ഇന്ത്യയും ന്യൂസിലൻഡും തമ്മിലുള്ള മൂന്ന് മത്സര ടെസ്റ്റ് പരമ്പരയിലെ ആദ്യ രണ്ട് മത്സരങ്ങളിലും ദയനീയ പരാജയമാണ് ഇന്ത്യ ഏറ്റുവാങ്ങിയത്.12 വർഷത്തെ തുടർച്ചയായ ഇന്ത്യയുടെ ഹോം വിജയമാണ് ഇതോടെ അവസാനിച്ചത്.ഇരു ടീമുകളും തമ്മിലുള്ള മൂന്നാം ടെസ്റ്റ് മത്സരം ഡിസംബർ ഒന്നിന് മുംബൈയിലെ വാങ്കഡെ സ്റ്റേഡിയത്തിൽ ആരംഭിക്കാനിരിക്കെ ടീമിൽ നിന്ന് വാഷിംഗ്ടൺ സുന്ദറിനെ ഒഴിവാക്കാനുള്ള സാധ്യത ഏറെയാണ് .
ന്യൂസിലൻഡിനെതിരെ പൂനെയിൽ നടന്ന രണ്ടാം ടെസ്റ്റ് മത്സരത്തിൽ പ്ലെയിംഗ് ഇലവനിൽ ഉൾപ്പെട്ട വാഷിംഗ്ടൺ സുന്ദർ മികച്ച ബൗളിംഗ് പുറത്തെടുക്കുകയും ആദ്യ ഇന്നിംഗ്‌സിൽ 7 വിക്കറ്റും രണ്ടാം ഇന്നിംഗ്‌സിൽ 4 വിക്കറ്റും വീഴ്ത്തി മത്സരത്തിൽ 11 വിക്കറ്റ് വീഴ്ത്തുകയും ചെയ്തിരുന്നു.നീണ്ട ഇടവേളയ്ക്ക് ശേഷം കിട്ടിയ അവസരം പരമാവധി മുതലാക്കിയ വാഷിംഗ്ടൺ സുന്ദർ തുടരുമെന്ന് പ്രതീക്ഷിച്ചിരുന്നു.
എന്നാലിപ്പോൾ മൂന്നാം ടെസ്റ്റ് മത്സരത്തിൽ കളിക്കില്ല എന്ന സാഹചര്യമാണുള്ളത്. മുംബൈയുടെ വാങ്കഡെ പിച്ച് അൽപ്പം വേഗതയുള്ള ബൗളിംഗ് ആയതിനാൽ, ജസ്പ്രീത് ബുംറ, മുഹമ്മദ് സിറാജ്, ആകാശ് ദീപ് ത്രയത്തിനൊപ്പം പോകാനാണ് ഇന്ത്യ ആഗ്രഹിക്കുന്നത്. ഇതുമൂലം രണ്ട് സ്പിന്നർമാർക്ക് മാത്രമേ ഇന്ത്യൻ ടീമിൽ അവസരം ലഭിക്കൂ.
പരിചയ സമ്പന്നരായ സ്പിന്നർമാരായ രവിചന്ദ്രൻ അശ്വിനും രവീന്ദ്ര ജഡേജയും പ്ലെയിംഗ് ഇലവനിൽ പ്രധാന താരങ്ങളാകുന്നതിനാൽ വാഷിംഗ്ടൺ സുന്ദറിനെ പ്ലെയിംഗ് ഇലവനിൽ നിന്ന് ഒഴിവാക്കുമെന്ന് തോന്നുന്നു.