി.അഭിഷേക് ശർമ്മയ്‌ക്കൊപ്പം ഇന്നിംഗ്‌സ് ഓപ്പൺ ചെയ്യാനെത്തിയ സഞ്ജു സാംസണിന് ആദ്യ ഓവറിൽ തന്നെ ജീവന് കിട്ടിയത് പരമാവധി മുതലാക്കി. നേരത്തെ, പരമ്പരയിലെ രണ്ട് ബാക്ക് ടു ബാക്ക് മത്സരങ്ങളിൽ സഞ്ജു സാംസണിന് അക്കൗണ്ട് തുറക്കാൻ പോലും കഴിഞ്ഞില്ല.

എന്നാൽ പരമ്പരയിലെ ആദ്യ മത്സരത്തിൽ തന്നെ തകർപ്പൻ സെഞ്ചുറിയുമായി സഞ്ജു അരങ്ങേറ്റം കുറിച്ചെങ്കിലും പിന്നീട് താളം തെറ്റുന്നതാണ് കണ്ടത്. എന്നിരുന്നാലും, നാലാം ടി20 മത്സരത്തിൽ സഞ്ജു ബാറ്റ് ചെയ്ത രീതി അദ്ദേഹത്തെ വീണ്ടും ട്രാക്കിലെത്തിച്ചു.സഞ്ജു ഇന്ന് കരുതലോടെയാണ് കളിച്ചത്. പതിയെ ആക്രമിച്ചു കളിച്ച സഞ്ജു പതിവ് ഫോമിലേക്ക് ഉയർന്നു. സൗത്ത് ആഫ്രിക്കൻ ബൗളർമാരെ അനായാസം കൈകാര്യം ചെയ്ത താരം 28 പന്തിൽ നിന്നും നിന്നും ഫിഫ്റ്റി പൂർത്തിയാക്കി. അഞ്ചു ഫോറും 3 സിക്‌സും സഞ്ജു നേടി.ട്രിസ്റ്റന്‍ സ്റ്റബ്‌സ് എറിഞ്ഞ പത്താം ഓവറില്‍ സിക്‌സടിച്ച് സ്‌റ്റൈലിഷായാണ് സഞ്ജു ഫിഫ്റ്റി തികച്ചത്.

ടോസ് നേടിയ ആദ്യം ബാറ്റിംഗ് തെരഞ്ഞെടുത്ത ഇന്ത്യക്ക് ഓപ്പണർമാർ മികച്ച തുടക്കമാണ് നൽകിയത്. രണ്ടാം ഇരു താരങ്ങളും അനായാസം റൺസ് കണ്ടെത്തി. കഴിഞ്ഞ രണ്ടു മത്സരങ്ങളിലും പൂജ്യത്തിന് പുറത്തായ സഞ്ജു സാംസൺ യദേഷ്ടം ബൗണ്ടറികൾ കണ്ടെത്തി. അഞ്ചാം ഓവറിലെ ആദ്യം പന്തിൽ സിക്സടിച്ച് അഭിഷേക് ശർമ്മ ഇന്ത്യൻ സ്കോർ 50 കടത്തി. ആ ഓവറിൽ മൂന്നു സിക്‌സും ഒരു ബൗണ്ടറിയും അഭിഷേക് നേടി. 6 ആം ഓവറിൽ സ്കോർ 73 ആയപ്പോൾ ഇന്ത്യക്ക് ആദ്യ വിക്കറ്റ് നഷ്ടമായി.18 പന്തിൽ നിന്നും 36 റൺസ് നേടിയ അഭിഷേക് ശർമയെ ലൂത്തോ സിപംല ക്ളാസന്റെ കൈകളിലെത്തിച്ചു.

പവർ പ്ലേയിൽ ഒരു വിക്കറ്റ് നഷ്ടത്തിൽ 73 റൺസാണ് ഇന്ത്യ നേടിയത്. മൂന്നാമതായി ഇറങ്ങിയ തിലക് വർമയും ആക്രമിച്ചു കളിച്ചതോടെ ഒൻപതാം ഓവറിൽ ഇന്ത്യൻ സ്കോർ 100 കടന്നു.സഞ്ജുവും തിലക് വർമയും വേഗത്തിൽ റൺസ് സ്കോർ ചെയ്തതോടെ ഇന്ത്യൻ സ്കോർ 11 ഓവറിൽ 142 ആയി. 12 ആം ഓവറിൽ ഇന്ത്യൻ സ്കോർ 150 കടന്നു. തിലക് വര്മയുടെയും സഞ്ജുവിന്റേയും ബാറ്റിൽ നിന്നും സിക്സുകൾ വീണുകൊണ്ടേയിരുന്നു. 22 പന്തിൽ നിന്നും തിലക് വർമ്മ അർദ്ധ സെഞ്ച്വറി പൂർത്തിയാക്കി. നാല് ബൗണ്ടറിയും അഞ്ചു സിക്‌സും താരം നേടി. 15 ആം ഓവറിൽ ഇന്ത്യൻ സ്കോർ 200 കടന്നു.

ഈ പരമ്പരയിൽ ആദ്യമായി ടോസ് നേടിയ ക്യാപ്റ്റൻ സൂര്യകുമാർ യാദവ് ദക്ഷിണാഫ്രിക്കയ്‌ക്കെതിരെ ആദ്യം ബാറ്റ് ചെയ്യാൻ ഇന്ത്യ തിരഞ്ഞെടുത്തു. ആദ്യ മൂന്ന് മത്സരങ്ങളിൽ ചെയ്തതുപോലെ ഇന്ത്യ ആദ്യം ബാറ്റ് ചെയ്യുന്ന തീം തുടരാൻ അദ്ദേഹം തീരുമാനിച്ചു.മൂന്ന് മത്സരങ്ങള്‍ കഴിഞ്ഞപ്പോള്‍ 2-1ന് മുന്നിലാണ് ഇന്ത്യ. ഇന്ന് വിജയിച്ചാല്‍ പരമ്പര ഉറപ്പിക്കാം.അതേസമയം പരമ്പരയില്‍ ഒപ്പമെത്താനാണ് ദക്ഷിണാഫ്രിക്ക ശ്രമിക്കുക.