രണ്ട് തുടർച്ചയായ വിജയങ്ങൾക്ക് ശേഷം, ഒക്ടോബർ 14 ന് നരേന്ദ്ര മോദി സ്റ്റേഡിയത്തിൽ നടക്കുന്ന ലോകകപ്പിലെ ബ്ലോക്ക്ബസ്റ്റർ പോരാട്ടത്തിൽ ഇന്ത്യ പാകിസ്താനെ നേരിടും.അഫ്ഗാനിസ്ഥാനെതിരായ തങ്ങളുടെ മുൻ മത്സരത്തിൽ ഇന്ത്യ ഒരു മാറ്റം വരുത്തിയാണ് ഇറങ്ങിയത്.ഓസ്‌ട്രേലിയക്കെതിരെ കളിച്ച രവിചന്ദ്രൻ അശ്വിന് പകരം ഷാർദുൽ താക്കൂറിനെ കൊണ്ടുവന്നു.
എന്നാൽ രോഹിത് ശർമ്മയ്ക്കും രാഹുൽ ദ്രാവിഡിനും പാകിസ്ഥാൻ പോരാട്ടത്തിന് മുമ്പ് വലിയ തലവേദനയാകും. രവിചന്ദ്രൻ അശ്വിൻ, മുഹമ്മദ് ഷമി, ഷാർദുൽ താക്കൂർ എന്നിവർ ഒരു സ്ഥാനത്തേക്ക് മത്സരിക്കുന്ന സാഹചര്യത്തിൽ ആരാണ് ഇലവനിൽ ഇടം കണ്ടെത്തുക?. വെറ്ററൻ പേസർ മുഹമ്മദ് ഷമി 2023 ലോകകപ്പിൽ ഇന്ത്യയ്‌ക്കായി ഇതുവരെ ഒരു മത്സരം കളിച്ചിട്ടില്ല. എന്നിരുന്നാലും തിരഞ്ഞെടുക്കാൻ ഇന്ത്യ തീരുമാനിക്കാനുള്ള സാധ്യത കൂടുതലാണ്. പാകിസ്ഥാനെതിരെ അദ്ദേഹം ലോകകപ്പിലെ തന്റെ ആദ്യ മത്സരം കളിച്ചേക്കാം.
ഏകദിനത്തിൽ പാക്കിസ്ഥാനെതിരായ ഷമിയുടെ റെക്കോർഡിനെക്കുറിച്ച് പറയുമ്പോൾ, ബദ്ധവൈരികൾക്കെതിരെ പേസർ അധികം കളിച്ചിട്ടില്ല. പാക്കിസ്ഥാനെതിരായ 3 ഏകദിന മത്സരങ്ങളിൽ നിന്ന് 5 വിക്കറ്റുകളാണ് ഷമി ഇതുവരെ നേടിയത്.ഏകദിനത്തിൽ ആകെ 28 ഓവറുകളാണ് ഷമി മെൻ ഇൻ ഗ്രീനിനെതിരെ എറിഞ്ഞത്.പാക്കിസ്ഥാനെതിരെ 4/35 ആണ് പേസറുടെ ഏറ്റവും മികച്ച പ്രകടനം.
നരേന്ദ്ര മോദി സ്റ്റേഡിയത്തിലെ വലിയ ബൗണ്ടറികൾ കാരണം രോഹിത് ശർമ്മയ്ക്ക് രവിചന്ദ്രൻ അശ്വിനൊപ്പം പോകാനുള്ള ഓപ്‌ഷനുണ്ട്.അശ്വിന്റെ ബാറ്റിംഗ് കഴിവ് വലിയ മത്സരത്തിന് വെറ്ററൻ ഓഫ് സ്പിന്നറിനൊപ്പം പോകാൻ ഇന്ത്യയെ പ്രേരിപ്പിച്ചേക്കാം.അഹമ്മദാബാദ് പിച്ചിന്റെ സ്ഥിതി പരിഗണിച്ച് ശാർദൂൽ താക്കൂറിനെയും രോഹിത് ശർമ്മ പരിഗണിക്കാനുള്ള സാദ്യതയുണ്ട്.മുൻ ഇന്ത്യൻ ക്രിക്കറ്റ് താരം ആകാശ് ചോപ്രയുടെ അഭിപ്രായത്തിൽ ഷാർദുലിനേക്കാൾ ടീം ഇന്ത്യ ഷമിക്കൊപ്പം പോകണമെനാണ്.