ഇന്ത്യയും ന്യൂസിലൻഡും തമ്മിലുള്ള മൂന്ന് മത്സര ടെസ്റ്റ് ക്രിക്കറ്റ് പരമ്പര ഒക്ടോബർ 16 ന് ആരംഭിക്കും. ഈ പരമ്പരയ്ക്കായി ബെംഗളൂരുവിലെത്തിയ ഇരുടീമുകളുടെയും താരങ്ങൾ ഇപ്പോൾ തീവ്ര നെറ്റ് പരിശീലനത്തിലാണ്. ആരാധകരിൽ വലിയ പ്രതീക്ഷയാണ് ഈ ആദ്യ മത്സരം സൃഷ്ടിച്ചിരിക്കുന്നത്. എന്നാൽ ആദ്യ ടെസ്റ്റ് മത്സരം സ്റ്റാർ ക്രിക്കറ്റ് താരം ശുഭ്മാൻ ഗില്ലിന് നഷ്ടമായേക്കും.
ന്യൂസിലൻഡിനെതിരായ മൂന്ന് മത്സര ടെസ്റ്റ് പരമ്പരയിലെ ആദ്യ മത്സരത്തിൽ ഗില്ലിൻ്റെ ലഭ്യതയെക്കുറിച്ച് മത്സരത്തിന് മുമ്പുള്ള വാർത്താ സമ്മേളനത്തിൽ ഇന്ത്യൻ ടെസ്റ്റ് ടീം ക്യാപ്റ്റൻ രോഹിത് ശർമ്മ വ്യക്തമായ പരാമർശം നടത്തിയില്ല. ശുഭ്മാൻ ഗില്ലിന് ഈ മത്സരം കളിക്കാനുള്ള യോഗ്യത ഇല്ലെങ്കിൽ സർഫറാസ് ഖാന് പ്ലെയിംഗ് ഇലവനിൽ തിരിച്ചെത്താനുള്ള അവസരമുണ്ട്.തോളിലും കഴുത്തിലും വേദനയുണ്ടെന്ന് ശുഭ്മാൻ ഗിൽ മാനേജ്‌മെൻ്റിനോട് പറഞ്ഞതായി വാർത്താസമ്മേളനത്തിൽ പങ്കെടുത്ത ഇന്ത്യൻ ടീം ക്യാപ്റ്റൻ രോഹിത് ശർമ പറഞ്ഞു.
Shubham Gill Miss first test against New Zealand replace by Sarfaraz Khan#indvsnz pic.twitter.com/YXDTZsEObf
— KuldeepDhatarwal29 (@BishnoiKuldeep1) October 15, 2024
കഴിഞ്ഞ രണ്ട് ദിവസങ്ങളിൽ ഫിസിയോയുടെ നിരീക്ഷണത്തിലാണ് തൻ്റെ പരിശീലന സമയത്തിൻ്റെ ഭൂരിഭാഗവും ഗിൽ ചെലവഴിച്ചത്.രോഹിത് ശർമ്മയോ ബിസിസിഐയോ അദ്ദേഹത്തിൻ്റെ നിലവിലെ ഫിറ്റ്നസ് നിലയെക്കുറിച്ച് ഒരു പ്രസ്താവനയും നടത്തിയിട്ടില്ല. ബുധനാഴ്ച (മത്സര ദിനം) രാവിലെ ശുഭ്മാൻ ഗില്ലിൻ്റെ ലഭ്യതയെക്കുറിച്ചുള്ള ഒരു കോൾ എടുക്കും.കഴിഞ്ഞ ഏതാനും പരമ്പരകളായി മൂന്നാം സ്ഥാനത്ത് തുടരുന്ന ഗിൽ കാര്യമായ റൺസ് നേടിയില്ലെങ്കിലും, ഭാവിയിലെ താരമെന്ന നിലയിൽ തുടർച്ചയായി അവസരങ്ങൾ നൽകി ഇന്ത്യൻ ടീം പിന്തുണച്ചിരുന്നു.
ടീം: ഇന്ത്യ: രോഹിത് ശർമ (ക്യാപ്റ്റൻ), ജസ്പ്രീത് ബുംറ (വൈസ് ക്യാപ്റ്റൻ), യശസ്വി ജയ്‌സ്വാൾ, ശുഭ്മാൻ ഗിൽ, വിരാട് കോഹ്‌ലി, കെഎൽ രാഹുൽ, സർഫറാസ് ഖാൻ, ഋഷഭ് പന്ത് (വിക്കറ്റ് കീപ്പർ), ധ്രുവ് ജൂറൽ, ആർ അശ്വിൻ, രവീന്ദ്ര ജഡേജ, അക്സർ പട്ടേൽ, കുൽദീപ് യാദവ്, മുഹമ്മദ് സിറാജ്, ആകാശ് ദീപ്.