സഞ്ജു സാംസണുമായുള്ള തർക്കത്തിൽ നടത്തിയ പരാമർശത്തിന്റെ പേരിൽ മുൻ ഇന്ത്യൻ ക്രിക്കറ്റ് താരം ശ്രീശാന്തിനെ കേരള ക്രിക്കറ്റ് അസോസിയേഷൻ സസ്‌പെൻഡ് ചെയ്തു.കെസിഎയ്‌ക്കെതിരെ അപകീർത്തികരമായ പരാമർശം നടത്തിയതിന് ശ്രീശാന്തിനെ മൂന്ന് വർഷത്തേക്ക് എല്ലാ പ്രവർത്തനങ്ങളിൽ നിന്നും വിലക്കിയതായി വെള്ളിയാഴ്ച കെസിഎ പ്രഖ്യാപിച്ചു.വിവാദ പരാമർശങ്ങളെ തുടന്ന് ശ്രീശാന്തിനു കെസിഎ കാരണം കാണിക്കൽ നോട്ടിസ് നൽകിയിരുന്നു. കേരള ക്രിക്കറ്റ് ലീഗിലെ ഫ്രാഞ്ചൈസി ടീമുകൾക്കും നോട്ടിസ് നൽകിയിരുന്നു, എന്നാൽ ഇവരുടെ ഭാഗത്തുനിന്നുള്ള മറുപടി തൃപ്തികരമായതിനാൽ നടപടിയെടുക്കില്ല.
“വിവാദ പരാമർശങ്ങളെ തുടർന്ന്, ശ്രീശാന്തിനും ഫ്രാഞ്ചൈസി ടീമുകളായ കൊല്ലം ഏരീസ്, ആലപ്പി ടീം ലീഡ് കണ്ടന്റ് ക്രിയേറ്റർ സായ് കൃഷ്ണൻ, ആലപ്പി റിപ്പിൾസ് എന്നിവർക്കും കെസിഎ കാരണം കാണിക്കൽ നോട്ടീസ് അയച്ചിരുന്നു. ഫ്രാഞ്ചൈസി ടീമുകൾ നോട്ടീസിന് തൃപ്തികരമായ മറുപടികൾ നൽകിയതിനാൽ, അവർക്കെതിരെ തുടർ നടപടികളുമായി മുന്നോട്ട് പോകേണ്ടതില്ലെന്ന് യോഗം തീരുമാനിച്ചു. എന്നിരുന്നാലും, അംഗങ്ങളെ ഉൾപ്പെടുത്തുമ്പോൾ ജാഗ്രത പാലിക്കാൻ കെസിഎ ടീം മാനേജ്‌മെന്റിനോട് നിർദ്ദേശിച്ചു,” കെസിഎ പ്രസ്താവനയിൽ പറഞ്ഞു.
The Kerala Cricket Association (KCA) has suspended former India pacer S Sreesanth for three years for allegedly making false and derogatory statements against it in connection with the controversy surrounding Sanju Samson's omission from the Indian team for the Champions Trophy.… pic.twitter.com/kOaJFo9Dhu
— DNA (@dna) May 2, 2025
ഇതിനുപുറമെ, സഞ്ജു സാംസണിന്റെ പിതാവിനെതിരെ കെസിഎ നടപടി സ്വീകരിച്ചിട്ടുണ്ട്, ഇന്ത്യൻ താരത്തിന്റെ പിതാവിനെതിരെ നഷ്ടപരിഹാരം ആവശ്യപ്പെട്ട് നിയമനടപടി സ്വീകരിച്ചിട്ടുണ്ട്. അതോടൊപ്പം, ആരോപണങ്ങളുടെ പേരിൽ ഒരു വാർത്താ അവതാരകനും കെസിഎയുടെ ഉപരോധത്തിന് വിധേയനാണ്. ഈ വർഷത്തിന്റെ തുടക്കത്തിൽ, വിശ്വനാഥ് കെസിഎയെ പരസ്യമായി വിമർശിച്ചിരുന്നു, ചില ഉദ്യോഗസ്ഥർ തന്റെ മകന്റെ ക്രിക്കറ്റ് കരിയറിനു മനഃപൂർവ്വം തുരങ്കം വയ്ക്കുന്നുവെന്ന് ആരോപിച്ചു.
കേരളത്തിന്റെ വിജയ് ഹസാരെ ടീമിൽ നിന്ന് ഒഴിവാക്കപ്പെട്ടതോടെയാണ് സഞ്ജു സാംസൺ വിവാദത്തിന്റെ കേന്ദ്രബിന്ദുവായി മാറിയത്. കെസിഎയുടെ അഭിപ്രായത്തിൽ, ടൂർണമെന്റിന് മുമ്പുള്ള ക്യാമ്പിൽ താൻ ഉണ്ടാകില്ലെന്ന് സഞ്ജു അസോസിയേഷനോട് പറഞ്ഞു. സഞ്ജു ഇല്ലാതെ കേരള ടീം വയനാട്ടിൽ ഒരു ക്യാമ്പ് നടത്തിയിരുന്നു, തുടർന്ന് ഇന്ത്യൻ താരത്തെ ടൂർണമെന്റിലേക്ക് പരിഗണിച്ചില്ല. സഞ്ജു സാംസൺ ഒരു തെറ്റും ചെയ്തിട്ടില്ല , അദ്ദേഹത്തിന് മുന്നിൽ വാതിൽ തുറന്നിട്ടിരിക്കുകയാണെന്ന് കെസിഎ പ്രസിഡന്റ് ജയേഷ് ജോർജ് പറഞ്ഞു.